Lukas 13
13
Ɗai na Galeliya par na Pilatus a fiɗiɗi edi
1Won hlai ni, ɗai zamai e hilisi e miɗini miɗini wala na Pilatus a zaŋ siɗi ɗai na Galeliya par n'a ɵihiɗa felɗi gaini fel na wiini wazagai n'e zi ɓaka gaini wiini Alaw ɗa. 2A waya seŋ a miɗiɗi: Ki hiini ɓa, ɗai nagai na Galeliya par n'e siɗi gir maini hanɗa ɵa ɗa, tuwarai gara e sûwiɗi ɗai na Galeliya na zamai ɗa paŋ ɗi? 3A na ɵa kai, amma mu miɗiki Na ɓa ki bindi payaiki gamai kai ɗa, tiki lai aga ki bi ɵa kafa lai. 4Zaw ɗai na doogo pi mitwis na poriyo na Silowa te kɵa midiɗi te fiɗiɗi edi ɗa, ki hiini ɓa nagai e zi meefeŋ e sûwiɗi ɗai na zamai na war Yeruzalem ɗa paŋ ɗi? 5A na ɵa kai, amma mu miɗiki Na ɓa ki bindi payaiki gamai kai ɗa, tiki paŋ aga ki bi maiɗi ɵa lai.
Seŋ zi siŋka maini miɗini Fige n'a wa kai
6A miɗiɗi seŋ zi siŋka maini hanɗa lai: Ɗif ktai a na fu gaini luwuŋ Fige ktai war zardeŋ zi luwuŋ zi vin na wiini, a halasi aŋ paya ali tini par, amma a nava ali tini kai. 7Nɵa a miɗini wiini ɗif n'a za sda warni vowaini ɓa: Tala buza a za hu ya, mu halasi tiyana na ɗa aŋ paya ali tini par, amma mu nava wala kai, blaŋ azumai, a tika hlai kadai meere buri mada? 8Amma ɗif n'a za sda warni vowaini a waya seŋ a miɗini: Epin-geza, hinaŋ a buza ktai pra mu tuluŋmu haw, aga mu yima pini amai, mu mula fulai pini lai, 9ablaŋtaŋkai n'a wa buza na wuzamu ɗi ɗa? Na ɓa a wa kai ɗa, kapai ku blaŋ walaku azumai.
Yesu a zûûliti muni na gaini fi war Sabbat
10Sabbat ktai Yesu a na fu aŋ hitra war sinagogne ktai. 11Nɵa, muni ktai na ksalai a binditi hurufi, a fiti ka lai, te kiɗa te ɗiya amai cir kai te na fu woni, wala hanɗa te za gaini buza doogo pi mitwis, 12won hlai na Yesu a tiliti, a yikiti a muɗa: Muni, ku pla li edi war veglekku par.
13A tika tini siɗi, tizaw tar te mada amai cir, te tika piɗi te sa kol sini Alaw. 14Amma abai na miɗini sinagogne ɗa a za hiy gara buri ɓa Yesu a zûûliti muni ɗa war Sabbat; A tika seŋ a miɗiɗi wiiɗi ɗai ɗa maini nɵa: Mefeŋ a na ɵaara na sɗa a za woni, ki hilisi ki zûûli siki ɗa war mefeŋ ni ɗa, ki hilisi warni Sabbat ɗa kai. 15Amma Epiɗ-ɗai a wiyini seŋ a muɗa: Tiki zi rhai, arbaki ɗa, ɗif n'a pla ɵeni, zaw ablehöni warni hlai n'e simi kuzum woni par buri a kaŋ aŋ sini yem war Sabbat kai ɗa asiya ɗa? 16Muni hanɗa t'ahini Abraham lai, amma Satan a nigitisi haa tiyana buza doogo pi mitwis, na ɓa te nava pli n'edi war veglekɗi par war mefeŋ na wiini Sabbat ɗa, a meefeŋ ɗi? 17Won hlai n'a na muɗa seŋ hanɗa siyer a yimiɗi, ɗai e firiyi burini sɗa na pɗamai paŋ n'a na zaŋ ɗa.
Seŋ zi siŋka maini miɗini seyem ni Seneve
Mat. 13.31-32; Mark. 4.30-32
18Won hlai ni a muɗa: Paini Alaw te na ɗa maini maɵa ɗa? Aga mu kititi ɗa gaini a mada? 19Te na ɗa maini nɵa, maini seyemni Seneve na ɗif a tikaŋ a blaŋ warni vowaini, a wula a bunda aŋ luwuŋ n'abai na wazagai zi ɗufli n'arbani hlai n'amai a yima gutni amai sini graŋni.
