MARKA 9

1Chun, ama bawkin an kuomah, “Titakzetin ka hril cheu hi, hitaka ngîr aṭhenhai hi Pathien ram chu thilthawtheina le a hung tlung an hmu hmâkhat chu thina intem tawp naw ding an um,” a ta.

A hmêl danglamna

(Mt 17.1-13; Lk 9.28-36)

2 # 2 Pet 1.17-18 Chun, ni ruk hnungin Isûn Peter hai, Jakob hai, Johan hai, chu a ṭhuoi a, a tumin tlâng insângtakah anni chau chu a hang fepui a, an hmaa chun a hmêl umzie chu a hung dang- lam tah a.

3Chuongchun, a silfênhai chu hnuoia puon sâwptu hrim hrimin an sâwp vâr thei naw ding khawp rakin a hung vâr a, a hung tle ta sur el a.

4Chun, Elija le Mosie chu an kuomah an hung inlâr a, Isu le chun an inbiek tah a.

5Chun, Peterin Isu a biek a, “Rabbi, ei ta dingin hitaka um hi a ṭha; bâwkte pathum khâwng ei ta, I ta dingin pakhat, Mosie ta dingin pakhat, Elija ta dingin pakhat,” a ta.

6An ṭi bêk bêk leiin hril ding mumal a hriet si nawh a.

7 # Mt 3.17; Mk 1.11; Lk 3.22 Chun, anni chu hliein sûm a hung suok a, “Ahi ka Naupa dittak a nih, ama thu ngai ro,” a ta.

8Chun, an hang en vêl vak a, Isu chau naw chu tukhawm an kuomah chun an hmu ta nawh a.

9Chun, tlânga inthawk an ṭum laiin, Mihriem Naupa mithi laia a thonâwk hnunga chau naw chu an iengkhat hmuhai chu tukhawm hril naw ding a ti tlat a.

10Chuongchun, chu thu chu an vawng zing a, “Mithi laia a thonâwk chu ieng tina am nîng a ta?” tiin anni rawi chu an indawn tuo hlak a.

11 # Mal 4.5; Mt 11.14 Chun, anni chun a kuomah, “Iengdinga Dân inchûktirtuhaiin ‘Elija a hung hmasa ding a nih,’ ti am an na?” tîn an indawn a.

12Ama chun an kuomah, “Elija chu hung hmasa hrim a ta, iengkim a siem ṭha ding a nih: thil tamtak tuorin, mi hmusitin a um ding a nih ti Mihriem Naupa chanchin iengtiziea ziek am an na?

13Nisienlakhawm, ka hril cheu hi: Elija chu a hung ta a nih. Chun, a chanchin an ziek ang ngei khan, a chungah an nuom nuomin an thaw ta hrim bawk a,” a ta.

Pasal naupang khawhri iman sukdam

(Mt 17.14-21; Lk 9.37-43)

14Chun, inchûktirhai kuom an zuk tlung chun, an vêla mipui nasatakhai le Dân inchûktirtuhaiin an lo sêl lai an zu hmuh a.

15Chun, mipui po po chun ama an hmu phing chun mak an ti hle a, a kuom tieng an tlân tâwl a, chibai an va bûk a.

16Chun, ama chun an kuomah, “Annihai rawi leh ieng thu am a na in insêl?” tîn ân dawn a.

17Mipui laia mi pakhatin an kuomah, “Inchuktirtu, ka naupa khawhri ṭawng thei naw iman chu i kuomah ka hung ṭhuoi a.

18A manna taphawtah a sukthlûk rak hlak a, chuongchun, a chil- huomhai a tlah a, a hahai a rawt a, a chêr tieu tieu a. Hnawt dawk dingin i închûktirhai ka ngên a, an thei si nawh a,” tiin ama a dawn a.

19Chun, ama chun an kuomah, “Ruolthar ringna nei nawhai, ieng chen am in kuomah um ka ta? Ieng chen am ngai thei ka ti cheu a? Ama chu ka kuomah hung ṭhuoi ro,” tiin a dawn a.

20Chun, ama chu Isu kuomah an hung ṭhuoi a; chuongchun, khawhri chun ama a hmu phingleh, naupang chu nasatakin a sawisa nghâl tah a; chuongchun, hnuoiah a tluh a, chilhuom tla reiruiin ân tleng ta tawp tawp a.

21Chun, ama chun a pa kuomah, “Hienga a um phutna hi ieng chen am a ni tah a?” tiin ân dawn a. Ama chun, “A naupang laia inthawkin a ni tah;

22hieng hin ama sukbohmang dingin vawi tamtak meia dâm, tuia dâm a nam thlûk tah a; nisien- lakhawm, nangin iengtin amanih bêk i thaw thei chun mi lunginsiet la, mi ṭhangpui rawh,” a ta.

23Chun, Isûn, a kuomah “ ‘I thei chun’ am ie? Awitu ta ding chun iengkim thaw thei a nih i sawnnaw,” a ta.

24Chuongchun, naupang pa chun, “Ka awi, ka awinawnaa hin mi ṭhangpui rawh,” tîn a khêk suok nghâl tah a.

25Chun, Isûn mipui an hung tlân khâwm chu a hmuin khawhri inthieng naw chu a hal a, a kuomah, “Nang khawhri ṭawng thei naw le nasêt, thu ka pêk che hi, a sûnga kha hung suok la, lût nâwk ta naw rawh,” a ta.

