Salamo 119

119

SALAMO CXIX - 119

א ALEPHA.

1E AO to te aronga apa kore i te arataa, #Sala 128:1ko tei aaere na te ture a Iehova. 2E ao to tei akono i tana au tuatua-akakite, ko tei kimi iaia ma te ngakau katoa. 3#1 Ioa 3:9; 5:15Kare oki ratou i rave i te ara: kua aere ratou na tona ra au arataa. 4Kua akaue mai koe, kia akono tikai matou i taau au ikuiku anga. 5Naringa i tano tikai toku nei au aerenga i te akono marie anga i taau au akonoanga! 6#Iobu 22:26; 1 Ioa 2:28Ei reira au kare e akamaʼi, kia akono au i taau ra au akauenga katoa. 7#Sala 119:171E akameitaki au ia koe ma te ngakau tiratiratu, kia kite au i taau ra akatauanga tuatua-tika. 8Ka akono au i taau ra au akonoanga; auraka e akaruke takiri mai iaku.

BETA.

9E akapeea te tangata ou i te tamā anga i tona arataa? i te akono marie anga kia tau ki taau ra tuatua. 10#2 Para 15:15Kua kimi au ia koe ma toku ngakau katoa: #Sala 119:21,118auraka au kia tatipake i taau ra au akauenga. 11#Sala 37:31; Luka 2:19,51Kua uuna au i taau tuatua ki roto i toku ngakau, kia kore au e ara ia koe ra. 12Kua akameitakiia koe, e Iehova! #Sala 119:26,33,64,68,108,124,135; Sala 25:4e apii mai koe iaku i taau ra au akonoanga. 13#Sala 34:11Te akakite nei toku ngutu i te au tuatua-tau katoa no roto i toou ra vaa. 14Te rekareka nei au i te arataa o taau au tuatua-akakite, e iti rava to te apinga tini ravarai: 15#Sala 1:2; 119:23,48,78Ka akamaara rai au i taau ra au ikuiku anga, e akono rai au i taau ra au arataa. 16#Sala 1:2; 119:35,47,70,77Ka rekareka au i taau ra au akonoanga; kare rava e ngaropoina iaku taau tuatua.

ג GIMELA.

17 # Sala 116:7 Kite meitaki mai koe i to tavini nei, kia ora au, e kia akono au i taau tuatua. 18E akapuera mai koe i oku nei mata, kia kite au i te au mea taka ke i roto i taau ra ture. 19#Gene 47:9; 1 Para 29:15; Sala 39:12; 2 Kori 5:6; Ebe 11:13E tangata ke au i te enua nei, auraka e uuna i taau ra au akauenga iaku nei. 20#Sala 42:1,2; 63:1; 84:2; 119:40,131Kua taravai toku vaerua i te inangaro anga i taau ra au tuatua-tau kare e rā e tukua. 21Kua akamura koe i te aronga nengonengo i tei taumaaia ra, #Sala 119:10,110,118ko tei akaruke i taau au akauenga 22#Sala 39:8E akataka ke koe i te akakino e te akavaavaa iaku nei; kua akono oki au i taau au tuatua-akakite. 23Kia noo te ui ariki e tuatua kino iaku ra, #Sala 119:15ka akamaara rai to tavini i taau ra au akonoanga. 24#Sala 119:77,92Ko taau au tuatua-akakite, ko taku ïa e mataora, ko taku ia au tumukorero.

ד DALETA.

25 # Sala 44:25 Te piri nei toku vaerua ki te one; #Sala 119:40; Sala 143:11e akamaroiroi mai koe iaku i taau i tuatua maira. 26Kua akakite au i toku au aerenga, e kua akarongo mai koe iaku; #Sala 119:12; Sala 25:4; 27:11; 86:11e apii mairai koe iaku i taau ra au akonoanga. 27E akakite mai koe kiaku i te arataa i ikuikuia e koe ra, #Sala 145:5,6kia tuatua au i te au angaanga taka ke naau ra. 28#Sala 107:26Kua taravai toku ngakau i te aue: e akamaroiroi mai koe iaku i taau i tuatua maira: 29E akamamao ke atu i te arataa pikikaa iaku, tuku aroa mai koe iaku i taau ra ture. 30Kua anoano au i te arataa tuatua mou: taau ra au tuatua-tau, kua tukuia ïa ki mua iaku. 31Kua piriakita au ki taau au tuatua-akakite: e Iehova, auraka au kia taakamaia. 32Ka oro au na te arataa taau i akaue maira, kia #1 Ari 4:29; Isa 60:5; 2 Kori 6:11akamaoraoraia e koe toku nei ngakau.

