MATTHAI 22
22
Inneina ruoiṭhe tekhithu
1Chun, Isûn anni a biek a, an kuomah tekhithuin a hril nâwk a,
2“Vân ram chu lal tu amanih, a naupa ta dinga inneina ruoiṭhena siem le chun tekhi a nih.
3Chun, inneina ruoiṭhe fa dinga a fielhai chu ko dingin a suokhai a tir a; nisienlakhawm, an hung nuom nawh a.
4Chun, ama chun, ‘Ka ifielhai kuoma khan, ngai ta u, ka ruoi chu kân zo tah; ka bâwngchalhai le ka ran châwm thauhai ka that a, iengkim inzo a ni tah, inneina ruoi fa dingin hung ta ro ti ro,’ tiin suok dang a tir nâwk a.
5Nisienlakhawm, an lo ngaisak nawh a, an fe hmang el ta a, pakhat chu loah a feh a, pakhat chu sum- dâwngnaah,
6mi danghai chun a suokhai chu an man a, inzakumtakin an siem a, an sukhlum el tah a.
7Chuongchun, lal chu a lunginsen tah a; a sipaihai a tir a, chuong tuolthathai chu a sukbo a, an khuo khawm a rawpêk tah a.
8“Chun, a suokhai kuoma chun, ‘Inneina ruoi inzo a ni tah; fielhai ruok kha chu fa tlâk an ni nawh.
9Chuongchun, lampêt ṭhuom- haiah fe unla, mi in hmu taphawt inneina ruoi fa dingin fiel ro,’ a ta.
10Chuongchun, chu suokhai chu an suok a, lampuihaia chun an va feh a, an hmu taphawt, mi suol le mi ṭhahai khawm an ṭhuoi khâwm ta vawng a; chuongchun, inneina ruoi pindan chu mi fiel haiin an lo sip tah a.
11“Nisienlakhawm, lal chu mi fielhai en dinga a hung lût chun, inneina puon sil lo mi pakhat chutaka chun a hmuh a.
12Chuongchun, a kuomah, ‘Ruola, iengtizie am a na, inneina puon boin hitaka hin i hung lût el a?’ a ta. Chun, ama chu a to zing a.
13 #
Mt 8.12; 25.30; Lk 13.28 Chun, lal chun a suokhai kuomah, ‘A kut le a ke khuop unla, tuol tieng inthimah pei dawk ro, chutaka chun ṭap le harâwt chu um a tih,’” a ta.
14“Fielhai chu tamtak an na, thlang hai ruok chu tlâwmte an nih” a ta.
Siechawi thua indawnna
(Mk 12.13-17; Lk 20.20-26)
15Chu lai chun, Pharisaihai chun a thu hrila an man theina zie ding an vân râwn a,
16Chun, an inchûktirhai, Herod pâwla mihai leh an tir a; chuonghai chun, “Inchûktirtu, mi indiktak i na, titakzetin Pathien thu kawng în chûktir hlak a, pawisak bîk tukhawm i nei nawh ti kan hriet a; tukhawm thlierbîk i nei si nawh a.
17Chuongchun, ieng angin am i ngai a? mi hril raw khai! Kaisar kuomah sie chawi hi a thieng am, a thieng naw?” an ta.
18Nisienlakhawm, Isûn an suolzie chu a lo hriet a, “Vervêkhai, ieng dinga in mi fie?
19Sie tangka chu mîn entir ro,” a ta. Chun, a kuomah duli#Denarion an hung lâk a.
20Ama chun an kuomah, “Hi hi tu lim le tu hming am a na?” a ta. Anni chun a kuomah, “Kaisar,” an ta.
21Chun, ama chun an kuomah, “A ni sa chun, Kaisar thilhai chu Kaisar kuomah pe unla, Pathien thilhai chu Pathien kuomah pe ta unla,” a ta.
22Chuong thu chu an hrietin mak an ti hle a, ama an mâksan a, an fe ta dai a.
