1 Timoteo 6

1 # Efe 6.5; Tito 2.9-10 Nkoa dodoɔ a wɔwɔ kɔnnua aseɛ no mmu wɔn wuranom sɛ anidie nyinaa sɛ wɔn, na Nyankopɔn din ne nkyerɛkyerɛ no ho anhura. 2#Flm 16 Na mma wɔn a wɔwɔ awuranom gyidifoɔ mmmu wɔn animtia sɛ wɔyɛ anuanom, na mmom wɔnsom wɔn yie, ɛfiri sɛ wɔn a wɔsom wɔn no yɛ agyidifoɔ ne adɔfoɔ. Yeinom na kyerɛkyerɛ, na tu ho foɔ.

Nkontompo nkyerɛkyerɛ

3 # Gal 1.6-9; 2 Ti 1.13 Sɛ obi kyerɛ nkyerɛkyerɛ foforɔ na wampene yɛn Awurade Yesu Kristo nsɛm a ɛyɛ no ne nkyerɛkyerɛ a ɛde kɔ onyamesom pa mu a, 4wahoran, na ɔnnim hwee, na mmom ɔyare akyinnyegyeɛ ne anoko a deɛ ɛfiri mu ba ne nitan, kunsunkunsum, nsekuro, nnipa ho adwemmɔne, 5mansotwe a ɛsɛ nnipa a wɔn adwene mu asɛeɛ, na nokorɛ abɔ wɔn a wɔsusu sɛ onyamesom pa yɛ adepɛdeɛ.

Adufudepɛ

6 # Flp 4.11-12; Heb 13.5; 1 Ti 4.8 Na onyamesom pa a abodwoɔ wɔ mu yɛ adenya kɛse. 7#Ɔsɛ 5.14; Hiob 1.21 Na yɛamfa hwee amma wiase, nanso yɛntumi mfa hwee mfiri mu nkɔ. 8#Mmb 30.8 Na sɛ yɛwɔ nnuane ne deɛ yɛde kata yɛn ho a, momma ɛno ara nnɔɔso mma yɛn. 9#Mmb 23.4; 28.22 Na wɔn a wɔpɛ wɔn ho anya no hwe sɔhwɛ ne afidie ne nkwasea akɔnnɔ a ɛnyɛ mma nnipa na ɛtwe wɔn kɔgu ɔsɛeɛ ne ɔyera mu mu. 10#Efe 5.5 Na bɔne nyinaa nhini ne sikapɛ mmorosoɔ a ebinom dii akyire yeraa kwan na wɔde yea pii wowɔɔ wɔn ho.

Adesrɛ bi

11 # 2 Ti 2.22 Na wo, Nyankopɔn nipa, deɛ, dwane yeinom, na di tenenee, onyamesom pa, gyidie, ɔdɔ, boasetɔ ne ɔdwoɔ akyiri. 12#1 Ko 9.25-26 Ko gyidie ko pa no, sɔ daa nkwa a wɔbɔɔ din frɛɛ woɔ na wopaee mu kaa no yie adansefoɔ pii anim no mu. 13#Yoh 18.36-37; 19.11 Metu wo fo Onyankopɔn a ɔma nnoɔma nyinaa nkwa ne Kristo Yesu a ɔpaee mu kaa no yie, dii ho adanseɛ Pontio Pilato anim no 14sɛ, hwɛ ahyɛdeɛ no so, mma dɛm anaasɛ asɛm bi mmma ho kɔsi yɛn Awurade Yesu Kristo ahoyie so. 15#1 Ti 1.11; Adi 17.14; Deut 10.17 Ɛno na deɛ ɔbɛkyerɛ ɛberɛ a ɛsɛ mu ne ahotɔ tumfoɔ koro no, ahene mu Hene ne awuranom mu Awurade, 16#Eks 33.20 deɛ ɔno nko wɔ daa nkwa a owuo nni mu, te hann a obi nnya ho kwan mu, deɛ nnipa mu biara nhunuu no da, na obiara ntumi nhunu no no, ɔno na anidie ne daa tumi wɔ no. Amen.

Ɔtu adefoɔ fo

17 # Dwom 62.10; Luka 12.20 Adefoɔ a wɔwɔ wiase, kasa kyerɛ wɔn sɛ wɔnnnwene akokurokosɛm, anaasɛ wɔmmfa wɔn ani nnto ahonyadeɛ a ɛnni hɔ daa so, na wɔmfa wɔn ani nto Onyankopɔn a ɔma yɛn nnoɔma nyinaa ma no dɔɔso sɛ yɛnnie no so, 18sɛ wɔnyɛ yie, nnya wɔn ho nnwuma pa fam; sɛ wɔnkyɛ adeɛ fɛ so na wɔn nsam ngo, 19#Mat 6.20 na wɔmfa nhyehyɛ fapem pa nto hɔ mma wɔn ho nsie daakye, na wɔasɔ nokorɛ nkwa no mu.

Awieeɛ ne nhyira

20 # 2 Ti 1.14; 1 Ti 4.7 O Timoteo, hwɛ deɛ wɔde ahyɛ wo nsa no so; dane wo ho firi nsɛnhuhuo a ɛho nteɛ ne nimdeɛ a wɔboa frɛ no saa no akyinnyesɛm no ho. 21#1 Ti 1.6; 2 Ti 2.18 Ɛno na ebinom yi kyerɛeɛ, pae firii gyidie no ho.

Adom nka mo.

Currently Selected:

1 Timoteo 6: ASW

Highlight

Copy