LUKA 21
21
Hmeithai thawlâwm thlâk chu
(Mt 12.41-44)
1Chun, a dâk suok a, mi hausahaiin thawlâwm bâwma an thawlâwm thlâk lai a hmuh a.
2Chun, hmeithai pasetak tûin amanih dâr tangka dere#Lepton pahni a hung thlâk a hmu bawk a.
3Chuongchun, “Titakzetin ka hril cheu hi, hienghai po po nêkin hi hmeithai pasetak hin a thlâk tam lem;
4hieng po po hin an nei liema chu thawlâwmah an thlâk a nih; ama ruok hin chu a dit laitak, a khawsakpui dinga a nei sun chu a thlâk vawng a nih,” a ta.
Isûn Biekin siet ding thu a hrillâwk
(Mt 24.1-2; Mk 13.1-2)
5Chun, tuhaiin amanih Pathien biekin thu, lung ṭhatak le thilpêka an icheimawizie chu an hril laiin, ama chun,
6“Hieng in thil hmu hi, sukchim loa lung inthuo hrim hrim hitaka hin um naw ni; chuong ang ni chu la tlung a tih,” a ta.
Inchiknahai le suknawmnatnahai
(Mt 24.3-14; Mk 13.3-13)
7Chun, anni chun a kuomah, “Inchûktirtu, chuong chu ieng tik am hung um a ti leh? Chuong chu a hung tlung ding pha inchikna ieng am um a ta?” tiin an indawn a.
8Chun, ama chun, “An hlêm nawna ding cheuin fîmkhur ro. Mi tamtakin, ‘Krista chu ka nih,’ ‘Ahun a tlung ding a ni tah,’ tiin keia hming sâlin an hung ding a nih; chuonghai chu zui naw ro.
9Chun, indo thu le buoi thu in hriet pha ṭi naw ro; chuong chu a tlung hmasa ding hrim a nih, tâwpna ruok chu tlung nghâl el hri naw ni,” a ta.
10Chun, an kuomah, “Hnam hran le hnam hran indo an ta, ram tum le ram tum indo an ta;
11simkhawleihnuoi nasatakin inhnîng a ta, hmun tum tumah ṭâmhai tlâng a ta, hrihai inlêng bawk a ta; vâna inthawkin thil ṭium le inchikna nasatakhai um a tih.
12Nisienlakhawm, chuong po po tlung hma chun, man an ti cheu a, inkhâwmna ina mihai le intângna ina mihai kuoma ṭhuoiin suk- nawmnâng an ti cheu, keia hmingin lalhai le hotuhai hmaah ṭhuoi an ti cheu.
13Chu chu in ta dingin thuinhriettirna remchâng la ni hman hman a tih.
14Chuongchun, dawnna ding ngaituo lâwk lo dingin in lungril sukdet ro,
15 #
Lk 12.11-12
in hmêlma po poin an sêl thlâk thei nawna ding bau le varna ka pêk ding cheu a ni sih a.
16Chun, in nuhai le in pahai, in nauhai, in laibunghai, in ruolhai khawmin inmantir an ti cheu a, a ṭhen insukhlumtir an ti cheu.
17Keia hming leiin mi po po theida nîng in tih.
18Nisienlakhawm, in sam zai khat khawm bohmang naw nih.
19In selnain in hringna sanhim in tih.
Isûn Jerusalem siet ding a hrillâwk
(Mt 24.15-28; Mk 13.14-23)
20“Nisienlakhawm, sipaihaiin Jerusalem an inhuol in hmu pha, a bohmang ding a nih ti hre ro.
21Chu pha chun Judai rama umhai chu tlângahai tlân hmang raw hai se, a sûnga umhai chun suoksan raw hai se, rama umhai chu a sûngah lût naw raw hai se.
22 #
Hos 9.7
Chuong ni chu phuba lâk ni a nih, thu an ziek po po a hung tlung theina dingin.
23Chuong ni chun inraihai le nautê pawmhai chung rik a tih, khawvêla hin rinum nasatak a tlung ding lei le, hi chihai chunga hin lunginsenna a tlung ding a ni leiin.
24Chun, kâwlhnâmin thîng an ta, hnam tin kuomah sala ṭhuoiin um an tih; chun, Jentailhai ni a kim hma- khat chu Jerusalem chu Jentailhai sirdein um a tih.
Mihriem Naupa hung ding thu
(Mt 24.29-31; Mk 13.24-27)
25 #
Is 13.10; Ezek 32.7; Joel 2.31; Tp 6.12-13 “Chun, nisaa dâm, thlaa dâm, arasia dâm inchikna um a tih; tuisuoriet inrûm le a fâwn leiin hnuoia khawm hin hnam tin rinumna le lunginzîngna tlung a tih;
26mihai, thlabâr lei le khawvêla thil hung tlung ding ngaituo leiin thidang an tih; vân thilthawthei- nahai chu ân hnîng ding a ni sih a.
27 #
Dan 7.13; Tp 1.7 Chu pha chun Mihriem Naupa hi thilthawtheina leh, ropuina nasa- tak leh sûm laia hung hmûng an tih.
28Chun, chuong thil chu a hung tlung hlimin, dâk suok unla, hang en ro; in intlanna ding a hnai ta leiin,” a ta.
Theichang kûnga inentirna
(Mt 24.32-35; Mk 13.28-31)
29Chun, an kuomah tekhithu a hril a, “Theichang kûng le thing po po en ro,
30ân der phingleh chu chu in hmuh a, nipui a hung tlung ding a nih ti in hriet nghâl hlak.
31Chuong ang bawkin nangni khawmin chuong chu a hung tlung in hmu phaleh, Pathien ram a hung hnai tah ti hre ro.
32Titakzetin ka hril cheu hi, thil po po a tlung kim hmakhat chu tulai ruoltharhai hi bo naw ni hai.
33Hnuoi le vân bohmang a ta, ka thu ruok chu bohmang naw ni.
Inring zing dinga infuina
34“Amiruokchu, fîmkhur ro, chuong naw chun, fâk khawp taluo leh, zu inrui leh, dam sûng khawsak ngaituo leh in lungril sip taluo hlau a ta, chu ni chun châng âwk angin kârloin in chungah hung tlung phut a tih.
35Chuong ang tak chun, hnuoi chung po poa umhai chungah a tlung seng ding a nih.
36Chuongchun, chuong thil hung tlung dinghai po po chu pumpel tlâk le Mihriem Naupa hmaa ngîr tlâka ruot in ni theina dingin, ieng lai khawmin ṭawngṭai pumin ngaiven ro,” a ta.
37 #
Lk 19.47
Chun, ni tin Pathien biekinah ân chûktir hlak a; zân tin a suok a, Oliv tlâng an tia chun a riek hlak.
38Chun, zîngkâr inhmatakin a thu ngai dingin mi po po Pathien biekinah a kuomah an hung hlak.
Currently Selected:
LUKA 21: HMARCLBSI
Highlight
Share
Copy
Want to have your highlights saved across all your devices? Sign up or sign in
Hmar CL Bible - Pathien Lekhabu Inthieng
Copyright © Bible Society of India, 2015.
Used by permission. All rights reserved worldwide.
