MATTHAI 18
18
Vân rama ropui tak ding chu
(Mk 9.33-37; Lk 9.46-48)
1 #
Lk 22.24
Chu lai tak chun inchûktirhai chu Isu kuomah an hung a, “Vân ramah tu am ropuitak a ta?” an ta.
2Ama chun, naupangte a ko a, anni lai ân ngîrtir a,
3 #
Mk 10.15; Lk 18.17 “Titakzetin ka ti cheu hi, in inleta naupangte ang in hung ni naw chun, vân ramah lût naw tawp in tih.
4Chuongchun, tukhawm hi nau- pangte anga inngaitlâwm taphawt, ama chu vân rama chun ropuitak a tih.
5Chun, tukhawm ka hming leia hieng ang naupangte pakhat lâwm taphawt chu keia mi lâwm nîng a tih.
6“Amiruokchu, tukhawm hieng a mi awitu mi chînhai laia pakhat khawm sukthlu taphawt chu, a rîngah bu râwtnawina lung lientak inhlîtirin tuisuoriet inthûk laiah thlâk dai hai sien a ta dingin ṭha lem a tih.
Suol dinga thlêmnahai
(Mk 9.42-48; Lk 17.1-2)
7“Tlûknahai leiin khawvêl chung a rik de! tlûknahai chu hung um ding chu a nih; nisienlakhawm, tlûkna inumtirtu chung chu a rik!
8Chun, i kutin amanih, i kein amanih a sukthlûk che chun, tan la, pei dai rawh; kut pahni amanih, ke pahni amanih neia kumkhaw meia peia um nêk chun, piengsuolin amanih, ke baiin amanih hringnaa lût i ta dingin a ṭha lem.
9 #
Mt 5.29
Chun, i mitin a sukthlûk che chun, khel dawk la, pei dai rawh, mit khinghni neia Hremhmun meia peia um nêk chun mit khing khat neia hringnaa lût i ta dingin a ṭha lem.
Berâm inhmang tekhithu
(Lk 15.3-7)
10“Hieng mi chîn laia pakhat khawm hi hmusit naw dingin fîmkhur ro; an vântirkohaiin vânah ka Pa vâna mi hmêl an hmu rawp hlak ti ka hril cheu hi,”
11 #
Lk 19.10
[Bohmanghai sandam dingin Mihriem Naupa hi a hung a nih.]#Ziekna ṭhenah, Ch.11na hi a um nawh
12“Ieng angin am in ngai a? Mi tukhawmin berâm za nei sienla, an laia pakhat invâk hmang sienla, sâwmkuo le pakuo chu mâksan a, tlânghaiah hang fein, ân hmang chu a zawng naw ding am a nih?
13Titakzetin ka hril cheu hi, a hmu nâwk hlau chun, sâwmkuo le pakuo ân vâk hmang nawhai chunga nêk chun a chungah lâwm lem a tih.
14Chuong ang bawkin, hieng mi chînhai laia pakhat bohmang khawm hi in Pa vâna mi dit zâwng a ni nawh.
Thil dik naw thawtu chungthu rêl dân
(Lk 17.3)
15“Chun, i unauin i chungah thil suksuol ta sienla, fe la, ama le nang chau hrietah a suolnaa chun kâwk rawh, i thu a ngai chun i unau chu i hne ni tâng a tih.
16 #
Lk 17.3; Dt 19.15 A ngai naw ruok che chun, mi dang pakhat amanih, pahni amanih i kuomah ṭhuoi la, chuongchun, thu tinrêng chu hretu pahni amanih, pathum amanih baua sukdet a ni theina dingin.
17Chun, anni khawm chu a ngai nuom naw chun, kohranah intlun el rawh; chun, kohran thu khawm a ngai naw chun ama chu i ta dingin Jentail le siedâwltu ang ni raw se.
18 #
Mt 16.19; Jn 20.23 “Titakzetin ka hril cheu hi, hnuoi chunga iengkhawm in phuor taphawt chu vânah phuor nîng a tih; hnuoi chunga iengkhawm in sût taphawt chu vânah sût nîng a tih.
19“Titakzetin ka hril cheu hi, hnuoi chunga hin nangni laia mi pahni amanih an thil hni chunga an inthuruol chun, ka Pa vâna mi thawpêkin um an tih.
20Mi pahni amanih, pathum ama- nih, ka hminga an inkhâwmna taphawta chun anni lai ka um si hlak a,” a ta.
Ngaidamna nei naw suok tekhithu
(Lk 17.3)
21 #
Lk 17.3-4
Chu lai chun Peter a hung a, a kuomah, “Lalpa, ka unauin vawi ieng zât am ka chungah thil suksuol sien la ka ngaidam ding? vawi sari chen ding am a nih?” a ta.
22Isûn a kuomah, “ ‘Vawi sari chen- in,’ ka ti naw che, ‘Vawi sari hmun sâwmsari chenin,’ ka ti lem che a nih.
23“Chuleichun, vân ram chu, laltak tu amanih, a suokhai kuoma sum chanchin sukfel tumtu le chun hrilkhi a nih.
24Chun, a hang sukfel hlim chun, mi pakhat talent sing khat bat a kuomah an hung ṭhuoi a.
25Pêk ding a nei naw leiin, a pu chun a nuhmei leh, a inei po po leh zawra thung ding thu a pêk a.
26Chuongchun, a suokpa chun, ‘Pu ka chungah za la ngai phawt la, arêngin pe vawng ka ti che,’ tiin bawkkhupin chibai a bûk a.
27Chuongchun, suok neitupa chun a lunginsiet ta bêk bêk a, ân thlah a, a bat chu a ngaidam tah a.
28Nisienlakhawm, chu suok chu a va fe suok a, a suok chanpui laia pakhat, a duli#Denarion za battu a va hmuh a; a man a, ‘I bat kha mi pe rawh,’ tiin a rîng a rêk a.
29Chuongchun, a suok chanpui chu a bawkkhup a, ‘Ka chungah za la ngai phawt la, la pêng ka ti che,’ tiin a ngên rak a.
30Nisienlakhawm, a nuom nawh a; a ibat chu a tlâk hmakhat chu intângna inah a va khum tah a.
31Chuongchun, a suok chanpuihai chun a thilthaw chu an hmuin, an lungngai bêk bêk a; a thilthaw po pohai chu an pu an va hril tah a.
32Chu phingleh a pu chun a ko a, a kuomah, ‘Suok rilo, i mi hni rak leiin i bat po po kha ka ngaidam che a na,
33ka lunginsiet che ang khan nang khawmin i suok chanpui i lunginsiet ve ding a ni naw am a nih?’
34Chun, a pu chu a lunginsen a, a ibat po po a thung hmakhat chu sawisatuhai kuomah a pêk tah a.
35Mi tinin in lungril taka in unauhai in ngaidam naw chun, ka Pa vâna mi khawmin chuong ang bawkin in chungah thaw vêng a tih,” a ta.
Currently Selected:
MATTHAI 18: HMARCLBSI
Highlight
Share
Copy
Want to have your highlights saved across all your devices? Sign up or sign in
Hmar CL Bible - Pathien Lekhabu Inthieng
Copyright © Bible Society of India, 2015.
Used by permission. All rights reserved worldwide.
