MATTHAI 3

Baptistu Johan le a thuhril

(Mk 1.1-8; Lk 3.1-9; Jn 1.19-28)

1Chuong lai chun Baptistu Johan chu, Judai thlalêrah thuhrilin a hung a,

2 # Mt 4.17; Mk 1.15 “Sim ro, vân ram chu a hnai tah,” tiin.

3 # Is 40.3 Ama chu a nih, zâwlnei Isaiin,

“Thlalêra mi khêk rawl chun,

‘Lalpa lamlien buotsai unla,

A lampuihai suktlûn ro,’ a tih,”

tia a hril kha.

4 # 2 Lal 1.8 Chun, Johan chun sanghâwngsei hmul puon a sil a, a kâwng chu savun kâwngkhiin ân khit a; a bu chu khâuṭhikṭhi le ram khuoizu a nih.

5Chu lai chun Jerusalema mi dâm, Juda rama mi po po dâm, Jordan vadung vêla mi po po an suok a, a kuom tieng an feh a;

6an suolhai thupha chawiin Jordan vadungah ama kuomah Baptisma an chang tâwl a.

7 # Mt 12.34; 23.33 Nisienlakhawm, Pharisaihai le Saddukaihai tamtak a baptisma chang dinga hung a hmu phingleh, an kuomah, “Rûl thlahai, lungsen hung tlung ding hi tlânsan dingin tuin am a kâwk cheu a?

8Chuongchun, sim hming input tlâkin ra ro.

9 # Jn 8.33 “ ‘Abraham ei thlatu a nih annawm,’ tiin inngaituo naw ro; Pathienin hieng lunghai hi Abraham thlahai dingin ân ngirtir thei ti ka hril cheu hi.

10 # Mt 7.19 Tuta inthawk el khawmin thing bul tinah hreipui an sie tah; chuong- chun, thing tin ra ṭhaa ra naw phawt chu an phûr a, meiah an pei hlak.

11Kei chun chu simna dingin tuiin ka baptis hlak cheu a; nisienla- khawm, ka hnunga hung ding chu keia nêkin a ropui lem a, a kekawk chawi tlâk khawm ka ni nawh. Ama chun Thlarau Inthieng le meiin baptis a ti cheu.

12A kutin a leipup a chawi a, a hrizâwl zâp fai hieu a ta, a pangah a bû hlûng a ta, a si ruok chu mei rêm thei loin raw hmang a tih,” a ta.

Isu baptisma changna

(Mk 1.9-11; Lk 3.21-22)

13Chu lai chun a kuoma baptisma chang dingin Isu Galili rama in- thawkin Jordan vadungah Johan kuomah a hung a.

14Johan ruok chun, “I mi baptis ka ṭûl lem sih a, ka kuomah i hung lem a ni maw?” tiin khap a tum a.

15Nisienlakhawm, Isûn a kuom- ah, “Tuhin remti hrâm rawh, hieng anga felna po po sukkim hi ei ta dingin a mawi a nih,” tiin a dawn a. Chuongchun, rem a ti tah a.

16Chun, Isu baptisma a chang phingleh, tuia inthawk chun a suok nghâl tah a; chun, ngai ta, a ta dingin vân a hung inhawng a, Pathien Thlarau chu vaṭhu anga hung ṭuma a chunga hung fu a hmuh a.

17 # Gen 22.2; Sm 2.7; Is 42.1; Mt 12.18; 17.5; Mk 1.11; Lk 9.35 Chun, ngai ta, vâna inthawkin râwlin “Hi hi ka Naupa dittak, ka ilâwm bêk bêk chu a nih,” a ta.

Currently Selected:

MATTHAI 3: HMARCLBSI

Highlight

Copy