MATTHAI 7
7
Mi dang rorêlpêk thu
(Lk 6.37-38,41-42)
1“Sawisêl naw ro, sawisêla in um nawna dingin.
2 #
Mk 4.24 In sawisêl ang bawkin sawisêlin um in tih, in inkhina ngai bawka inkhipêk ni nâwk in tih.
3Chun, iengdinga mâni mita tlung- pûm um ngaituo si loa; i unau mita hmawl hlek um chu i hmu am a na?
4Iengtin am i unau kuomah, ‘I mita hmawl hlek kha mîn lâk dawktir rawh,’ ti thei i ta? Ngai ta, nanga mit ngeiah tlungpûm chu a um zing sih a.
5Mi vervêk! I mita inthawkin tlungpûm kha la suok hmasa rawh; chuongchun, i unau mita inthawka hmawl hlek lâk suok ding chu feltakin hmu thei i tih.
6“Ui kuoma dâm thil inthieng chu pe naw ro; vawk hmaa dâm in lung- hlu pei bawk naw ro; chîl se hlau rawi an ta; ngha lêtin phirthlêr rawi an ti cheu.”
Ṭawngṭai thua infuina
(Lk 11.9-12; Jn 15.7)
7“Hni ro, chuongchun, pêkin um in tih; zawng ro, chuongchun, hmûng in tih;
8nawk ro, hawngpêkin um in tih; tukhawm a hni taphawt chun an hmu hlak; tukhawm a zawng chun an hmu hlak; tukhawm a nawk chu hawng- pêk ning an tih.
9“Anleh, nangni rawi tukhawm, in naupain bei hni sienla cheu, tuin am lung pêng in ta?
10Annawleh, nga hni sienla tuin am rûl pêng in ta?
11Chuongchun, nangni mi suol hmanin in nauhai thil ṭha pêk nachang in hriet chun, in Pa vâna mi chun a hnituhai chu thil ṭha a pêk lem hman hman naw ding am a nih?
Dân tlângpui le lampui pahnihai chu
(Lk 13.24)
12 #
Lk 6.31
“Chuongchun, thil tinrêng mîn in chunga an thaw dinga in dit ding ang peiin, mi chunga khawm thaw ve ro; chu chu Dân le zâwlneihai thu a ni hrim a nih.
13“Kawtkhâr chîna chun lût ro; bohmangnaa fena kawtkhâr chu a lien a, a lampui khawm a lien bawk a, chu tienga lût chu tam khawm an tam hle a nih.
14Hringnaa fena kawtkhâr chu a chîn a, a lampui khawm ân têp bawk a, a hmutuhai khawm tlâwmte an nih.
Inchûktirtu tehlêmhai le ân dikhai
(Lk 6.43-44)
15“Zâwlnei tehlêmhai lai chun fîmkhur ro; chuonghai chu berâm vun silin in kuomah an hung hlak a; an sûng tienga ruok chu satene hnuk- inrâwltakhai an ni sih a.
16Anni chu an raah hre el in tih. Hrui hlingnei kûngah grêp an lo hlak am a nih? Lênhlinga khawm thei- chang an lo hlak am a nih?
17Chuong ang bawkin thing ṭha taphawt chu a ra ṭha hlak; thing ṭha naw ruok chu a ra se hlak.
18Thing ṭha a ra se thei nawh a, thing ṭha naw hlak a ra ṭha thei bawk nawh.
19 #
Mt 3.10; Lk 3.9 Thing tin a ra ṭha naw chu an phûr a, meiah an pei hlak.
20 #
Mt 12.33
Chuleiin, anni chu an raah hrieng in tih.
Thu ngawt le thilthaw
(Lk 13.25-27)
21“ ‘Lalpa, Lalpa,’ a mi ti nazawng chu vân ramah lût naw ni hai, ka Pa vâna mi dit zâwng thawtuhai ruok chu lût an tih.
22Chu nia chun mi tamtakin, ‘Lalpa, Lalpa, i hmingin thu kan hrilin, i hmingin khawhri dâm kan hnawtdawkin, i hmingin thilmak tamtak kan thaw hlak a ni naw am a nih?’ la tîng an tih.
23Chu pha chun, ‘Nangni thil suol thawhai, ka hriet ngai naw cheu, ka kuoma inthawkin fe hmang ro,’ tiin la hril ka tih.
Lungphûmhai pahni chu
(Lk 6.47-49)
24“Chuongchun, mi tin hieng ka thu hrea zâwm taphawt chu, mi var lungpui chunga in bâwltu leh hrilkhi ding a nih.
25Ruo dâm a hung sûr a, tui dâm a hung lien a, thli dâm a hung hrâng a, chu in chu a hung nam sawk sawk a; nisienlakhawm, a chim nawh a; lungpui chunga rem tlat a ni leiin.
26Chun, mi tin hieng ka thu hrea zâwm naw taphawt chu mi invêt phaiphin chung ela in bâwltu leh hrilkhi ding a nih.
27Ruo dâm a hung sûr a; tui dâm a hung lien a, thli dâm a hung hrâng a, chu in chu a hung nam sawk sawk a; a chim tah a; a chim chu nasatak a nih,” a ta.
Isu thuneina mak an ti
(Mk 1.22; Lk 4.32)
28Chun, Isûn chuong thil chu a hril zo phingleh, mipuihaiin a thu inchûk tir chu mak an ti hleh a;
29 #
Mk 1.22; Lk 4.32 Dân inchûktirtuhai ang loa, thuneina neitaka anni ân chûktir leiin.
Currently Selected:
MATTHAI 7: HMARCLBSI
Highlight
Share
Copy
Want to have your highlights saved across all your devices? Sign up or sign in
Hmar CL Bible - Pathien Lekhabu Inthieng
Copyright © Bible Society of India, 2015.
Used by permission. All rights reserved worldwide.
