Matewus 11
11
1Won hlai na Yesu a vada li gaini gadai n'a siŋɗi wiiɗi ɗaini zi hitri na doogo pi sulu ɗa, a fakaɗi woni par buri a hitra, buri a ɓaka seŋ war fuŋɗi n'abakai lai.
Yohana zi baptisme a ɵina ɗai sini Yesu aŋ zilbaŋ
Luk. 7.18-35
2Amma won hlai na Yohana aŋ warɗi daŋgai ɗa, a ɵina labarni sɗa na wiini Kristu ɗa, nɵa a ɵiniɗi ɗaini zi hitri sini, 3aŋ zilbiŋ: Tuku ku ni n'aga a halasi tiɓ, zaw mi biyi na zamai ɗi? 4Yesu a waya seŋ a miɗiɗi: hili ki midini wazagai na ki tiliŋ, na ki ɵiniŋ lai wiini Yohana, 5na malvanai e tili, na daŋlaŋai e hili, na dugomai e bindi hilu, na ganaŋai e ɵini, zi mri e ɵiyi amai, labar na pɗem a ɓaka siɗi na murgakai. 6Ɵeɗ aŋ miɗini ni na mu za aŋ wala zi dibi burini kai.
7Won hlai na nagai e hili li, Yesu a tika pini aŋ zilbiɗi firiɗi ɗai miɗini Yohana, a muɗa: Ki hili edi war basga ɗa ki tilisi ɗa a maɗa? A vayai na smer a gigizaŋ ɗi? 8Zaw ki hili edi woni aŋ tili a ma ɗa? Ki tili ɗa a ɗif na gaini sapa na pɗamai sini ɗi? Nagai n'e wi sapa na pɗamai siɗi e ɗa aha warni dalamɗi paakai. 9Na ki hili aŋ tili tiɓ ɗa a maɗa? A ɗif na mini Alaw ɗi? Nkam, mu miɗiki Ni ɗa abai a suwa ɗif na mini Alaw. 10Hanɗa a ni na ɗû a ɗosi miɗini ɓa: Tala, aga mu ɵinaɗi ɵeŋŋa wuzaku, aŋ ɓisiti futiku wuzaku. 11Jre, mu miɗiki, arbaɗi nagai na falakai e wiiɗi paŋ, n'abai n'a suwa Yohana si Baptisme a za ka duk kai, amma n'agwi piɗi marni warɗi paini fuŋ ni Alaw, ni abai a suwaŋ. 12Amma sini mefeŋ na wiini Yohana zi baptisme par haa tiyana ta ɗa, paini fuŋ-n'Alaw te nava gaini gir, e niyi aha warɗi ɗa e ɗi ɗai na gdaŋai. 13Buri ɗai na mini Alaw paŋ gaini Ɗû na wiini Musus lai, e miɗi seŋ na wuze edi haa sini Yohana ta. 14Na ɓa ki diri ki yimi seŋ na mu miɗiŋki ɗa, a Eliyas n'aga a halasi ɗa. 15Ni na ɵimaɗi a na, aga a ɵina.
16Vna hanɗa aga mu kataŋ gaini asiya ɗa? Mu kataŋ ɗa gaiɗi aliyagoi n'agogoi n'e simni warni hlai na ɗai e diŋgi warni ta ta, n'e ɗûûli marɗi, 17e miɗi:
tiyi mi yibi algaita, amma tiki ki diri aŋ didimi kai,
mi tiki yama zi tuwi amai, amma ki ɵi haama siki kai.
18Yohana a halasi, a suma kaalai, a ca kaalai, e miɗi ɓa: ksalai aŋ miɗini. 19Ahini ɗif a halasi, a suma lai, a ca lai, e miɗi ɓa: a ɗif n'a suma gara, n'a ca vin gara lai, e miɗi: a marmaiɗi ɗai zi tar gaiɗi ɗai na tuwarai. Amma yel a siŋka edi aŋ jre ɗa sini sdani par.
Haw miɗini fuŋ paŋ n'a dara a yima kai
Luk. 10.13-16; Mat. 10.15
20Nɵa a tika pini aŋ ɓara fuŋ n'abakai n'a za hiila n'abakai warni, buri ɗai na woni e diri e bindi payaiɗi kai. 21Haw muduku Korazin, haw muduku Betsaida, buri ɓa hiila n'a za ahaki na paŋ ɗa, a za fu na war Tirus gaiɗi Sidon ɗa, aŋ ta ɗa nagai e bindi gamai par, E wi sapa zi tuwi siɗi ya lai, e simni arni bonu ya lai. 22Buri nɵa mu miɗiki war mefeŋ zi sariya tiki aga ki siɗi gir a sûwiɗi ɗai na Tirus gaiɗi Sidon. 23Tuku Kapernahum, kapai ku zala suku amai ɵa haa amai pini hlai n'amai ta ɗi? Aga mu husuku haa azumai war hlai zi simni na wiiɗi zi mri. Buri ɓa wazagai zi hiila n'a za ahaku ɗa, a za fu na warɗi Sodoma ɗa aŋ ta ɗa te na haa girna. 24Amma mu miɗiki, war mefeŋ zi sariya ɗa, tiki aga ki siɗi gir abai a suwa afti na Sodoma.
Ahi a siŋka Api edi arɗi ɗai
Luk. 10.21-22
25Won hlai ni, Yesu a tika seŋ a muɗa: Kol ɗa a wiiku, Api, Epin-gezani hlai n'amai gaiɗi yai, buri ku ŋoya wazagai hanɗa buri nagai n'e siɗi gara gaiɗi na yalakai, amma ku siŋkaŋ edi arɗi nagai n'agogoi 26Nkam, Api, buri a tala arku pɗem aŋ zaŋ maini hanɗa ɵa. 27Wazagai hanɗa paŋ, Api a saŋa war ta, ɗif n'a sɗa Api aŋ kai sai a ahi, gaini ni na ahi a siŋkaŋ arni ɗa lai. 28Hilisi sa tiki paŋ na gaini liliɓi, na ki libi jak na guma aga mu siki si n'amla. 29Ki tiki jukŋa wulaki, ki hitri sa par, buri ta mu hangal gaini kûlûni-si wara kaalai, nɵa aga ki nivi si n'amla. 30Buri jukŋa ɗa a pɗem, jakŋa ɗa a kolek lai.
Currently Selected:
Matewus 11: MUSGUM
Highlight
Share
Copy
Want to have your highlights saved across all your devices? Sign up or sign in
La Bible en Musgum © Alliance Biblique du Cameroun 2012 © Nouveau Testament, Alliance Biblique du Cameroun 1964 © American Bible Society New York, 1964
