DIPESALEME 124
124
A go bakwe mogolodi wa Iseraele
1Sefela sa go ya Tempeleng sa ga Dafita.
Fa e ka bo e ne e se Morena
yo o neng a re emela –
a Iseraele a re jalo –
2fa e ka bo e ne e se Morena
yo o neng a re emela,
jale fa batho ba re tsogela,
3foo ba ka bo ba re meditse
re sa phela,
jale fa ba re tukela bogale.
4Foo noka e ka bo e re gogotse,
metsi a ka bo a re betile.
5Foo metsi a a gogomogileng
a ka bo a re khurumeditse.
6A go bakwe Morena
yo o sa re tlogelelang
go garolwa ke meno a bona.
7Mewa ya rona
e falotse jaaka nonyane
mo mutlwaneng wa mothaisi;
mogala o kgaogile,
mme rona re falotse.
8Thuso ya rona
e mo leineng la Morena,
Modiri wa legodimo le lefatshe.
Currently Selected:
DIPESALEME 124: TSW70
Highlight
Share
Copy
Want to have your highlights saved across all your devices? Sign up or sign in
© Bible Society of South Africa 1970, 1987, 2007. Used by permission. All rights reserved.