ה HE.

33 # Sala 119:12 E apii mai koe iaku, e Iehova, i te arataa ra o taau au akonoanga, e ka akonoia e au #Sala 119:12; Mata 10:22; Apo 2:26e tae ua atu ki te openga ra. 34#Sala 119:73; Mase 2:6; Iako 1:5E apii mai koe iaku kia akono au i taau ture, ka akono rai au i te reira ma te ngakau katoa ra. 35E arataki koe iaku na te arataa ra o taau au akauenga; e #Sala 119:16mea mataora oki naku te reira. 36E akaariu i toku ngakau ki taau au tuatua-akakite, e auraka #Eze 33:31; Mare 7:21,22; Luka 12:15; 1 Timo 6:10; Ebe 13:5ki te noinoi apinga. 37#Isa 33:15E akaariu ke i toku mata kia kore e #Mase 23:5akara i te mea puapinga kore; #Sala 119:40akamaroiroi koe iaku i toou ra arataa. 38E #2 Samu 7:25akatinamou koe i taau tuatua ki to tavini nei, tei mataku ia koe ra. 39E akaoki ke atu koe i te akakino taku e mataku nei; te meitaki nei oki taau au tuatua-tau iaku nei. 40I na! #Sala 119:20te anoano nei au i taau ra au ikuiku anga; e #Sala 119:25,37,88,107,149,156,159akamaroiroi mai iaku i te tuatua-tika naau ra.

ו VAU.

41 # Sala 106:4; 119:77 E akatae mai to aroa kiaku nei, e Iehova: i te ora naau, i taau oki i tuatua maira. 42Ei reira au nei e tikaʼi kia patoi atu i tei akakino mai iaku nei: no te mea te irinaki nei au i taau tuatua. 43Auraka e kiriti takiriia te tuatua-mou i toku nei vaa; te irinaki nei au i te au tuatua-tau naau ra. 44Ka akono tamou rai au i taau ra ture, e tuatau, e tuatau ua atu. 45Ei reira au e aere mateatea uaʼi, kia kimi au i taau au ikuikuanga. 46#Sala 138:1; Mata 10:18,19; Anga 26:1,2Ka tuatua katoa oki au i taau au tuatua-akakite ki mua i te aroaro o te ui ariki, kare oki au e akama. 47#Sala 119:16Ka mataora rai au i taau ra au akauenga, tei inangaroia e au nei. 48E akatika atu au i oku puke rima ki taau au akauenga, taku i inangaro nei; #Sala 119:15ka akamaara rai au i taau ra au akonoanga.

ז ZAINA.

49E akamanako i taau tuatua ki to tavini nei, i taau i akariro ei #Sala 119:74,81,147irinaki anga noku ra. 50Ko toku teia #Roma 15:4pumaana kia mate au ra; na taau tuatua oki i akamaroiroi iaku. 51#Iere 20:7E taitoito maata to te aronga nengonengo iaku ra; #Iobu 23:11; Sala 44:18; 119:157kare ra au i ariu ke mai i taau ra ture. 52Te manako nei au i taau ra au tuatua-tau taito, e Iehova, e kua akapumaana au iaku uaorai. 53#Ezera 9:3Kua rokoia au e te #119:53 Tikaanga - koiriiriakoiriria i te aronga kino, ko tei akaruke i taau ture. 54Ko taau ra au akonoanga, ko taku ïa imene, i te are o toku tuitarere anga nei. 55#Sala 63:6Te manako nei au i toou ra ingoa, e Iehova, i te po; e kua akono au i taau ra ture. 56Ko toku ïa maru ko au i akono i taau ra au ikuiku anga.

ח HETA.

57 # Sala 16:5; Iere 10:16; Aue 3:24 # 119:57 Tikaanga - Ko. Koe koe taku nei tuanga, e Iehova; kua akakoro au e akono i taau tuatua. 58Te umuumu nei au i to mata ma te ngakau katoa nei; e aroa mai iaku #Sala 119:41i taau i tuatua maira. 59#Luka 15:17,18Kua manako au i toku au aerenga, e kua akaoki i oku puke vaevae ki taau au tuatua-akakite. 60Te ngakoikoi nei au, kare i tavare, i te akono anga i taau ra au akauenga. 61Kua akapiniia au e te ereere a te aronga kino kare rai i ngaropoina taau ture iaku nei. 62#Anga 16:25Ei te turuaipo au e tu ei ki runga e akameitaki ia koe, no taau au akatauanga tuatua-tika. 63E tangata tau oki au ki te aronga ravarai e mataku ia koe ra; e te aronga e akono i taau ra au ikuikuanga. 64#Sala 33:5Kua ki te enua nei, e Iehova, i te takinga-meitaki oou na: #Sala 119:12,26e apii mai koe iaku i taau ra au akonoanga.

