Jako 4

Nang ma ce bung Säthaw tea ae-a ö

1Ätephüng-a nang ma ce tingtawi aejaw aemang kha aety ö te mei. Honi lä nang ma ce üng bälung thung-a ngaiphi tüng y saite na lä aejaw aemang jawjaw ö te vi. 2Nang ce lä hae haetä tea ae-aw ngaila dang ö te y. Honi hai nang ce lä khimi ce bung bädü hethang awng rüng ö te vi. Nang ce lä bädö ngaila dang ö te y vi. Tukha nang ce lä aejaw aemang kha aety ö te vi. Nang ce lä Säthaw tea aetang y te phüng-a, nang ma ce ngai saite na dang ö te y. 3Nang ce aetang te kätü-a, mäteng ma dang y te lä nang ma ce üng tämang saite kaedawng hai Säthaw tea mäkai ö te phüng-a vi. Nang ce lä mäkai saite tea nang ma ce üng bälung kawng hai hethang tähang xyng tawng he ngai ö te vi. 4Nang ce lä täkübäjang sa ö saite kätyng vi. Nang ce lä honi älawngpre üng hawi y saite älang tea bälung aevaw dylä, Säthaw tea esäre te vi dy näte nang ce lä mäny ö y mei. Hini älawngpre üng rawijae aesa hethang ngai saite khimi lä Säthaw üng täre-a lawng te vi dy. 5Caekäcai thung-a thui saite lo, “Säthaw lä mä-ai üng bälung thung-a mäkung saite Muilaw ma mä-ai tea tengxyng y pä-e hai te vi” näkha näte tea nang ce lä aetütü käthi ö te vi mei. 6Tungaila Säthaw ma mä-ai tea tähang kähawi py rae te vi. Tukätephüng-a Caekäcai-a, “Säthaw lä aethaw saite khimi na tea elekhei sa te vi. Tungaila aemäneng saite khimi na tea lä tähang kähawi py te vi” näkha thui vi.

7Tukätephüng-a Säthaw üng aely kängai-a hui ö. Setan angra te üng aedung ö. Hini kätyng sa dylä, Setan angra lä nang ce te üng aehuija vi ai. 8Nang ce lä Säthaw äteng-a ly dylä, äni la nang ce äteng-a ly by ai. Hunghö sa saite nang ce lä nang ma ce üng sa saite na cai hai ö lawi. Yng vawng y saite nang ce lä cai saite kaedawng awng ö lawi. 9Bälungsi kha minaw tui qa ö lawi. Nang ce üng mänui saite lä raw saite mang-a aelawng hai kha anghawtho saite na lä bälungsi saite mang-a lawng hai ö. 10Nang ce lä Areng üng maw-a aemäneng ö. Tudylä äni lä nang ce tea mäsang vi ai.

Kangby jä-ai na phüng aeqa ö hang

11Yng saite kangby jä-ai na ä, lawng lawngtä üng phüng aeqa ö hang. Äma üng kangby jä-ai na phüng aeqa saite, y dylä tärae cei saite khimi lä Säthaw üng Ubädi phüng tea aeqa kha tärae cei saite khimi-a lawng te vi dy. Nang ce ma Ubädi tea tärae cei dylä, Ubädi tea tängai ö y te vi dy. Nang ce lä Ubädi tea tärae cei saite khimi na-a lawng ö te vi dy. 12Ubädi py saite hai tärae cei saite Kung lä Säthaw lawngtä xyng kae. Äni lawngtä xyng ni aeqang saite hai täphra haw saite vi. Nang ce lä nang ma ce üng kangby jä-ai na tea tärae cei te lä aeteng te y vi.

Aethaw saite khimi na tea sädi py saite

13Kai üng thui saite tea tängai ö! Nang ma ce tingtawi lä, “Vaini, y dylä khawngdang-a, kai ce lä hini märü-a ly kha säningtä tingtang vyng na kaepai sa kha tawngnang hai vi ai” näkha aethui ö te vi. 14Nang ce lä khawngdang mang-a ätemakä awng ai mei näte mäny ö y. Nang ce üng hing saite lä tänaetä xyng awng kha laja saite khö sämawng kätyng vi. 15Nang ce ma thui hethang kae saite lä, “Areng ma mä-ai tea hing hai hethang aely ngai vi dylä, kai ce lä hini kätyng sa ai” näkha nä ö te vi. 16Tungaila nang ce lä bälung aesang te hai aethaw ö te vi. Hini kä aethaw saite angxynlyng na lä sa tämang ö te vi dy.

17Tukätephüng-a kähawi sa hethang kae saite tea mäny kha sa y saite khimi lä hunghö sa te vi.

Currently Selected:

Jako 4: cekNT

Highlight

Copy