Seŋ zi siŋka maini miɗini Is
Mat. 13.33
20A miɗiɗi pra: Aga mu kititi pai n'Alaw gaini a mada? 21Te na maini is na muni te tikaŋ, te koŋ arni avudi daram hu haa avudi ɗa a faka amai ɗa nɵa.
Mini hlai n'agwi
Mat. 7.13-14, 21-23
22A vugasi fuŋ n'abakai gaini fuŋ n'agogoi, a hitriɗi ɗai lai won hlai n'a na hala a Yeruzalem sek.
23Ɗif ktai a miɗini: Epiɗ-ɗai, nagai n'aga e kûri ɗa, aga e zi viya kai ɗi? A miɗini: 24Ki fiɗi was aŋ niyi war mini hlai n'agwi, buri mu miɗiki viya aga e piyi aŋ niyi amma aga e kiɗi kai.
25Won hlai n'epini dalam a faka li amai, a doogo mini hlai li, ki hini li anene par ɗa, aga ki tiki piki aŋ ɵiɓi mini hlai, aŋ miɗi lai ɓa: Epiɗ-ɗai, miliŋyi edi. Amma aga a wiyiki seŋ ɓa: Ki na wata par ɗa? Mu siɗiki kai. 26Nɵa aga ki tiki piki ki miɗi ɓa: Tiyi mi simi, mi ci gaiku lai, tuku ku hitra warni futi n'abakai na war fuŋyi n'abakai. 27Ni aga a wiyiki seŋ pra ɓa: Tiki ki na wata par ɗi mu siɗiki kai, fiki edi maa gaigai par, tiki paŋ na ki zi wazagai na jre ɗikat kai. 28Won hlai na ki tili li Abraham gaini Isaak, gaini Yakob gaiɗi ɗai na mini Alaw paŋ warɗi pai n'Alaw ɗa, tiki ki hiniɗi li anene par ɗa, daaba tuwi gaini hirɗini sesiyeŋ aga a za. 29Ɗai aga e hilisi piɗi futi na dawai par, na ksukoi par, war gal n'azumai par gaini n'amai par lai, nagai aga e simni azumai e simi warɗi pai na wiini Alaw. 30Nɵa, ɗai zamai n'e ɗa asakal ɗa, aga e bindi aŋ avut, na zamai n'e ɗa avut ɗa, aga e bindi aŋ asakal lai.
Yesu a tuuwa midiɗi Yeruzalem
Mat. 23.37-39
31War hlai ni dama, zamai arbaɗi Farisekai e hilisi sini e miɗini: Yimasi suku edi miɗini aftiyi par kaai, hala won hlai zamai, buri Herod a na paya fiɗiku edi. 32Yesu a miɗiɗi: Hili, ki miɗini wiini ɗif na yel gara maini Anhi ɵa hanɗa, mu na birga ksalai edi, mu na zûûliɗi zi veglek, girna, dawai lai, war mefeŋ n'ag'aŋ hu ɗa aga mu vada vat. 33Amma pɗem ɓa, dawai haa kobok ta ɗa, mu kiti morkoiŋa na Yeruzalem ɗa buri ɗif na mini Alaw e fiɗiŋ edi warni hlai zamai kai, sai aha war Yeruzalem. 34Yeruzalem, Yeruzalem, tuku na ku fiɗiɗi ɗai na mini Alaw edi, na ku fiɗiɗi nagai n'e ɵiniɗiɗi suku gaini kriyit. Azi viya, mu paya aŋ tipiɗi aliku azumai pini graŋŋa maiɗi Yuguri na te tapa aliɗi na kuɗu kuɗu azumai pini badaɗi nɵa, amma tiki ki diri kai. 35Tili, dalamki aga a hina edi aŋ greŋ, mu miɗiki, aga ki tiliŋa kir kai haa sini mefeŋ n'aga ki miɗi ɓa: Kol sini Ni n'a halasi war yikini Epiɗ-ɗai.
Currently Selected:
Lukas 13: MUSGUM
Highlight
Share
Copy
Want to have your highlights saved across all your devices? Sign up or sign in
La Bible en Musgum © Alliance Biblique du Cameroun 2012 © Nouveau Testament, Alliance Biblique du Cameroun 1964 © American Bible Society New York, 1964
