MATTHAI 23
23
Dân Inchûktirtuhai le Pharisaihai a kâwk
(Mk 12.38-40; Lk 11.37-54; 20.45-47)
1Chun, Isûn mipuihai le a inchûktirhai kuomah thu a hril a,
2“Dân inchûktirtuhai le Pharisai- hai chu Mosie ṭhungphaah an ṭhung hlak.
3Chuleichun, thaw dinga an hril taphawt cheu chu zâwm unla, thaw pei ro, an thilthaw ang ruok chu thaw ve naw ro, hril chu an hril hlak a, an thaw ngai si nawh a.
4Phurrik rinumtakhai an siem a, mihai an hnâwk hlak a; anni ruok chun an kutpâr khawmin an tâwk nuom nawh.
5 #
Mt 6.1; Dt 6.8; Nam 15.38 An thilthaw po po chun mihriem hmu dingin a nih an thaw lem hlak; an iengkhat bunhai le khumhai chu an suklien a, an puon hmawrkai an sukbuk hlak a;
6ruoiṭhenaah hmun ṭhatakhai, in- khâwmna inah ṭhungpha ṭhatakhai,
7dâwr hmuna chibai bûkhai, mihaiin, ‘Rabbi’ an itihai an ngaina hlak sih a.
8“Nangni ruok chu, ‘Rabbi’, tia koin um naw ro; in inchûktirtu chu pakhat chau a nih; nangni po po chu unau in ni sih a.
9Chun, hnuoi chunga hin tu- khawm, ‘Pa,’ ti naw ro; in Pa chu pakhat chau a nih, vâna mi khi.
10‘ṭhuoituhai’ tia ko khawmin um naw ro; in ṭhuoitu chu pakhat chau a nih, Krista chu.
11 #
Mt 20.26-27; Mk 9.35; 10.43-44; Lk 22.26 In laia ropuitak chu in rawngbâwltu a um lem ding a nih.
12 #
Lk 14.11; 18.14 Tukhawm ân ngaihlu phawt chu tlâwm a ta, tukhawm ân ngaitlâwm phawt chu chawimawiin um a tih.
13“Nisienlakhawm, nangni Dân inchûktirtu le Pharisai vervêkhai, in chung a rik; vân ram lampui chu mihai in khâr pêk sih a; nangni hlak in lût si nawh a, mi a lût dinghai khawm in inlûttir phal ngai si nawh a.
14[Nangni Dân inchûktirtu le Pharisai vervêkhai, in chung a rik! Hmeithaihai sum in fâk zo a, mi hlêmna dingin sâwttak tak in ṭawng- ṭai a; chuleiin, thiemnaw changna nasa nâwkzuol hmûng in tih.]#Ziekna ṭhenah chu Ch.14na hi a um nawh.
15Nangni Dân inchûktirtu le Pharisai vervêkhai in chung a rik; Saphun pakhat khawm siem dingin tuisuoriet le khawmuol in fe huol sih a, chun, chuong anga a hung um phaleh ama chu nangni lethni rauin Hremhmun naupaah in siem hlak.
16“Nangni ṭhuoitu mitdel, ‘Tukhawm Pathien biekin sâla inkhâm po chu iengkhawm a ni nawh; tukhawm Pathien biekina râng- kachak sâla inkhâm po chun hlen ding a nih,’ tituhai, in chung a rik!
17Nangni mi invêt, mitdelhai, a ieng am a ropui lem a, rângkachak am, Pathien biekin rângkachak sukthiengtu chu?
18Chun, ‘Tukhawm mâichâm sâla inkhâm po chu iengkhawm a ni nawh, a chunga thilpêk sâla inkhâm po ruok chun hlen ding a nih,’ in ta.
19Nangni mitdelhai! A ieng am a ropui lem a, thilpêk am, mâichâm thilpêk sukthiengtu chu?
20Chuongchun, tukhawm mâi- châm sâla inkhâm taphawt chun mâichâm le a chunga um po po sâlin ân khâm hlak.
21Tukhawm Pathien biekin sâla inkhâm taphawt chun, Pathien biekin le a sûnga um chu sâlin ân khâm hlak.