Thonâwkna thua indawnna
(Mk 12.18-27; Lk 20.27-40)
23 #
Tt 23.8
Chu ni ma chun, Saddukaihai, thonâwkna a um nawh tituhai chu a kuomah an hung a,
24 #
Dt 25.5
a kuomah, “Inchûktirtu, Mosie- in, ‘Mi nau nei loa a thi chun, a unaupain a nuhmei chu neiin, a unaupa ta dingin chi a thlapêk ding a nih,’ a ta.
25Âwle, keini lai sal sari an um a; a upa takin nuhmei a nei a, a thi a; chun, suon a nei naw leiin a nuhmei chu a unaupa ihluo dingin a mâksan a;
26chuongang bawkin a pahnina leh, a pathumna leh, a pasarina chenin an hluo seng a.
27Chun, an rênga an thi hnung chun nuhmei khawm chu a thi tah a.
28Chuongchun, thonâwk pha chun pasarihai lai chun atu nuhmei tak am nîng a ta? an rêngin an nei sih a,” tiin an indawn a.
29Isûn a dawn a, an kuomah, “Pathien Lekha thu le, Pathien thil- thawtheina in hriet naw leiin in ngai suol hlak a nih.
30Thonâwknaah nuhmei pasal innei ta naw ni hai a, vâna vântir- kohai ang an ni ta lem ding a nih in sawnnaw.
31Chun, mithi thonâwkna thua Pathienin in kâwla hienga a hril kha in tiem naw am a nih?
32 #
Ex 3.6 ‘Kei Abraham Pathien, Isak Pathien, Jakob Pathien ka nih,’ tiin Pathien chu mithi Pathien a ni nawh a, mi hring Pathien a ni lem,” a ta.
33Chun, mipuihai chun chu chu an hrietin, a thu inchûktir chu mak an ti hle a.
Thupêk ropuitak thua indawnna
(Mk 12.28-34)
34Pharisaihai ruok chun, Isûn Saddukaihai a sêldawng ti an hrietin an inkhâwm tah a.
35Chun, anni laia mi pakhat dânhretu hin ama fiena dingin,
36“Inchûktirtu, Dân thua chun ieng thupêk am a ropuitak a?” tiin ân dawn a.
37 #
Dt 6.5
Chun, ama chun a kuomah, “ ‘Lalpa I Pathien chu I lungvar po poin, i thlarau po poin, i lungril po poin i hmangai ding a nih,’ ti hi.
38Chu chu thupêk ropui le pawimaw tak a nih.
39 #
Lev 19.18
Chun, a dawttu, a în angpui chu hi hi a nih, ‘Nangma în hmangai angin i vênghai khawm i hmangai ding a nih,’ ti hi.
40 #
Lk 10.25-28
Hieng thupêk pahnia hin Dân thu le zâwlneihai thu po po ân khaikhâwm vawng a nih,” a ta.
Messie thua indawnna
(Mk 12.35-37; Lk 20.41-44)
41Chun, Pharisaihai chu an inkhâwm lai chun, Isûn anni chu thu ân dawn a,
42“Krista chu ieng angin am in ngai a, tu naupa am a na?” a ta. Anni chun a kuomah, “David naupa,” an ta.
43Ama chun an kuomah, “Ieng- tiziein am David chun Thlarauin ‘Lalpa’ tiin,
44 #
Sm 110.1
‘Lalpa chun ka Lalpa kuomah,
Ka chang tieng ṭhung rawh;
I hmêlmahai i kepha hnuoia ka sie hmakhat chu,’
a tih a? a ta.
45“David chun ama chu, ‘Lalpa,’ a ti si chun iengtin am a naupa ni thei a ta?” a ta.
46Chun, tukhawmin bau khat khawma an dawn thei ta nawh a; chu ni chena inthawk chu tukhawmin thu dang hrim hrim khawma an indawn ngam ta nawh.
Currently Selected:
MATTHAI 22: HMARCLBSI
Highlight
Share
Copy
Want to have your highlights saved across all your devices? Sign up or sign in
Hmar CL Bible - Pathien Lekhabu Inthieng
Copyright © Bible Society of India, 2015.
Used by permission. All rights reserved worldwide.
