MATTHAI 4

Isu thlêma a um

(Mk 1.12-13; Lk 4.1-13)

1 # Heb 2.18; 4.15 Chu zoa chun Isu chu Diebol thlêma um dingin thlalêrah Thlarau ṭhuoi lûtin a um tah a.

2Chun, ni sâwmli le zân sâwmli a nghei hnungin a phîng a hung ṭâm tah a.

3Chun, thlêmtu chu a hung a, a kuomah, “Pathien Naupa i ni chun, hieng lunghai hi beia inchang dingin thu pe rawh,” a ta.

4 # Dt 8.3 Nisienlakhawm, ama chun, “Mi- hriem hi bei chauin hring naw ni hai a, Pathien baua thu tin suokin hring lem an tih,” ti ziek a nih, tiin a dawn a.

5Chu zoa chun diebol chun khaw inthienga chun a ṭhuoi lût a, Pathien biekin sîp zuma chun a sieh a;

6 # Sm 91.11,12 Chun, a kuomah, “Pathien Nau- pa i ni chun tla thla rawh;

‘I chungchânga chu a vântirkohai chu thu pêng a ta,

An kutin dawm an ti cheh a,

Chuong naw chun I kein lung sui hlau rawi i tih,’

ti ziek a ni si a,” a ta.

7 # Dt 6.16 Isûn a kuomah, “ ‘Lalpa i Pathien fie naw,’ ti ziek a ni ve bawk a nih,” a ta.

8Chun, diebol chun tlâng insâng- takah a ṭhuoi nâwk a, khawvêl ram po po le a ropuina chu ân entir a.

9A kuomah, “Bawkkhupin chibai i mi bûk chun, hieng po po hi pe vawng ka ti che,” a ta.

10 # Dt 6.13 Chu phingleh Isûn, “Setan, fe hmang dai rawh; ‘Lalpa i Pathien chibai bûk la, ama rawng chau bâwl rawh,’ ti ziek a nih,” a ta.

11Chu hnunga chun diebol chun a zâmsan tah a. Chun, ngai ta, vântir- kohaiin a rawng an bâwlpêk tah a.

Isu Galili rama rawng a bâwl ṭanna

(Mk 1.14-15; Lk 4.14-15)

12 # Mt 14.3; Mk 6.17; Lk 3.19-20 Chun, Johan an man ti Isûn a hriet phingleh Galili ramah a fe ta dai a;

13 # Jn 2.12; 4.15-16; Is 9.1-2 chun, Nazareth a mâksan a, Kapernaumah a um ta zing a, chu chu Zebulun le Naphtali biela dil panga um a nih:

14zâwlnei Isai baua,

15“Dîl tienga Jordan râlah,

Zebulun le Naphtali ram,

Jentailhai Galili;

16Inthim hnuoia ṭhunghai chun var nasatak an hmuh a,

Thina hmun le a hlima ṭhunghai chunga chun,

Var a hung suok tah a,”

tia a hril kha a hung tlung theina dingin.

17 # Mt 3.2 Chu chena inthawk chu Isûn, “Sim ro, vân ram chu a hnai tah,” tiin a hril phut tah a.

Isûn nga mantu hai pali a ko

(Mk 1.16-20; Lk 5.1-11)

18Chun, Galili dil panga a lêng malamin, unau pahni, Simon (Peter an ti chu) a unau Andri leh dila chun lên dêngin a hmuh a; nga mantu an ni hrim a.

19Chun, ama chun an kuomah, “Mi zui ro, chuongchun, mihriem mantuin siem ka ti cheu,” a ta.

20Lênhai chu mâksanin an zui nghâl tah a.

21Chutaka inthawk chun a fe pei a, unau dang pahni, Zebedai naupa Jakob le a unau Johan chu, an pa Zebedai kuoma lawngah an lênhai siemṭhain a hmuh a, anni chu a ko tah a.

22Chuongchun, lawng le an pa chu an mâksan a, an zui nghâl tah a.

Isûn mipui tamtak ân chûktir

(Lk 6.17-19)

23 # Mt 9.35; Mk 1.39 Chun, Isûn an inkhawmna inhaia inchûktirin, ram Chanchin Ṭha chu hrilin mihai laia natna tinrêng le hrât nawna tinrêng suk- damin Galili ram po po a fang pei a.

24Chun, Suria ram po poah a chanchin ân thang tah a; chuong- chun, mi damnaw po po, damnawna le natna tinrênga nahai, khawhri imanhai, hringawl invawihai, zeng- hai a kuomah an hung ṭhuoi a, a lo sukdam tâwl a.

25Galili rama inthawk dâm, Dekapoli khuoa inthawk dâm, Jeru- salema inthawk dâm, Judai rama inthawk dâmin le Jordan râla inthawk dâm chun mipui nasatakin ama an zui bawk a.

Currently Selected:

MATTHAI 4: HMARCLBSI

Highlight

Copy