DIPESALEME 114
114
Kgakgamatso ya pololo ya Baiseraele kwa Egepeto
1E rile Iseraele a huduga
kwa Egepeto,
le ba lapa la ga Jakobe
mo morafeng wa puo e sele,
2Juta a nna felo ga boitshepo
ga gagwe,
le Iseraele ga puso ya gagwe.
3Lewatle le bonye jalo, la tshaba;
Joretane a boa ka morago.
4Dithaba di ne tsa ja mokaragana
jaaka diphelehu le makgabana
jaaka dikwana.
5Ke eng, wena lewatle, fa o tshaba,
le wena Joretane,
fa o kata ka morago?
6Ke eng lona dithaba,
fa lo ja mokaragana
jaaka diphelehu,
le lona makgabana,
fa lo etsa dikwana?
7Wena lefatshe,
roroma fa pele ga Morena,
fa pele ga Modimo wa ga Jakobe,
8o o fetotseng lefika letsha la metsi
le legakwa motswedi wa metsi.
Currently Selected:
DIPESALEME 114: TSW70
Highlight
Share
Copy
Want to have your highlights saved across all your devices? Sign up or sign in
© Bible Society of South Africa 1970, 1987, 2007. Used by permission. All rights reserved.
