Nnwom 102
102
Abooboo ne anidasoɔ
Mmɔborɔni a ne home te no a ɔyi n’abooboo gu AWURADE anim no mpaebɔ.
1Ao, AWURADE, tie me mpaebɔ,
na ma me sufrɛ nnuru w’anim.
2Nyi w’anim nhunta me,
da a me ho hia me no,
brɛ w’aso ase ma me,
da a mesu mefrɛ no, yɛ ntɛm gye me so.
3Na me nna hi sɛ wisie,
na me nnompe adɔ sɛ mmukyia.
4M’akoma abo na akusa sɛ ɛfan,
na m’ani apa m’aduanedie so.
5 #
Hiob 19.20
M’apinisie nne nti
me nnompe afemfam me wedeɛm.
6Mete sɛ ɛserɛ so nantwinoma,
mayɛ sɛ amamfo so patuo.
7Mesiri pɛ, mete sɛ apatuprɛ
a ɔno nko si ɛdan atifi.
8Da mu nyinaa m’atamfoɔ bɔ me ahohora,
wɔn a wɔbɔ me so dam de me yɛ ntanka.
9 #
Dwom 80.5
Na madi nso sɛ aduane,
na mede esu mafra m’anonneɛ mu.
10Ɛnam w’abufuo ne w’anibereɛ so nti,
na womaa me soɔ, na woato me atwene.
11 #
Dwom 90.5; Hiob 14.2 Me nna te sɛ sunsum a ɛretwam,
na me deɛ, mekusa sɛ ɛfan.
12Na wo, AWURADE deɛ, wowɔ hɔ daa,
na wo nkaeɛ kɔduru awoɔ ntoatoasoɔ nyinaa so.
13 #
Dwom 14.7
Wobɛsɔre abɛhunu Sion mmɔbɔ,
na ɛberɛ a ɛsɛ sɛ wodom no ni,
na ɛberɛ no adu.
14Na wo nkoa wɔ n’aboɔ ho akoma,
na wɔn yam hyehye wɔn, ne mfuturo ho.
15Na amanaman bɛsuro AWURADE din,
na asase so ahemfo nyinaa asuro w’animuonyam,
16sɛ AWURADE akyekyere Sion,
wayi ne ho adi n’animuonyam mu,
17wadane n’ani akyerɛ onnibie mpaebɔ,
na wampo wɔn mpaebɔ.
18Wɔbɛtwerɛ yei ama nkyirimma,
na ɔman a wɔbɛbɔ wɔn no bɛyi AWURADE ayɛ,
19sɛ wafiri ne soro kronkron hɔ abrɛ n’ani ase ahwɛ fam,
AWURADE firi soro na ahwɛ asase,
20 #
Dwom 79.11
sɛ ɔbɛtie apokyerɛfoɔ apinisie,
na wasane owuo mma,
21na wɔabɔ AWURADE din Sion,
na wɔaka n’ayeyie Yerusalem,
22 #
Dwom 87.4
da a aman bɛbom aboaboa wɔn ho ano
ne ahennie, sɛ wɔbɛsom AWURADE.
23Wago me tumi mu ɔkwan mu,
watwa me nna so.
24 #
Dwom 55.23
Meka sɛ: Me Nyankopɔn,
mmu me nna mu mfa me,
wo mfeɛ kyɛre
kɔduru awoɔ ntoatoasoɔ nyinaa so.
25 #
Heb 1.10-12; Dwom 90.2 Tete nteredee na wohyɛɛ asase aseɛ,
na ɔsoro ne wo nsa ano adwuma.
26 #
2 Pe 3.10
Ɛno deɛ, ɛbɛsɛe, na wo deɛ, wotim hɔ daa.
Wɔn nyinaa bɛsu sɛ atadeɛ,
wobɛsakyera wɔn sɛ atadeɛ, na wɔasakyera.
27 #
Dwom 102.12
Na wone wo ara, na wo mfeɛ rensa da.
28 #
1 Yoh 2.17
Wo nkoa mma bɛtena ase,
na wɔn asefoɔ atim w’anim.
Currently Selected:
Nnwom 102: ASW
Highlight
Share
Copy
Want to have your highlights saved across all your devices? Sign up or sign in
The Bible Society of Ghana, 2012
