DIPESALEME 113
113
Go baka Mogodimodimo yo o utlwelang ba babotlana botlhoko
1Haleluya! Bakang,
lona batlhanka ba Morena,
bakang leina la Morena!
2A leina la Morena le bakwe
jaanong le ka bosakhutleng!
3A leina la Morena le bakwe
go tswa kwa botlhabatsatsi
go ya kwa bophirimatsatsi!
4 Morena o okame ditšhaba tsotlhe,
kgalalelo ya gagwe
e kwa godimo ga magodimo.
5Ke mang yo o tshwanang
le Morena, Modimo wa rona,
yo o agileng kwa godimo,
6yo o lebelang legodimo le lefatshe
kwa tlase?
7O tsosa yo mmotlana mo leroleng,
a nanose mohumanegi
mo thotobolong
8gore a mmee fa batlotleging,
fa batlotleging ba morafe
wa gagwe;
9o agisa moopa mo ntlong
go nna mma-bana yo o itumelang.
Haleluya!
Currently Selected:
DIPESALEME 113: TSW70
Highlight
Share
Copy
Want to have your highlights saved across all your devices? Sign up or sign in
© Bible Society of South Africa 1970, 1987, 2007. Used by permission. All rights reserved.
