MATTHAI 15
15
Upahai thurosie bawsiet chungthua Isu dawnna
(Mk 7.1-13)
1Chu lai tak chun, Jerusalema inthawkin Pharisaihai le Dân inchûktirtuhai Isu kuomah an hung a,
2“Iengdinga i închûktirhaiin upa- hai thurosie chu an bawsiet hlak am a na? Bei an fâk pha kut an sâwp ngai si nawh a,” an ta.
3Chun, ama chun an kuomah, “Nangni khawm iengdinga in thu- rosie leia Pathien thupêk in bawsiet am a na?
4Pathienin, ‘I nu le pa chawimawi rawh,’ ‘Tukhawm a nu amanih, a pa amanih hrilse taphawt chu thi tei tei raw se,’ a ti sih a.
5Nangni ruok chun tukhawm a nu amanih, a pa amanih kuoma, ‘I mi sawrna ding hi Pathien kuoma pêk a ni tah, ti taphawt chun,
6a nu#Ziekna ṭhena chu “nu” hi a ṭhang nawh amanih, a pa amanih a chawimawi ding a ni nawh’ in ti hlak a. Chuongchun, in thurosie leiin Pathien thu chu in baw hmang tah a ni hi.
7Vervêkhai Isai hin in chung- châng thu a lo hrillâwk indik ngei el:
8‘Hi hairawi hin an bauin an mi chawimawi a,
An lungril ruok chun an mi hlat sih a.
9Iengkhawm ni sienla, an inchûktirnaah mihriem thupêk an inchûktir leiin,
An mi biek hlak hi a thlâwn el a nih,’
tiin,” a ta, a dawn a.
Mi sukthieng nawtu
(Mk 7.14-23)
10Chun, mipui chu a ko a, an kuomah, “Ngai unla, a ngai lo thiem ro;
11baua lût chu mihriem suk- thieng nawtu a ni nawh a, baua suok, achu ngei chu mihriem sukthieng nawtu a ni lem,” a ta.
12Chu lai chun, a inchûktirhai an hung a, a kuomah, “Pharisaihaiin kha thu kha an hriet a, an lungninaw kha i hriet am?” an ta.
13Ama ruok chun, “Kûng po po ka Pa vâna mi phun naw chu phâwi- dawkin um an tih.
14Anni chu pawisa naw ro; ṭhuoitu mitdel an nih. Chuongchun, mitdelin mitdel ma a ṭhuoi chun khurah tla rêl an tih,” a ta, a dawn a.
15Chun, Peterin a kuomah, “Tekhithu kha mi hrilfie ta la,” tiin a dawn a.
16Ama chun, “Tu chen hin nangni khawm hrietna nei loin in la um rawp maw?
17Baua lût taphawt chu phîngah a tla thlah a, inhnawmnaah pei dawkin a um ti in hriet naw am a nih?
18Baua suokhai ruok chu lungrila hung suok a na; chuong ngei chun mihriem a sukthieng naw hlak a nih.
19Lungrila hin ngaituona suolhai, tuolthatna hai, uiretna hai, inditna hai, inrûkna hai, inhêkna hai, hrilsietna hai a hung suok hlak sih a.
20chuong chu mihriem suk- thieng nawtu a nih; kut sâwp loa bu fâk ruok chun mi a sukthieng naw nawh,” a ta.
Kanaan nuhmei ringna
(Mk 7.24-30)
21Chun, Isu chutaka inthawk chun a suok a; Tura le Sidon bielah a fe tah a.
22Chun, ngai ta, chuong rama in- thawk chun Kanaan nuhmei pakhat a hung suok a, “Lalpa, David naupa, mi lunginsiet rawh, ka naunu khawhriin a man tlat a nih,” tiin a khêk a.
23Ama ruok chun bau khat khawmin a dawn nawh. Chun, a inchûktirhai chun, “Ei hnungah a khêk a khêk sih a, infetir el ta la,” tiin an hung ngên a.
24Ama ruok chun, “Israel hnam laia berâm inhmang kuoma naw chu tir ka ni nawh,” a ta, a dawn a.
25Nisienlakhawm, nuhmei chu a hung a, “Lalpa, mi san rawh,” tiin chibai a bûk a.
26Chun, ama chun, “Nauhai bei lâkpêk a, uihai kuoma pêk chu a mawi nawh ie,” a ta, a dawn a.
27Ama chun, “Lalpa, ni chu a nih; nisienlakhawm, uihai khawmin an pu dawkâna inthawka bei nawi tla chu an fâk hlak annâwm,” a ta.
28Chu phingleh Isûn a kuomah, “Nuhmei, i ringna a nasa êm el; i dit ang takin i chungah um raw se,” a ta, a dawn a. Chuongchun, a naunu chu, chu chena chun a hung dam el tah a.
Mi dang tamtak sukdam
29Chun, Isu chutaka inthawk chun a feh a, Galili dîl kâwl a hung tlung a; chun tlânga chun a hang feh a, chutaka chun a ṭhung tah a.
30Chun, mipui nasatak, kebaihai, mitdelhai, ṭawngtheinawhai, pieng- suolhai hung ṭhuoiin a kuomah an hung a, a ke bulah an sieh a; chun, a lo sukdam tâwl a.
31Chuongchun, mipui chun, ṭawngtheinawhai chu hung ṭawng a, piengsuolhai chu hung ṭhah a, kebaihai chu kea lâwn a, mitdelhai chu hmu theia an hmuin, mak an ti hle a; chuongchun, Israelhai Pathien chu an inpâk tah a.
Mipui sâng li vai
(Mk 8.1-10)
32Chun, Isûn a inchûktirhai chu a ko a, “Mipuihai hi tuhin ka kuomah ni thum an um tah a, fâk ding iengkhawm an nei naw leiin ka lungsiet bêk bêk a nih; bu ngheiin kân fetir nuom nawh ie, chuong naw chun lam kârah châu rawi an tih,” a ta.
33Chun, inchûktirhai chun a kuomah, “Mipui hieng zât zât khawpna khawp beiphêk chuong zât lâwm lâwm thlalêrah khâwlai am hmûng kan ta?” an ta.
34Chun, an kuomah, “Beiphêk iengzât am in nei a?” a ta. Anni chun, “Phêk sari, ngatê tlâwmte leh,” an ta.
35Ama chun hnuoia ṭhung dingin mipui chu thu a pêk a.
36Chun, bei pasari le ngatê chu a lâk a, lâwmthu a hril a, a khawi a, inchûktirhai kuomah a pêk a; inchûktirhai chun mipuihai kuomah an pêk a.
37Chun, an rêngin an fâk a, an khawp tâwl tah a, an fâk mahla khawm chu bâwmrâng sari an rût sip a.
38A fatuhai chu nuhmei le nau- pang tiem loin patling ruok khawm sâng li an nih.
39Chun, mipuihai chu ân ṭintir hnungin lawngah a chuong a, Magadan ram a hung tlung a.
Currently Selected:
MATTHAI 15: HMARCLBSI
Highlight
Share
Copy
Want to have your highlights saved across all your devices? Sign up or sign in
Hmar CL Bible - Pathien Lekhabu Inthieng
Copyright © Bible Society of India, 2015.
Used by permission. All rights reserved worldwide.
