Nnwom 101
101
Ɔhene bɔhyɛ
Dawid dwom.
1Mɛto adɔeɛ ne atemmuo ho dwom,
wo, AWURADE, na mɛto dwom yi mama woɔ.
2Mede nimdeɛ bɛfa pɛyɛ kwan so.
Da bɛn na wobɛba me nkyɛn?
Mede m’akoma pɛyɛ bɛnante
me fie.
3 #
Mmb 20.8, 28 Meremma ahuhusɛm
biara nsi m’ani so,
mekyiri ahohwisɛmdie,
ɛremfam me ho.
4Akoma kontonkyi mpare me,
bɔne rensɔ m’ani.
5Deɛ ɔhunta twiri ne yɔnko no,
ɔno na mɛtwa no;
ahantan ani ne akoma a ɛhoran
merempene no.
6 #
Mmb 22.11
M’ani wɔ asase so nokwafoɔ so,
sɛ wɔmmɛtena me ho;
deɛ ɔnam pɛyɛ kwan soɔ no,
ɔno na ɔmmɛsom me.
7Deɛ ɔtwa nkontompo
rentena me dan mu,
deɛ ɔkeka atorosɛm
rennyina m’anim.
8 #
Mmb 20.26
Daa anɔpa mɛtwitwa asase so
abɔnefoɔ nyinaa,
na matu amumuyɛfoɔ nyinaa
mafiri AWURADE kuro mu.
Currently Selected:
Nnwom 101: ASW
Highlight
Share
Copy
Want to have your highlights saved across all your devices? Sign up or sign in
The Bible Society of Ghana, 2012
