2 KORINTH 8
8
Juda rama ringtuhai ta dinga thawlâwm
1Chuongchun, unauhai, Makedonia rama kohranhai laia Pathien lunginsietna pêka um chu kan inhriettir ding cheu a nih;
2khânga rinuma fiena nasatak puma an hlimna a liem le an rimsikna nasatak chu an tiktlaina nasataka ân chang tâkzie kha.
3An theitâwk ang peiin, anih, an theitâwk nêka nasa lemin anni thu thuin an pêk ti ka hrietpui a nih:
4 #
Rom 15.26
lunginsietna mi inthienghai rawngbâwla ṭhang ve chu nasataka keini mi hniin.
5Chu khawm chu kan ring naw ang takin an thaw a. Pathien dit zâwngin Lalpa kuoma le keini kuomah anni an inpêk hmasa zet zet a nih.
6Chuongchun, inhmaa an lo thaw ṭan ta lei khan hi lunginsietna khawm hi nangnia thaw zo nghâl dingin Tita chu kan ngên ta rau a.
7Chuongchun, iengkim ringna dâm, thu hril thiemna dâm, hrietna dâm, ṭhahnemngaina po po dâm, in mi hmangaina dâm, in hau ang hin, chu lunginsietna khawm chu in hau theina dingin taimâk suo ro.
8Thupêk tiengin ka hril naw a, mi dang ṭhahnemngainain in hmangaina takzie khawm chu infie dingin ka hril lem a nih.
9Ei Lalpa Isu Krista lunginsietna chu, a rimsik leia in hung hausak theina dingin, hausa sienla khawm nangni lei ngeiin a lo rimsi ta kha in hriet si a.
10Chuongchun, chutaka chun ka ngaidân ang a nih ka hril, chu chu in ta dingin a ṭha si a, kum khat a ni ta a, a phut hmasatuhai in na, in thaw phut chau khawm ni lovin a thaw nuom hmasatak khawm in ni kha.
11Chuongchun, nuom dinga inzona a um ang khan, in nei ang peia hlenna khawm a um theina dingin, tuhin chu thaw sawng ta ro.
12Inzona chu a um phawt chun, mi a nei naw sa ni lovin, a neizie ang peia a pêk chu lâwm tlâk a ni si a.
13Mi dang inrim lova, nangni in inrimna dinga ka ti a ni naw a;
14inchawkchamna dingin, in nei liem chu tulai hin an tlâksamna phuhrûkna a lo ni thei a, anni nei liem khawm in tlâksamna phuhrûkna a lo ni ve thung theina dingin ka ti lem a nih; chuongchun, inchawkchamna hung um thei a tih.
15 #
Ex 16.18
“A rût tam chun a chuongin a nei naw a, a rût tlâwm khawm a tlasam chuong nawh,” tia ziek ang khan.
Tita le a ruolhai rawngbâwlna
16Chun, in chunga ka ṭhahnemngaina ang Tita lungrila pe hlaktu Pathien kuoma chun lâwmthu um raw se.
17Ama chun, kan infuina chu a pawm ngei a, nisienlakhawm, kan infui lei chau ni lovin, ama ngei khawm chu ṭhahnemngai tak a na, ama thu thuin in kuoma hung dingin a suok ta a nih.
18Chun, ama ruolin unaupa kan tir ve ta bawk a, ama chu Chanchin Ṭha kawnga an inpâk thu kohranhai po poah ân thang suok a.
19Chuong chau khawm chu a ni naw a, Lalpa ropuizie le kan inzozie inentir dinga a rawng kan ibâwl hi lunginsietna thua hin keini le khuo fang ve dingin kohranhai iruot ve hrim a ni bawk a.
20A rawng kan ibâwl, hi thilpêk kawnga hin tûkhawma an mi dem nawna dingin kan fimkhur a,
21 #
Tv 3.4
Lalpa ngai chau ni lovin, mihriem ngai khawma thil mawi kan ngaituo bawk hlak a nih.
22Chun, anni ruolin kan unaupa kan hung tir ve a, ama chu kawng tamtaka ṭhahnemngai tak a nih ti vawi tamtak kan infie ta a, tu lem hin chu a ring bêk bêk cheu leiin ṭhahnem a ngai nâwk zuol tah a nih.
23Tita hi chu ka ruolpa le nangni tienga ka sinthawpui a na; chun, kan unauhai hi chu kohranhai tirko, Krista ropuina chu an nih.
24Chuleichun, in hmangai ti hrietna le, kan suongna cheu hrietna chu kohranhai hmaa chun an kuoma hin suklang ro.
Currently Selected:
2 KORINTH 8: HMOVBSI
Highlight
Share
Copy
Want to have your highlights saved across all your devices? Sign up or sign in
Hmar OV (Re-edited) Bible (Millennium) - Pathien Lekhabu Inthieng
Copyright © Bible Society of India, 2016.
Used by permission. All rights reserved worldwide.
