INṬANNA 36
36
Esau thlahai
(1 Chr 1.34-36)
1Chun, hieng hi Esau thlahai chu an nih (Esau chu Edom a nih).
2 #
Gen 26.34; 28.9 Esau chun a nuhmeihai chu Kanaan nunghâk laia mi a ni a nei chu: Hit mi Elon naunu Ada le, Hiv mi Zibeon tunu Ana naunu Oholibama le,
3Ismael naunu, Nebaioth farnu Basemath an nih.
4Ada chun Esau chu Eliphaz a neipêk a; Basemath chun Reuel a nei a,
5Oholibama chun Jeus, Jalam le Kora a nei a; chuong chu Esau naupasal Kanaan rama pienghai chu an nih.
6Chun, Esau chun a nuhmeihai, a naupasalhai, a naunuhmeihai le, a ina mi po po, a ranhai, a sa po po le, Kanaan rama a lam suok a thilnei po po chu a sawm a, a sang kuoma inthawk chu ram dangah a fe ta dai a.
7An thil neihai chu a nasa taluo a, an um hmunkhat thei naw a nih; an ranhai leiin an khuolchâmna ram chun a dai ta naw a.
8Chuongchun, Esau chu Seir tlânga chun a um ta a; Esau chu Edom a nih.
9Hieng hi Seir tlânga Edom mihai thlatu Esau thlahai chu an nih.
10Hieng hi Esau naupasalhai hming chu an nih: Esau nuhmei Ada naupa Eliphaz, Esau nuhmei Basemath naupa Reuel.
11Eliphaz naupasalhai chu Teman, Omar, Zepho, Gatam le Kenaz an nih.
12(Timna chu Esau naupa Eliphaz thaikêm a nih, ama chun Eliphaz chu Amalek a neipêk a). Hieng hi Esau nuhmei Ada naupasalhai chu an nih.
13Hieng hi Reuel naupasalhai chu an nih: Nahath, Zera, Samma le Mizza hi. Hieng hi Esau nuhmei Basemath naupasalhai chu an nih.
14Hieng hi Zibeon tunu Ana naunu Oholibama, Esau nuhmei, naupasalhai an nih: ama chun Esau chu Jeus, Jalam le Kora a neipêk a.
15Hieng hi Esau naupasalhai laia hotuhai chu an nih: Esau nau lutîr Eliphaz naupasalhaia hotuhai: Teman, Omar, Zepho, Kenaz, 16Kora, Gatam le Amalek hi: hieng hi Edom rama Eliphaz-a inthawka suok hotuhai chu an nih; chuong chu Ada naupasalhai chu an nih.
17Hieng hi Esau naupa Reuel naupasalhai chu an nih: hotu Nahath, Zera, Samma le Mizza hi: hieng hi Edom rama Reuela inthawka suok hotuhai chu an nih, hieng hi Esau nuhmei Basemath naupasalhai chu an nih.
18Hieng hi Esau nuhmei Oholibama naupasalhai chu an nih: hotu Jeus, Jalam le Kora hi; hieng hi Ana naunu, Esau nuhmei Oholibama naupasalhai chu an nih.
19Hieng hi Esau naupasalhai chu an nih; hieng hi anni laia hotuhai chu an nih: Esau chu Edom a nih.
Seir thlahai
(1 Chr 1.38-42)
20 #
1 Chr 1.38-42
Hieng hi Hor mi, Seir naupasalhai chu rama umhai chu an nih: Lotan, Sobal, Zibeon, Ana,
21Dison, Ezer le Disan hi. Hieng hi Edom rama Seir naupasalhai, Hor mihaia inthawka suok hotuhai chu an nih.
22Lotan nauhai chu Hori le Hemam an nih, chun, Lotan farnu chu Timna a nih.
23Hieng hi Sobal nauhai chu an nih: Alvan, Manahath, Ebal, Sepho le Onam hi.
24Hieng hi Zibeon nauhai chu an nih: Aia le Ana hi. Hi Ana hi a nih a pa Zibeon sabengtung lien chihai an thla laia thlalêra tuilumkhurhai hmu suoktu kha.
25Hieng hi Ana nauhai chu an nih: Dison le Ana naunu Oholibama hai hi.
26Hieng hi Dison#Dison, or Disan ti khawm a nih nauhai chu an nih: Hemdan, Esban, Ithran le Cheran hai hi.
27Hieng hi Ezer nauhai chu an nih: Bilhan, Zaavan le Akan hai hi.
28Hieng hi Disan nauhai chu an nih: Uz le Aran hai hi.
29Hieng hi Hor mihaia inthawka suok hotuhai chu an nih: hotu Lotan, Sobal, Zibeon, Ana,
30Dison, Ezer le Disan hai hi: hieng hi Seir rama an chihai ang peia Hor mihaia inthawka suok hotuhai chu an nih.
Edom lalhai
31 #
1 Chr 1.43-53
Hieng hi lal hrim hrimin Israel mihai chunga ro an rêl hmaa Edom rama rorêltu lalhai chu an nih.
32Beor naupa Bela chun Edomah ro a rêl a; a khawpui hming chu Dinhaba a nih.
33Bela chu a thi a, Bozra mi Zera naupa Jobab chu a aiin ân lal a.
34Jobab chu a thi a, Teman mihai rama mi Husam chun a aiin ân lal a.
35Husam chu a thi a, Bedad naupa Hadad, Moab phûla Midian mihai thattu kha a aiin ro a rêl a, a khawpui hming chu Avith a nih.
36Hadad chu a thi a, Masreka mi Samla chun a aiin ro a rêl a.
37Samla chu a thi a, Vadungpui#Euphrates kama Rehoboth mi Saula chun a aiin ân lal a.
38Saula chu a thi a, Akbor naupa Baal-hanan chu a aiin ân lal a.
39Akbor naupa Baal-hanan chu a thi a, Hadar chun a aiin ân lal a; a khawpui hming chu Pau a nih; a nuhmei hming chu Mezahab naunu Matred naunu Mehetabel a nih.
40Chun, hieng hi an sûngkuo ang pei, an hmun ang pei le an hming ang peia Esau thla hotuhai hming chu a nih: Hotuhai Timna, Alva, Jetheth,
41Oholibama, Ela, Pinon,
42Kenaz, Teman, Mibzar,
43Magdiel le Iram hai hi: Hieng hi an ram neia an umna ang peia Edom (chu chu Edom mihai thlatu Esau) thla hotuhai chu an nih.
Currently Selected:
INṬANNA 36: HMOVBSI
Highlight
Share
Copy
Want to have your highlights saved across all your devices? Sign up or sign in
Hmar OV (Re-edited) Bible (Millennium) - Pathien Lekhabu Inthieng
Copyright © Bible Society of India, 2016.
Used by permission. All rights reserved worldwide.