22Tukhawm vân sâla inkhâm taphawt chun Pathien ṭhungpha le a chunga ṭhung chu sâlin ân khâm hlak a nih.
23 #
Is 66.1; Mt 5.34; Lev 27.30 “Nangni Dân inchûktirtu le Pharisai vervêkhai, in chung a rik! pudina dâm, mohuri dâm, zira dâm chu sâwma pakhat in pêk hlak a, dân thu pawimaw lem felna dâm, lunginsietna dâm, ringumna dâm chu in ngaitha si hlak; nisienlakhawm, chuong chu a nih in sawnnaw in thaw ding chu, a danghai chu thaw ṭhul chuong loin.
24Nangni ṭhuoitu mitdel, thosi thlitfaia sanghâwngsei lem si hlak- hai!
25“Dân inchûktirtu le Pharisai vervêkhai, in chung a rik! no le thlêng puo tieng in sâwp fai a, a sûng ruok chu hlêprûkna le insûm nawnain a sip sih a.
26Nang Pharisai mitdel, no le thlêng sûng tieng chu sâwp fai hmasa rawh, a puo tieng khawm a hung fai theina dingin.”
27 #
Tt 23.3
“Dân inchûktirtu le Pharisai vervêkhai, in chung a rik! Thlân nâl vâr, puo tienga mawitaka inlang, a sûng tieng ruok chu mithi ruhai le hmunhnawk tinrênga siphai ang chu in nih in sawnnaw.
28Nangni khawm chuong ang takin puo tieng chun, mihriem mit- hmua chun feltakin in inlang hlak, in sûng tienga ruok chun vervêkna le suolnain in sip sih a.
29“Nangni Dân inchûktirtu le Pharisai vervêkhai, in chung a rik! zâwlnei thlân inhai in bâwl a, mi fel thlânhai khawm in cheimawi a,
30‘Ei puhai dam lai khan lo um ve inla khawm, zâwlneihai thisen an insuonaa chun ṭhang ve nâwm ei nih,’ in ti hlak a.
31Chuongchun, zâwlneihai that- tuhai nau in nih ti in inhriettir a nih.
32In puhai inkhîna chu suksip nghâl nghâl ro.
33 #
Mt 3.7; 12.34; Lk 3.7 Rûlhai, rûl thlahai, Hremhmun rorêlna chu iengtin am pumpel thei in ta?
34“Ngai ta u, chuleichun, in kuomah zâwlneihai, mi varhai, inchûktirtuhai, ka hung tir ding a nih; ṭhenkhat sukhlum in ta, krawsah hemdêng in tih, ṭhenkhat inkhâwmna inhaiah savun hruiin vuong in ta, khaw tinah suknawmna zui pei in tih.
35 #
Gen 4.8; 2 Chr 24.20-21 Chuongchun, Abel mi feltak thisena inthawkin Pathien biekin le mâichâm inkâra Baraki naupa Zakari in ithat a thisen chen khan, hnuoi chunga mi fel thisen an insuo po po chu nangni chungah la hung tlung thei a tih.
36Titakzetin ka hril cheu hi, chuong po po chu tulai ruoltharhai chunga hin la tlung a tih.
Jerusalem a ṭapkhum
(Lk 13.34-35)
37“Aw Jerusalem, Jerusalem! zâwlneihai thattu, i kuoma an hung tirhai lunga lo dêng hlumtu, ârpuiin a têhai a thla hnuoia a awp khâwm angin, i nauhai vawi iengzât am awp khâwm ka tum a! Nisienlakhawm, in nuom si nawh.
38En ta u, in in chu a ruoka mâksan cheuin a um tah.
39 #
Sm 118.26
Ka hril cheu hi, ‘Lalpa hminga hung chu inpâkin um raw se,’ in ti hmakhat chun tuta hnung in mi hmu nâwk ta naw ding a nih,” a ta.
Currently Selected:
MATTHAI 23: HMARCLBSI
Highlight
Share
Copy
Want to have your highlights saved across all your devices? Sign up or sign in
Hmar CL Bible - Pathien Lekhabu Inthieng
Copyright © Bible Society of India, 2015.
Used by permission. All rights reserved worldwide.
