2 KORINTH 9
9
Thawlâwm pêk dân kawng
1Mi inthienghai rawngbâwl thu chu in kuoma ka ziek a ngai naw ie,
2inzosa zinga um in nih ti ka hriet si a, chu kawng thua chun, “Kum khat a ni tah, Akaia ram chu inbuotsaiin an um tah,” tiin Makedonia rama mihai kuomah ka suong hlak cheu a; chuongchun, in ṭhahnemngaina chun anni laia mi tamtak a chawkhar ta a.
3Nisienlakhawm, chu kawng thua chun ka suongna cheu chu iengkhawm lo a hung ni nawna dingin, unauhai hi ka hung tir a nih, ka hril ang taka inbuotsaia in lo um theina dingin;
4chuong naw chun Makedonia rama mi tuhaiin amanih mi lo zui kherin, inbuotsai lova an hung hmu cheu chun, keini hi, (nangni kan ti nawh), kan ringna cheu kawnga hin muolpho rawi kan tih.
5Chuleiin, unauhai hi, thilpêk in itiemlâwk kha lo siem lâwk dinga in kuoma hung hmasa dinga ngên ṭulin ka ring a nih, chu ngei chu lâkpêk ang ni lova, phal taka pêk ang lemin inzosaa a lo umna dingin.
6Amiruokchu, chuong ang kawnga chun, the tlâwm chun sîk tlâwm a ta, the tam chun sîk tam a tih.
7Mi tinin inro puma pe lovin, pêk naw thei naw anga ngaia pe bawk lovin, an lungrila an tum ang peiin pe seng raw se; Pathien chun hlimtaka petu chu a nih a hmangai chu.
8Chun, Pathienin lunginsietna tinrêng in chungah a vur thei a nih; chuongchun, nangnîn iengkimah a hun zet nei rawpin, sin thaw ṭha tinrênga dingin hau thei in tih;
9 #
Sm 112.9
“A sem dar a;
Rimsihai kuomah a pêk a,
A felna chu kumkhuoin um zing a tih,” ti ziek ang khan.
10 #
Is 55.10
Chun, thetu kuoma chi petu le, fâk dinga bei petu chun in the ding chi chu pe cheuin, sukpung pêk a ti cheu a, in felna ra chu sukhlâwkpêk a ti cheu.
11Tiktlaina tinrêng, keini leiin Pathien kuoma lâwmthu hrilna siemtu chu nei dinga iengkima sukhausakin um in tih.
12Hi sawmdâwlna rawngbâwlna hin, mi inthienghai chu a phuhrûkpêk chau khawm a ni naw a, Pathien kuoma lâwmthu hrilna tamtaka inchangin a luong liem bawk a nih.
13Hi rawngbâwlna hin a fiena cheu leiin, Krista Chanchin Ṭha in iawi in zâwmzie lei le, anni ta ding le mi po po ta dinga thawlâwm thawnaa in tiktlaizie lei hin Pathien an sukropui hlak in sawnnaw.
14Anni ngei khawmin in chungah Pathien lunginsietna a nasa bêk bêk leiin, in ta dinga ṭawngṭai pêk zing cheuin an ngai hle cheu a nih.
15A thilpêk hril thei ruollo leiin Pathien kuomah lâwmthu um raw se.
Currently Selected:
2 KORINTH 9: HMOVBSI
Highlight
Share
Copy
Want to have your highlights saved across all your devices? Sign up or sign in
Hmar OV (Re-edited) Bible (Millennium) - Pathien Lekhabu Inthieng
Copyright © Bible Society of India, 2016.
Used by permission. All rights reserved worldwide.