ט TETA.

65Te takinga-meitaki nei koe i to tavini, e Iehova, i taau oki i tuatua maira. 66E akakite mai koe kiaku i te akono meitaki e te karape: te irinaki nei oki au i taau ra au akauenga 67#Sala 119:71; Iere 31:18,19; Ebe 12:11Kare au i maki ra, kua aere ke au; i teianei ra te akono nei au i taau tuatua. 68#Sala 106:1; 107:1; Mata 19:17E meitaki toou, e te takinga-meitaki; #Sala 119:12,26e apii mai iaku i taau ra au akonoanga. 69Kua akatupu te aronga nengonengo i #Iobu 13:4; Sala 109:2te tuatua pikikaa iaku: te akono nei ra au ma te ngakau katoa i taau ra au ikuiku anga. 70#Sala 17:10; Isa 6:10; Anga 28:27Kua matu to ratou ngakau mei te tongaua: #Sala 119:35te pingapingareka nei ra au i taau ture. 71#Sala 119:67; Ebe 12:10,11Meitaki akera au ko au i maki ra, no te mea kua kite akera au i taau ra au akonoanga. 72#Sala 119:127; Sala 19:10; Mase 8:10,11,19Meitaki maata to te ture a to vaa ra iaku, i te auro e te ario e kia tausani ua atu.

י IODA.

73 # Iobu 10:8; Sala 100:3; 138:8; 139:14 Na to rima au i anga e kua akaaite i toku tu: #Sala 119:34,144e apii mai koe iaku kia kite au i taau ra au akauenga. 74#Sala 34:2Ko te aronga i mataku ïa koe ra, ka rekareka ïa kia akara mai iaku, #Sala 119:49,147no te mea kua irinaki au i taau tuatua. 75Kua kite au, e Iehova, e tuatua-tika taau ra au tuatua-tau, #Ebe 12:10e no te tuatua-mou naau ra i akatumatetenga mai ei koe iaku ra. 76E teianei kia riro toou aroa ei akamaru mai iaku, i taau oki i tuatua mai ki to tavini nei. 77#Sala 119:41Kia riro mai oki to aroa maata ra iaku, kia ora au; #Sala 119:24,47,174kua mataora oki au i taau ture. 78#Sala 25:3Kia akama atu te aronga nengonengo; #Sala 119:86kua takinga-kino ua mai ratou iaku; #Sala 119:23te akaeatu nei ra au i taau ra au ikuiku anga. 79Ko te aronga i mataku ia koe ra tei ariu mai kiaku nei; e tei kite i taau au tuatua-akakite. 80Kia apa kore toku ngakau i taau ra au akonoanga, kia kore rava au e akama.

כ KAPHA.

81 # Sala 73:26; 84:2 Kua ngaeva ua toku vaerua i te ora naau; #Sala 119:74,114te irinaki nei ra au i taau tuatua. 82Te #Sala 119:123; Sala 69:3poepoe nei toku mata i taau tuatua; i te na ko anga e, Aea koe e akamaru mai ei iaku? 83#Iobu 30:30Mei te ue kiri i roto i te auai ra au; kare rai i ngaropoina taau ra au akonoanga iaku. 84#Sala 39:4Takiia o to tavini nei au rā? #Apo 6:10aea ra koe e akautunga mai ei i tei takinga kino mai iaku? 85#Sala 35:7; Mase 16:27Kua ko te aronga nengonengo i te vaarua iaku: ko tei kore e akono i taau ra ture. 86E tuatua-mou anake taau ra au akauenga; kua #Sala 119:78takinga-kino #Sala 35:19; 38:19tumu kore ua mai ratou iaku; turu mai koe iaku. 87Me pou takiriia au e ratou i te ao nei, kare ra au i akaruke i taau ra au ikuiku anga. 88#Sala 119:40E akamaroiroi mai koe iaku i te aroa noou ra: kia akono au i te tuatua-akakite a to vaa na.

ל LAMEDA.

