Matewus 3
3
Ɓikini seŋ na wiini Yohana zi Baptisme
Mark. 1.1-8; Luk. 3.1-18; Yoh. 1.16-28
1War mefeŋ ni ɗa Yohana zi Baptisme a faka amai a ɓaka seŋ edi war basga na kaɗataŋ na Yudiya a muɗa: 2Bindi payaiki ɗa, buri pai n'Alaw te ŋasi gobi. 3Hanɗa a ni na ɗif na mini Alaw Esaya a muɗa midini, won hlai n'a na ka a muɗa ɓa:
wule a wa edi war basga na kaɗataŋ ɓa:
ziziniti futi na wiini Epiɗ-ɗai,
ɗûpi futini n'agogoi cir cir lai.
4Yohana, sapa na sini ɗa a ayirni ɵigini, santir na wuzani ɗa a z'amur lai, simini ɗa a ayuwi gaini emelni ami na buza, 5ɗai na Yeruzalem, ɗai na Yudiya gaiɗi na midini afti na ɵimaɗi Yurdan ɗa paŋ e hili edi sini. 6E nivi baptisme tini par war yem-ra na Yurdan, won hlai n'e hi-miy tuwurɗi edi wuzaɗi ɗai paŋ.
Ɓikini seŋ na wiini Yohana zi baptisme
Luk. 3.7-9
7Won hlai n'a tiliɗi Farisekai viya gaiɗi Sadusekai viya lai, e hilisi sini buri e nivi baptisme ɗa a miɗiɗi: Pinzibani makai, n'a hitriki aŋ prisi edi wuzani hiy n'aga halasi ɗa asiya ɗa? 8Buri nɵa, wi ali n'a kata pini bindini payaiki ɗa. 9Ki hiini warki kai ɓa, epiyi ɗa a Abraham, ki hiini nɵa kai, buri mu miɗiki, Alaw a sɗa aŋ mula arbani ali-fuŋ hanɗa par, a bundaŋ aŋ alini Abraham. 10Tiyana ɗa beŋel a na gaini zizini ta aŋ bula luwaŋai azumai, azumai sini sirdaini par, nɵa luwuŋ paŋ n'a wa ali na pɗamai kai, aga a ɗukla azumai a ɵiŋka arni afu.
Ni n'a na halasi
Mark. 1.7-8; Luk. 3.15-17; Yoh. 1.24-28
11Ta mu siki baptisme arni yem burini bindini payaiki, amma ni n'a na halasi asakala par spakni a suwaŋa, mu dai dai na mu kiɗa mu pla sogomni harabakni kai, ni ɗa aga a siki baptisme gaini Seze sɗik gaini afu lai. 12Wulai zi fili t'aŋ tini, aga a zizina lulufni, aga a mula algama war vreni, amma bra aga a yaŋ edi arni afu n'a mra kai.
Baptisme na wiini Yesu
Mark. 1.9-11; Luk. 3.21-22
13Nɵa Yesu a halasi a Galeliya par agoɗom war ra Yurdan sini Yohana, kapai a nava baptisme tini par. 14Amma Yohana a bula edi sini a muɗa: Kadai tiɓ mu paya baptisme tuku mu ta, tiyana ku halasi sa ku tuku ɗa maɵa maɵa ɗa? 15Yesu a wiyini seŋ: tiyana hinaŋ a za maini hanɗa nɵa, buri a tala pɗem mu vumu jre ɗikat paŋ amai maini hanɗa nɵa. 16Tizaw asakal na Yesu a nava baptisme ya, a niyasi amai, hlai n'amai a mala edi burini, a tala Seze na wiini Alaw a yorasi azumai maini dere nɵa, a halasi a sumna miɗini. 17Wule a wasi edi war fuŋ-n'Alaw par a muɗa: Hanɗa a Ahiya na mu daraŋ gara, a ni n'a vaŋa firiyiŋa amai gara lai.
Currently Selected:
Matewus 3: MUSGUM
Highlight
Share
Copy
Want to have your highlights saved across all your devices? Sign up or sign in
La Bible en Musgum © Alliance Biblique du Cameroun 2012 © Nouveau Testament, Alliance Biblique du Cameroun 1964 © American Bible Society New York, 1964
