MATTHAI 25
25
Nunghâk sâwm tekhithu
1 #
Lk 12.25 “Chu pha chun, vân ram chu nunghâk inthieng sâwm, an khâwnvar chawia, mo neitu tuok dinga suokhai le chun, tekhi ni tâng a tih.
2Anni lai chun panga an var a, panga an invêt a.
3Ân vêthai chun an khâwnvarhai an chawiin a tui an chawisa si nawh a.
4A varhai ruok chun an khâwn- vartui bûrhaiah a tui thunin, khâwn- varhai leh an chawi a.
5Chun, mo neitu chu a hung intak leiin, an rêngin an lo inlusuh a, an lo in tah a.
6Chun, zân rila chun, ‘Ngai ta u, mo neitu chu a hung ie! a tuok dingin hung suok ro khai,’ tiin khêkri a hung um tah a.
7Chu phingle chun nunghâk inthienghai chu an tho vawng a, an khâwnvarhai chu an siemrêl a.
8Chun, ân vêthai chun a varhai kuomah, ‘In khâwnvartui kha mi pe ro, kan khâwnvarhai a thi ding a nih,’ an ta.
9Nisienlakhawm, a varhai chun, ‘Keini le nangni ta dingin indai naw ni; a zawrtuhai kuomah fe unla, inchaw lem ro,’ tiin an dawn a.
10Chun, inchaw dinga an fe hmang kâr chun, mo neitu chu a hung tlung tah a; chuongchun, ân zohai chu ama le chun inneina ruoi fa dingin an lût a; chun, kawt chu an khâr tah a.
11 #
Lk 13.25
Chu hnunga chun, nunghâk inthieng danghai khawm chu an hung tlung a, ‘Pu, pu, mi hawngpêk rawh,’ an ta.
12Ama ruok chun, ‘Titakzetin ka hril cheu hi, ka hriet naw cheu a nih,’ a ta, a dawn a.
13Chuongchun, ngaiven ro, a ni le a hun chu in hriet si nawh a.
Talent tekhithu
14 #
Lk 19.11-27
“Vân ram chu mi ram danga fe tâwma, ama suokhai koa, a sumhai an kuoma inkawltir ang chu a ni sih a.
15Suok pakhat kuomah talent nga a pêk a, suok dang kuomah talent hni, suok dang kuomah talent khat: an thaw thei tâwk ding ang sengin a pêk a; chuongchun, a fe tah a.
16Chun, talent nga dawngtu chu chuonghai chun a va sumdâwng nghâl tah a, talent nga dang a sukdawk tah a.
17Chuong ang bawkin talent hni dawngtu khawm chun talent hni dang a sukdawk tah a.
18Talent khat dawngtu ruok chu a va feh a, hnuoi a cho a, a pu tangka chu a thup hmang ta lem a.
19“Chun, sâwttak hnungah chuong suokhai pu chu a hung a, an kuomah a sum chanchin a sukfel a.
20Chuongchun, talent nga dawng- tu chu a hung a, talent nga dang a hung chawi a, ‘Pu, nangin talent nga i mîn kawltir kha en ta, talent nga dang ka sukdawk,’ a ta.
21A pu chun a kuomah, ‘Suok ṭha le ringum, i thaw ṭha ie! tlâwmte chungah ring i um a, tamtak chungah inumtir ka ti che, i pu lâwmnaah lût rawh,’ a ta.
22Chun, talent hni dawngtu khawm chu a hung a, ‘Pu, nangin talent hni i mîn kawltir kha, en ta, talent hni dang ka sukdawk,’ a ta.
23A pu chun a kuomah, ‘Suok ṭha le ringum, i thaw ṭha ie! tlâwmte chungah ring i um a, tamtak chungah inumtir ka ti che; i pu lâwmnaah lût rawh,’ a ta.
24“Chun, talent khat kawltu khawm chu a hung a, ‘Pu, mi ti kher kher i nih ti ka hriet che; i tu nawnaa khawm i sîk hlak a, i the dar nawnaa khawm în khâwm hlak a nih;
25Chuongchun, ka ṭi a, ka fe a, i talent kha hnuoiah ka thup hmang a, en ta, i ta ngai kha i hmu nâwk hi,’ a ta.
26A pu chun a kuomah, ‘Suok suol le zawmthawpa, ka itu nawnaa khawm ka sîka, ka the dar nawnaa khawm kân khâwm ti i hriet maw?