89Te #Sala 89:2; Mata 24:34,35; 1 Pete 1:25akatinamouia ra e Iehova taau tuatua e rimua i te au rangi ra. 90E vai rai te tuatua-mou naau i tera uki i tera uki: kua akatinamou koe i te enua, e te vai marie nei. 91#Iere 33:25Taau i akono ra, te vai ua nei ra ïa e tae rava akenei ki teianei rā; e tavini anake te au mea i angaia ra noou. 92#Sala 119:24Auraka au i pingapingareka i taau ra ture, kua mate ïa au i toku tumatetenga anga ra. 93Kare takiri e ngaropoina iaku taau au ikuiku anga; kua akamaroiroiia au e koe i te reira. 94Noou au nei; akaora iaku, te kimi nei oki au i taau ra au ikuiku anga. 95Te tapapa maira te aronga kino kia mate au ia ratou: te akamaara nei ra au i taau au tuatua-akakite. 96#Mata 5:18; 24:35Kua kitea e au te openga o te au mea memeitaki katoa nei; ko taau ra akauenga, te pararauare maata roa ra ïa.

מ MEMA.

97Te maata rava nei toku inangaro i taau ra ture! #Sala 1:2ko toku ïa maaraara anga i te au rā katoa nei. 98#Deu 4:6,8E kite maata toku ia koe i te au akauenga naau ra, i to toku au enemi ra; e tika oki i te vai marie anga i vaitata iaku. 99E kite maata toku i to taku au orometua katoa ra: #2 Timo 3:15no te mea te akaeatu nei au i taau au tuatua-akakite. 100#Iobu 32:7,8,9E kite maata toku i to te aronga taito ra; no te mea te akono nei au i taau ra au ikuiku anga. 101#Mase 1:15Ta tāpu nei au i oku puke vaevae i te au arataa kikino ravarai, kia akono au i taau tuatua. 102Kare au i akaruke i taau ra au tuatua-tau: no te mea kua apii mai koe iaku. 103#Sala 19:10; Mase 8:11Ko te vene o taau nei tuatua i toku nei tongi anga e! e venereka ïa to te reira i to te meli i toku nei vaa. 104No taau ra au ikuiku anga i raukaʼi iaku te kite; #Sala 119:128i rikarikaʼi au i te au arataa pikikaa ravarai.

נ NUNA.

105 # Mase 6:23 E lamepa taau tuatua i toku nei vaevae, e turama no toku nei arataa. 106#Nehe 10:29Kua taputou au, e e akono au i te reira ra, e akono rai au i te au akatauanga tuatua-tika naau ra. 107E tumatetenga maata toku: #Sala 119:88e akamaroiroi mai koe iaku, e Iehova, i taau i tuatua maira. 108Te pure atu nei au ia koe, e Iehova, #Hose 14:2; Ebe 13:15e āriki mai koe i ta toku vaa e oronga ua atu nei, #Sala 119:12,26e apii mai koe iaku i taau ra au tuatua-tau. 109#Iobu 13:14Tei toku rima nei toku vaerua, kare i tukumoe: kare rai i ngaropoina iaku taau ture. 110#Sala 140:5; 141:9Kua tuku te aronga kino i te ereere iaku; #Sala 119:10,21kare rai au i tatipake i taau ra au ikuiku anga. 111#Deu 33:4Te inangaro nei au i taau au tuatua-akakite ei tuanga naku e tuatau ua atu; #Sala 119:77,92,174ko ta toku ngakau oki ïa rekareka anga. 112Te akaariu nei au i toku ngakau kia rave tamou i taau ra au akonoanga, #Sala 119:33e tae ua atu ki te openga.

ס SAMEKA.

113Te rikarika nei au i te au manako puapinga kore ra, te inangaro nei ra au i taau ture. 114#Sala 32:7; 91:1Ko toku akapuanga koe e toku paruru; #Sala 119:81te irinaki nei au i taau tuatua. 115#Sala 6:8; 139:19; Mata 7:23Kia atea ke atu kotou iaku nei, e te aronga ravenga kino ra, ka akono rai au i te au akauenga a taku Atua. 116E mou mai koe iaku i taau i tuatua maira, kia ora au; #Sala 25:2; Roma 5:5; 9:33; 10:11e auraka au kia akama i taku e irinaki nei. 117E tāpu mai koe iaku, ka ora ïa au i reira; ei reira au e akono tamou ei i taau au akonoanga. 118Te aronga ravarai #Sala 119:21i akaruke i taau ra au akonoanga, kua takatakaiia e koe ki raro: e mea pikikaa oki to ratou pakari. 119Kua akakoreia e koe te aronga kino katoa o te enua nei #Eze 22:18mei te ota: i inangaro atu ei au i taau ra au tuatua-akakite. 120Te #Haba 3:16rutetetete nei toku kopapa i te mataku ia koe, e te mataku nei au i taau ra au tuatua-tau.

