MATTHAI 6
6
Inrûka lunginsiet thilpêk thu
1 #
Mt 23.5
“In thil ṭha thawhai chu mihriem hmaa, an ihmu dinga thaw lo dingin fimkhur ro; chuong naw chun in Pa vâna mi kuomah lâwmman nei naw ti niu.
2Chuongchun, mi kuoma thil i pêkin, mi vervêkhaiin mi inpâk an hlaw theina dinga, inkhâwmna in- haia le, kawtthlêrhaia an thaw hlak angin, i hmaah tawtawrâwt inmûttir naw.
3Titakzetin ka hril cheu, an lâwmman chu an hmu zo tah. Nang ruok chun mi kuoma thil i pêkin, i kut changtiengin a thaw chu i kut vawitiengin hre naw raw se; i thilpêk chu a rûk a ni theina dingin;
4chuongchun, i Pa a rûka hmutu che chun thung a ti che.
Inrûka ṭawngṭai ding thu
5 #
Lk 18.10-14
“Chun, in ṭawngṭaiin, mi vervêk- hai angin in thaw ding a ni nawh, mîn an hmu theina dingin, inkhâwmna inahai, kawtthlêr ṭhuom laitakahai ngir puma ṭawngṭai an ngaina sih a. Titakzetin ka hril cheu, an lâwmman chu an hmu zo tah.
6Nang ruok chun i ṭawngṭaiin, i pindan sûng rilah lût la, i kawt khâr la, i Pa arûka um kuoma chun ṭawng- ṭai rawh; chuongchun, i Pa arûka hmutu che chun thung a ti che.
7“Chun in ṭawngṭaiin, Jentailhai angin hril ngai hril mei mei naw ro; an ṭawng tam leiin hrein an ring a nih.
8Chuongchun, anni angin um naw ro; ama in hni hmain in Pa chun ieng ieng am in pawimaw ti chu a hriet zing a nih.
Lalpa ṭawngṭaina
(Lk 11.2-4)
9“Chuongchun, nangni chu hieng ang hin ṭawngṭai ro:
Kan Pa vâna mi,
I hming inzaum raw se,
I ram hung tlung raw se.
10I dit zâwng vâna mîn an thaw angin, hnuoia mîn thaw raw se,
11Vawisûn hin kan fâkkhawpin bu mi pe la,
12Kan bathai hi mi ngaidamla,
Keini khawmin kan iengkhat battuhai kan ngaidam ang khan.
13Suol dinga thlêmnaa chun mi ṭhuoi lût naw la,
Mi suol laka chu mi sandam lem rawh#Ziek ṭhena chun, “Ram dâm, thilthawtheina dâm, ropuina dâm, chatuona i ta a ni sih a,” ti an bel, tiin.
14“Mi an bawsiethai in ngaidam chun, in Pa vâna mîn ngaidam vêng a ti cheu.
15 #
Mk 11.25-26
Nisienlakhawm, mihai in ngai- dam si naw chun, in Pain in baw- sietnahai ngaidam bîk naw ni.
Bunghei thu
16“Bu in nghei pha khawmin, mi vervêkhai angin ngui hmêl put naw ro; anni chun mi mithmua bungheia an inlang theina dingin an hmêl an sukpawr hlak sih a. Titakzetin ka hril cheu hi, an lâwmman chu an hmu zo tah.
17Nang ruok chun bu i nghei pha i lu sahriek nâl la, i hmai phi rawh;
18chuongchun, i Pa arûka um mithmua chau naw chun, mihriem mithmuah bungheiin inlang naw ti ni; chuongchun, i Pa arûka hmutu che chun thung a ti che.
Ro inkhâwl thu
(Lk 12.33-34)
19 #
Jak 5.2-3
“Hnuoia hângthim le tuiêkin a fâk sietnaah, inruhaiin an verpawpa an inrûknaa hin in ta dingin rohai inkhâwl naw ro.
20Vânah, hângthim le tuiêkin a fâk siet nawnaah, inruhaiin an ver- pawpa an inrûk nawnaa chun, in ta dingin rohai siekhâwl lem ro;
21i ro umna taphawtah i lungril khawm a um ding a ni sih a.
Varna le Inthimna
(Lk 11.34-36)
22“Taksa khâwnvar chu mit hi a nih; i mit a var chun i taksa a rêngin var suok a tih.
23I mit a se ruok chun i taksa a rêngin inthim vawng a tih. Chuong- chun, i sûnga var chu inthim ni sien chu, inthim chu a va nasa awm ngei de!
Taksa lungkhamna
(Lk 16.13)
24“Tukhawmin hotu pahni rawng bâwl kawp thei naw ni hai; pakhat theidain pakhat dit an tih, annawleh, pakhat ṭanin pakhat hmusit an tih. Pathien le sum rawng bâwl kawp thei naw ti niu.
Inlungkhamna
25“Chuleichun, ka hril cheu hi, ‘Ieng am dâwnin ieng am fa tâng ka ta?’ tiin, in hringna thu le, ‘Ieng am silin bil ka ta aw?’ tiin, in taksa thu lungkham naw ro. Fâkding nêkin hringna a hlu lem a ni naw am a nih? Silfên nêkin taksa khawm a hlu lem a ni naw am a nih?
Pathiena innghat ding a nih
(Lk 12.22-31)
26“Chunglêng vatehai hi en ta u; bu an tu nawh a, an sîk bawk nawh a; bu ina khawm an sêklût bawk nawh, nisienlakhawm, in Pa vâna mi chun a châwm sih a. Nangni chu anni nêkin nasatakin in hlu lem a ni naw am a nih?
27Chun, nangni lai tuin am lung- kham leiin mâni dung#Dung” ti hi Grika chun, “kum” tina khawm a ni thei. tieng tawng khata suksâng chuong thei cheu?
28Chun, silfên thuah iengdinga in lungkham am a na? Ram tûktinpâr inṭhangzie hi ṭha takin ngaituo ro; sin an thaw nawh, pat khawm an kher bawk nawh;
29 #
1 Lal 10.4-7; 2 Chr 9.3-6 nisienlakhawm, ka hril cheu hi, Solomon meu khawm a ropuina po poa ân thuom khan hieng tûktinpâr pakhat tluk khawm hin cheiin a um nawh.
30Chuongchun, ram hlohna, vawi- sûn anga hringa, a zînga thuka ti nâwk el ding hman Pathienin chuong ang lâwma a chei chun, aw! nangni ringna tlâwmhai, silfên a pêk lem hman hman ding cheu a ni naw am a nih?
31Chuongchun, ‘Ieng am fâng ei ta?’ ‘Ieng am dâwn ei ta?’ amanih, ‘Ieng silin am um ei ta?’ ti amanih, lungkham naw ro. Jentailhaiin chuong po po chu an zawng hlak a nih.
32Chuong po po chu in pawimaw ti in Pa vâna miin a hriet zing a nih.
33A ram le a felna chu zawng hmasa lem ro; chuongchun, chuong po po chu a pêk sa ding cheu a nih.
34Chuongchun, a zînga dingin lungkham naw ro, a zîng chun ama ding chu a lungkham fâwm ding a ni sih a. Ni khat dingin ni khat rimsik a hun a nih.
Currently Selected:
MATTHAI 6: HMARCLBSI
Highlight
Share
Copy
Want to have your highlights saved across all your devices? Sign up or sign in
Hmar CL Bible - Pathien Lekhabu Inthieng
Copyright © Bible Society of India, 2015.
Used by permission. All rights reserved worldwide.