27Chuong a ni sa chun, ka tangka chu sumdâwngtuhai kuomah lo sie ding i ni ta an nâwm; chuongchun, ka hung nâwk hin ka ta hi a pung leh ka hmu nâwk ding a nih.
28Chuongchun, a talent khat kha lâkpêk unla, talent sâwm neitu kuomah pe ro.
29 #
Mt 13.12; Mk 4.25; Lk 8.18 Tukhawm a nei taphawt chu pe sâng an ta, chuongchun, hau a tih, tukhawm, a nei naw phawt chu a nei sun khawm chu lâkpêk an tih.
30 #
Mt 8.12; 22.13; Lk 13.28 Chun, suok ṭhahnem naw kha tuol tieng inthima chun pei dawk ro; chutaka chun ṭap le harâwt chu um a tih,’ a ta, a dawn a.
Hnamhai Rorêlna ni chu
31 #
Mt 16.27; 19.28 “Mihriem naupa ruok chu a vântirkohai po po leh a ropuinaa inthuoma a hung phâ chun, a ropuina ṭhungphaah ṭhung a ta;
32a hmaa chun hnam tin in- khâwm an tih; berâm chingtuin kêl laia a berâmhai a ṭhe angin anni rawi chu ṭhêng a ta;
33berâmhai chu a changtieng sieng a ta, kêlhai ruok chu a vawi tieng sieng a tih.
34“Chu phâ chun, Laltak chun a changtienga mihai kuomah, ‘Ka Pa vochuomhai, hung unla, khawvêl siem tîra inthawka, in ta dinga ram buotsai chu chang ro;
35ka phîng a ṭâmin nangnîn fâk ding in mi pêk a, ka dang a chârin dâwn ding in mi pêk a; mikhuol ka niin in mîn tlung tir a;
36saruok ka niin puon in mîn siltir a; ka damnawh a, in mi kan a, intâng inah ka umin in hung sih a,’ la tîng a tih.
37“Chu phâ chun, mi felhai chun, ‘Lalpa, iengtik âm phîngṭâmin kan hmu che a, fâk ding kan pêk che? dangchârin kan hmu chea dâwn ding kan pêk che?
38Iengtik âm mikhuolin kan hmu che a kan intlungtir che? saruokin kan hmu chea puon kan insiltir che?
39Iengtik âm damnawin amanih, intâng ina manih kan hmu chea i kuomah kan hung?’ tiin la dawn an tih.
40Chun, Laltak chun an kuomah, ‘Titakzetin ka hril cheu hi, hieng ka unau chîntakhai laia mi pakhat chunga in thaw chu, ka chunga thaw in nih,’ tîn la dawn a tih.”
41“Chu zoa chun a vawitienga mihai kuoma khawm chun, ‘ṭawng- sephurhai, kumkhuo mei diebol le a tirkohai ta dinga an buotsaia chun mi fe hmangsan ro;
42ka phîng a ṭâmin nangnîn fâk ding in mi pêk nawh a; ka dang a chârin nangnîn dâwn ding in mi pêk nawh a,
43mikhuol ka niin in mîn tlungtir nawh a, saruok ka niin puon in mîn siltir nawh a; damnaw le intâng ina ka umin in mi kan si nawh a,’ la tîng a tih.
44Chu phâ chun, anni khawmin, ‘Lalpa, iengtik âm phîngṭâmin ama- nih, dangchârin amanih, mikhuolin amanih, intâng ina manih kan hmu che a, i rawng kan bâwlpêk naw che?’ tiin la dawn an tih.
45Chun, ama chun an kuomah, ‘Titakzetin ka hril cheu hi, hieng mi chîntak laia mi pakhat chunga in thaw naw chu ka chunga thaw naw in nih,’ tiin la dawn a tih.
46 #
Dan 12.2 Chun, chuonghai chu kumkhaw hremnaah fêng an ta, mi felhai ruok chu kumkhaw hringnaah fêng an tih,” a ta.
Currently Selected:
MATTHAI 25: HMARCLBSI
Highlight
Share
Copy
Want to have your highlights saved across all your devices? Sign up or sign in
Hmar CL Bible - Pathien Lekhabu Inthieng
Copyright © Bible Society of India, 2015.
Used by permission. All rights reserved worldwide.
