Matewus 1
1
Giriɗi tamaini Yesu Kristu
Luk. 3.23-38
1Maktuɓ na wiini giriɗi tamaini Yesu Kristu n'ahini David, n'ahini Abraham. 2Abraham a wa Isaak, Isaak a wa Yakob, Yakob a wa Yuda gaiɗi tawalakaini. 3Yuda a wa Peres gaini Zera tiɗi Tamar. Peres a wa Hesron, Hesron a wa Aram, 4Aram a wa Aminadab, Aminadab a wa Nason, Nason a wa Salmun, 5Salmun a wa Bowas tiɗi Rahab, Bowas a wa Obed tiɗi Rut, Obed a wa Isai, 6Isai a wa pai David. David a wa Salumun tiɗi munini Uriyas, 7Salmun a wa Rehobowam, Rehoboam a wa Abiya, Abiya a wa Asa, 8Asa a wa Yosafat, Yosafat a wa Yoram, Yoram a wa Oziyas, 9Oziyas a wa Yotam, Yotam a wa Akaz, Akaz a wa Ezekiyas, 10Ezekiyas a wa Manasse, Manasse a wa Ammon, Ammon a wa Yoziyas, 11Yoziyas a wa Yekoniya gaiɗi tawalakaini, won hlai ni e kiɗi ɗai edi war Babilon. 12Asakal n'e kiɗi edi war Babilon li, Yekoniya a wa Salatiyel, Salatiyel a wa Zorobabel, 13Zorobabel a wa Abiyud, Abiyud a wa Eliyakim, Eliyakim a wa Azor, 14Azor a wa Sadok, Sadok a wa Akim, Akim a wa Eliyud, 15Eliyud a wa Eliyazar, Eliyazar a wa Mattan, Mattan a wa Yakob, 16Yakob a wa Yosef, mofoɗi Maria, na te wa Yesu, ni n'e yikiŋ ɓa: Kristu. 17Nɵa sini Abraham par haa sini David ta ɗa, ku pɵa vna doogo pi puɗu, sini David par haa sini ki n'edi war Babilon ta ɗa, ku pɵa vna doogo pi puɗu, sini ki n'edi war Babilon par haa sini Kristu ta ɗa, ku pɵa vna doogo pi puɗu lai.
Wi na wiini Yesu Kristu
Luk. 2.1-7
18Wi na wiini Yesu Kristu ɗa a za maini nɵa, Maria na emini Yosef a giɓiti aŋ munini gaɓ, hlai n'a tapa gaiɗi kai hai, a tiliti te na ziya, ahi n'aŋ warɗi ɗa a na sini Seze-sɗik par. 19Yosef na mofaɗi, a ɗif na jre a dara a ka siyer midiɗi arɗi doogo kai, a paya aŋ baada gaiɗi war ŋoyai. 20Won hlai n'a na hiina miɗini hanɗa, ɗif zi ɵeŋ na wiini Epiɗ-ɗai a siŋka sini arni war weseŋ zi pɵi, a muɗa: Yosef, ahini David, ku huna kai, yimiti Maria na muniku suku, buri ahi n'aŋ warɗi a na sini Seze sɗik par. 21Aga te wa ahi, aga ku sini yiki ɓa: Yesu, buri ni aga a kûrɗiɗi ɗaini edi war tuwurɗi par.
22Hanɗa paŋ a za li, kapai wala n'EPIƊ-ƊAI a muɗaŋ war mini ɗif na mini Alaw a va amai, n'a muɗa ɓa: 23Tili ɓulmi na te tapa gaini wus kai aga te ziya, aga te wa ahi, aga e sini yiki ɓa: Emmanuwel, a dara a muɗa Alaw gaimu. 24Won hlai na Yosef a ɵiya amai war weseŋ par ya a za maini ɗif zi ɵeŋ na wiini Epiɗ-ɗai a miɗiŋni nɵa. A tikiti munini aha, 25amma a tapa gaiɗi kai haa te wa ahiɗi n'avut, a sini yiki ɓa: Yesu.
Currently Selected:
Matewus 1: MUSGUM
Highlight
Share
Copy
Want to have your highlights saved across all your devices? Sign up or sign in
La Bible en Musgum © Alliance Biblique du Cameroun 2012 © Nouveau Testament, Alliance Biblique du Cameroun 1964 © American Bible Society New York, 1964
