LUKA 17

Suol dinga thlêmna

(Mt 18.6-7,21-22; Mk 9.42)

1Chun, Isûn a închûktirhai kuomah, “Tlûknahai um naw thei a ni nawh; nisienlakhawm, tlûkna inumtirtu chung chu a rik!

2Hieng mi chînhai laia pakhat khawm sukthlûk nêk chun, a sukthlutu ding rînga chun bu râwt nawina lung inhlitirin, tuisuorietah thlâk ni sienla, a ta dingin ṭha lem a tih.

3 # Mt 18.15 “Fîmkhur ro, i unauin thil a suksuol chun kâwk rawh; ân sîr chun ngaidam rawh.

4Ni khatah vawi sari i chungah thil suksuolin, vawi sari, ‘Kân sîr,’ tia nanga tieng a ngha nâwk chun, i ngaidam ding a nih,” a ta.

Kan ringna sukpung rawh

5Chun, tîrkohai chun Lalpa kuomah, “Kan ringna sukphui deu raw khai,” an ta.

6Chun, Lalpa chun, “Anṭam mu mal khat ang ringna in nei chun, hi thingtheihmi kûng kuoma hin, ‘Hung inphawi la, tuisuorietah lo inphun rawh,’ tîng in ta, in thu awi el a tih.

Suok sinthaw ding

7“Nisienlakhawm, nangni laia tûkhawm hnuoi inletin amanih, berâm vêngin amanih, suok nei sienla, a lo fe hung pha, ‘Bu hung fa nghâl rawh,’ a lo ti ding am a nih?

8‘Ka fâk ding mi siempêk la, puon dierkei la, ka fâk ka dâwn khawp hmakhat chun ka rawng bâwl rawh; chu hnunga chun nangin fain, dâwn i tih,’ a lo ti lem naw ding am a nih?

9In thu anga a thaw leiin in suok kuomah lâwmthu in hril hlak am a nih?

10Chuong ang bawkin, nangni khawmin in kuomah thupêk ang po poa in thaw zo phaleh, ‘Suok ṭhahnem naw kan nih ie; kan thaw ding hrim kan thaw a nih,’ ti ro,” a ta.

Isûn inphâr sâwm a sukthieng

11Chun, Jerusalema an fe dingin, Samari le Galili ram chu a fe thleng a.

12Chun, khaw ienga manih a lût dingin, mi inphâr ruok sâwmin an intuokpui a; chuonghai chu hlatakah an ngîr a,

13chun, râwl inringtakin, “Isu inchûktirtu, mi lunginsiet rawh,” an ta.

14Chun, ama chun anni chu a hang hmu chun, “Thiempuhai kuomah vân entir ro,” a ta. Chun, an fe lai chun an hung inthieng tâwl tah a.#Lev 7.6-24

15Chun, anni laia pakhat chun a dam tah ti ân hriet phingleh, râwl inringtaka Pathien inpâk pei pumin a kîr nâwk tah a;

16chun, a ke bulah a bawkkhup a, a lâwmthu a hril a; chun, ama chu Samari mi a ni nghe ngheh a.

17Chuongchun, Isûn a dawn a, “Mi sâwm kha in hung inthieng tah a ni naw am a nih? Pakuohai kha khâwlai am an um a?

18Pathien inpâk dinga kîr nâwk, hi hnam dang mi chau naw hi tukhawm hmuin an um naw a ni maw?” a ta.

19Chun, a kuomah, “Tho la, fe rawh, i ringna hi i dampui a ni hi,” a ta.

Ram hung tlung ding chu

(Mt 24.23-28,37-41)

20Chun, Pharisaihaiin Pathien ram hung tlung ding hun an indawn leiin an kuomah, “Pathien ram chu hmu theiin a hung tlung nawh ie,

21‘En ta, hitaka hi,’ amanih, ‘Sawtaka saw,’ amanih ti bawk naw ni hai; ngai ta u, Pathien ram chu nangni lai#Nangniah” ti thei khawm a nih a um a nih,” a ta, a dawn a.

22Chun, inchûktirhai kuoma chun, “Mihriem Naupa dam lai nihai ni khat bêk hi in hmu nuom nihai la um a tih; nisienlakhawm, hmu ta si naw ti niu.

23Chun, in kuomah, ‘En ta sawtaka saw!’ ‘En ta, hitaka hi!’ tîng an ti cheu; fe suok naw unla, anni chu zui bawk naw ro,

24kâwlkawdawng khing tienga kâwl ân lep a, kâwlkawdawng khing tieng chenah a var hlak ang hin, Mihriem Naupa hi a hung ni chun a um ding a ni sih a.

25Nisienlakhawm, chu hma chun thil tamtak tuor a ta, hi ruoltharhai ditnawin um bawk a tih.

26“Noa dam laia thil umzie ang khan, Mihriem Naupa a hung nâwk nihai chun um bawk a tih.

27 # Gen 7.6-24 Noa lawngah a lût a, tui a hung lêt a, an rênga a sukhlum vawng ni kha a tlung hmakhat chun, an fâkin an dâwn a, nuhmei pasal an innei hlak.

28“Chuong ang bawkin Lota dam laiin a hung um a: an fâkin an dâwn a, an inchâwkin an zawr a, an chîngin an bâwl hlak a; #Gen 18.20—19.25

29nisienlakhawm, Sodom khuoa inthawka Lota a suok ni chun vâna inthawkin mei le kâtin a sûr a, an rêngin a sukhlum vawng tah a. 30Chuong ang bawk chun Mihriem Naupa hung inlâr ni chun um a tih.

31 # Mt 24.17-18; Mk 13.15-16 Chu ni chun tûkhawm a sum in sûnga uma, ama in chunga um chu, inchu dingin ṭum naw raw se; loa um chu hung bawk naw raw se.

32 # Gen 19.26 Lota nuhmei hre zing ro.

33 # Mt 10.39; 16.25; Mk 8.35; Lk 9.24; Jn 12.25 “Tûkhawm a hringna hum- himna zawng taphawt chun chân a ta, tûkhawm a hringna chân taphawt chun humhim a tih.

34“Ka hril cheu hi, chu zân chun khum pakhatah mi pahni um an ta, pakhat chu fe hmangpuiin um a ta, pakhat chu mâksanin um a tih.

35Nuhmei pahni bu râwtnawiin um an ta, pakhat chu fe hmangpuiin um a ta, pakhat chu mâksanin um a tih.

36[Mi pahni loah um an ta, pakhat chu fe hmangpuiin um a ta, pakhat chu mâksanin um a tih,”]#Ziek ṭhena chu Ch.36na hi a um nawh a ta.

37Chun, anni chun a kuomah, “Lalpa, khâwlai am ie?” an tih a, an dawn a. Ama chun an kuomah, “Sa- ruong umna taphawtah mulukawlhai khawm um khâwm an tih,” a ta.

Currently Selected:

LUKA 17: HMARCLBSI

Highlight

Copy