Sakariyas 10
10
A sa der gaini pli n'edi ɗa a EPIƊ-ƊAI
1Ki zilbi EPIƊ-ƊAI buri a hina faŋ a ɵa,
kapai a siki faŋ na mugubur war sartini.
A wa ɗugul zi faŋ ɗa a EPIƊ-ƊAI,
a sa faŋ n'abai ɗa a ni lai,
a hina evek a goɗo edi war basga buriɗi ɗai paŋ.
2Seŋ n'alawai zi rgi e miɗiŋki ɗa, a seŋ n'a nafa kai
nagai n'e siɗi wuti, wala n'a siŋka arɗi ɗa a wala na jre kai,
weseŋ na piɵiɗi ɗa, a na ɗapni kai
arai zi pi na wiiɗi, a nafa wala kaalai.
Hanɗa a wala na hiniɗi ɗai yaw aŋ giliŋi, maini adumai nɵa,
e siɗi gir maini fara na ɗifni zi giɗimi aŋ kai nɵa.
EPIƊ-ƊAI aga a wiyiɗisi ɗaini aha, aga a siɗi gdaŋ lai
3Mu za hiy abai na ɗa siɗi ɗai zi giɗimi na maafanai,
aga mu zilbini mini afkasai na maɵagai.
Nkam EPIƊ-ƊAI zi spak paŋ, a fakasi amai ya
aŋ tala fara na wiini, na ɗai na Yuda.
A ziɗi aŋ pilisni na gdaŋ gara nɵa na war hatam.
4War Yuda par ahi-fuŋ na koŋni dalam aga a niyasi edi,
luwuŋ n'e ɓili gumu azumai gaini, aga a niyasi woni par lai
gadaŋni maini taŋ zi hatam,
paakai gai hlaiɗi paŋ aga e niyisi edi warni par.
5aga e bindi kal-kal maiɗi gaŋgalaŋai n'edi min hatam nɵa,
aga e hitimi,
e kirpiɗi gawɗi azumai maini alogodo na warɗi futi nɵa.
buri EPIƊ-ƊAI a na gaiɗi,
gawɗi n'e diɓiri plasaiŋa aga e dûgû gaini siyer.
6Aga mu siɗi gdaŋ wiiɗi ɗai na Yuda,
aga mu kurɗa pinzibani Yosef.
Aga mu wiyiɗisi war eziɗi n'avut
buri ɓa e tili ara haw gara,
e bindi kal-kal mai na ɓa mu hiniɗi ka edi duk kai ɵa,
Ta m'EPIƊ-ƊAI, Alaw na wiiɗi,
aga mu ɵina siiwaɗi lai.
7Ɗai na war Efrayim aga e bindi gdaŋai maiɗi ɗai n'e siɗi hatam gara nɵa,
aga e vi gaini firiyi kal-kal maini ɗif na ciina gaini suul nɵa.
Won hlai n'aliɗi e tili hanɗa li, aga e firiyi gara,
aga e vi gaini firiyi n'abai burini EPIƊ-ƊAI.
8Aga mu yikiɗisi ɗaiŋa ɗa, kapai e tipisi amai
buri ɓ'aga mu pliɗisi edi,
aga e sisiɗi kal-kal maini na ɗipar ɗa nɵa.
9Mu ɵiriɗi edi arbaɗi pinziba na zamai maini seyem n'e sûûɗiŋ nɵa,
amma edi gaigai par tekeɗeɗi, midiɗi aga kɵa gaya,
aga e wiisi ali woni, asakal par aga e wiyisi aha.
10War Egipte par aga mu wiyiɗisi aha,
war Asiriya par aga mu diŋgiɗisi aha.
Aga mu kiɗi midini afti na Galaad gaini Liban,
hlai maa aga a kiɗiɗi kai.
11Aga e vigi yem-ra n'abai n'Egipte ɗa,
ta EPIƊ-ƊAI aga mu tika mayaw n'abakai azumai.
hlai na hulamai na war ra Nil ɗa aga a hiɗika amai.
Kûlûni-si na wiiɗi Asiriya paŋ aga a vada edi,
spak na wiiɗi Egipte paŋ aga a vada edi.
12Aga e pɵi midini EPIƊ-ƊAI,
aga e zi wala paŋ war yikini,
a miɗi na sini EPIƊ-ƊAI par.
Currently Selected:
Sakariyas 10: MUSGUM
Highlight
Share
Copy
Want to have your highlights saved across all your devices? Sign up or sign in
La Bible en Musgum © Alliance Biblique du Cameroun 2012 © Nouveau Testament, Alliance Biblique du Cameroun 1964 © American Bible Society New York, 1964