26Chuongchun, a khêk suok a, nasataka a sawisak zo chun a hung suok tah a, chun, naupang chu thi ang elin a um a, chuongchun, mi tam lem chun, “A thi a nih,” an tih a.

27Isu ruok chun a kutah a chel a, a keitho a; chuongchun, a hung tho el tah a.

28Chun, Isu chu in a va lût chun, a închûktirhaiin, “Iengdinga keinîn kan hnawt dawk thei naw am a na?” tiin fienrielah an indawn a.

29Ama chun an kuomah, “Hieng ang hi ṭawngṭaina#Ziekna ṭhenah chun, “le bu ngheina”, ti an belsa naw chun iengtin khawm a suok thei nawh” a ta.

Isûn a thi ding le thonâwk ding thu a hril nâwkna

(Mt 17.22-23; Lk 9.43-45)

30Chun, chutaka inthawk chun, an fe suok a, Galili ram chu an fe thleng a, tu ihriet khawm a nuom nawh a.

31A închûktirhai chu a hril a, an kuomah, “Mihriem Naupa hi mi- hriemhai kuta inmantirin a um ding a nih, sukhlum bawk an ta; chun, sukhlum hnung ni thum chenah tho nâwk a tih,” a ta.

32Nisienlakhawm, a thu hril chu a ngaina an hriet nawh a; ama hlak chu an indawn ngam si nawh a.

33Chun, Kapernaum chu an hung tlung a; chun, in sûnga chun a um laiin an kuomah, “Lampuia khan ieng thu am a na in insêl?” tîn ân dawn a.

Vân rama ropuitak ding chu

(Mt 18.1-5; Lk 9.46-48)

34 # Lk 22.24 Nisienlakhawm, lampuia chun, “Eini lai hin tu am ropuitak a ta?” tiin an lo insêl ta leiin an to zing el a.

35 # Mt 20.26-27; 23.11; Mk 10.43-44; Lk 22.26 Chun, ama chu a ṭhung a, sâwm le pahnihai chu a ko a, an kuomah, “Tûkhawmin a hmasatak ni a nuom chun, mi po po nêka nuhnungin um a ta, mi po po rawngbâwltuin a um bawk ding a nih,” a ta.

36Chun, naupangte a kei a, anni lai ân ngîrtir a, chun, a kutin a kuoh a, an kuomah,

37 # Mt 12.30; Lk 11.2 “Tûkhawm keia hming leia hieng ang naupang chîte pakhat khawm lâwm chu keia mi lâwm ning a tih; tûkhawm keia mi lâwm chu a mi tirtu lâwm ni lem a tih,” a ta.

A mi kal naw chu eini tienga ṭhang a nih

(Mt 10.42; Lk 9.49-50)

38Johan chun a kuomah, “Inchûk- tirtu, tuin amanih i hmingin khawhrihai a hnawt dawk kan hmuh a, a mi zui ve naw leiin kan khap tah annaw,” a ta.

39Isu ruok chun, “Khap ta naw ro,tûkhawm ka hminga thilmak thaw sih a, a mi hrilse thei an um naw a nih.

40 # Mt 12.30; Lk 11.23 Tûkhawm a mi kal naw chu eini tienga ṭhang a ni sih a.

41 # Mt 10.42 Tûkhawm Krista mi in ni leia tuisik no khat dâwn ding pe taphawthai cheu chu, titakzetin ka hril cheu, an lâwmman ding chu inhmang ta naw tawp a tih.

Suol dinga thlêmnahai

(Mt 18.6-9; Lk 17.1-2)

42“Chun, tûkhawm hieng a mi awitu chîtêhai laia pakhat chau khawm sukthlu taphawt chu, a rîngah bu râwtna lung lientak in- hlitirin tuisuorietah thlâkin um sienla, a ta dingin ṭha lem a tih.

43 # Mt 5.29 Chun, i kutin a sukthlûk che chun, tan el rawh; kut pahni neia Hremhmun mei rêm thei nawa fe nêkin, kut bûla hringnaa i lût chu i ta dingin a ṭha lem.

44[Chu hmuna chun an nge a thi ngai ta nawh a, mei khawm chu a rêm ngai ta nawh.]#Ziek ṭhena chu Ch.44 le 46 hi a um nawh

45Chun, i kein a sukthlûk che chun tan rawh; ke pahni neia Hremhmuna peia i um nêk chun, ke baia hringnaa i lût nanga dingin a ṭha lem.

46[Chu hmuna chun an nge a thi ngai ta nawh a, mei khawm chu a rêm ngai ta nawh.]#Ziek ṭhena chu Ch.44 le 46 hi a um nawh

47Chun, i mitin a sukthlûk che chun khel dawk el rawh, mit khingkhat neia Pathien rama lût i ta dingin a ṭha lem: mit khinghni neia Hremhmuna#Gr.Gehenna peia um nêk chun,

48 # Is 66.24 chu hmuna chun an nge a thi ngai ta nawh a, mei khawm chu a rêm ngai ta bawk nawh.

49Mi tin meia #Ziek ṭhenah “inthawina tinrêng chu chia saw a ni ding a nih” ti an bel sawin an um ding a ni sih a.

50 # Mt 5.13; Lk 14.34-35 Machi hi a ṭha; nisienlakhawm, machi hi da ta sienla, iengin am sukal nâwk an ta? Nangni ngeiah machi nei unla inngei ro,” a ta.

Currently Selected:

MARKA 9: HMARCLBSI

Highlight

Copy