ע AINA.

121Kua akatupu au i te tuatua-tau e te tika; auraka e akaruke ua iaku ki te aronga takinga-kino mai. 122#Ebe 7:22Ei tupae koe no to tavini kia meitaki aia; auraka te nengonengo e takinga-kino mai iaku. 123#Sala 119:81,82Kua poepoe toku mata i te ora naau e i te tuatua o taau ra tuatua-tika. 124Ko taau e rave i to tavini nei, kia tau ïa ki toou ra aroa; #Sala 119:12e apii mai oki iaku i taau ra au akonoanga. 125Ko #Sala 116:16to tavini oki au; e apii mai iaku, kia kite au i taau e apii mai iaku, kia kite au i taau ra au tuatua-akakite. 126Ko te tuatau tika teia, e Iehova, kia angaanga koe: kua akakore oki ratou i taau ture. 127#Sala 119:72; Sala 19:10; Mase 8:11I maataʼi toku inangaro i taau au akauenga, i to te auro, i te auro i mā meitaki ra. 128I manako ei au i taau ra au ikuiku anga katoa, e mea tika anake; #Sala 119:104te rikarika nei ra au i te au arataa pikikaa ravarai.

פ PE.

129E mea vavaria taau ra au tuatua-akakite; i akono ei oki toku vaerua i te reira. 130Tei te eeu anga o taau ra tuatua e māramaʼi, #Sala 19:7; Mase 1:4e kite ei te tangata kamakura ra. 131Kua amama au i toku vaa e nga akera; #Sala 119:20kua anoano oki au i taau au akauenga. 132#Sala 106:4E akara mai koe iaku, e aroa mai oki iaku #2 Tesa 1:6,7mei taau ra oki i mātau i te aronga i inangaro mai i toou ra ingoa. 133#Sala 17:5E akaaiteite ana koe i toku aerenga ki taau ra tuatua; #Sala 19:13; Roma 6:12e auraka rava e kino kia akaapo mai ki runga iaku. 134#Luka 1:74E akaora koe iaku i te takinga-kino o te tangata nei; ei reira au e akono ei i taau ra au ikuiku anga. 135#Sala 4:6E akakakā mai i to mata ki runga i to tavini nei; #Sala 119:12,26e apii mai oki i taau ra au akonoanga. 136#Iere 9:1; 14:17; Eze 9:4Te maringi a vai ua nei toku roimata, no te mea kare ratou i akono i taau ra ture.

צ SADE.

137 # Ezera 9:15; Nehe 9:33; Iere 12:1; Dani 9:7 E tuatua tika taau, e Iehova, e te tiratiratu oki taau ra au tuatua-tau. 138E tuatua-tika taau au #Sala 19:7,8,9tuatua-akakite taau i akaue maira, e e tuatua-mou anake ïa. 139#Sala 6:9; Ioa 2:17Kua pou roa au i toku nei maroiroi, no te mea kua akapoina toku au enemi i taau tuatua. 140#Sala 12:6; 18:30; 19:8; Mase 30:5E tuatua mā meitaki roa taau tuatua; i inangaro ei oki to tavini i te reira. 141Iti ua rai au, e te akavaavaaia, kare rai i ngaropoina iaku taau au ikuiku anga. 142Ko taau ra tuatua-tika, e tuatua-tika mutu kore ïa; e taau ra ture, ko #Sala 119:151; Sala 19:9; Ioa 17:17te tuatua-mou ïa. 143Kua rokoia au e te tumatetenga e te mamae: #Sala 119:77te mataora nei ra au i taau ra au akauenga. 144Te tikaanga o taau ra au tuatua-akakite, e mea mutu kore ïa; #Sala 119:34,73,169e apii mai iaku i te reira kia ora au.

ק KOPHA.

145Te kapiki nei au ma te ngakau katoa ra; e akarongo mai, e Iehova: e akono au i taau ra au akonoanga. 146Te kapiki nei au ia koe: e akaora koe iaku, e e akono ïa au i taau ra au tuatua-akakite. 147#Sala 5:3; 88:13; 130:6Kua tu au ki runga kare rai i ao, e kua kapiki atu: #Sala 119:74te irinaki nei au i taau tuatua. 148#Sala 63:1,6Kua ara ana toku mata i te au araanga po ra, kia akamaara au i taau ra tuatua. 149E akarongo mai i toku reo, i toou ra oki aroa; e Iehova, #Sala 119:40,154e akamaroiroi mai koe iaku i taau ra au tuatua-tau. 150Te vaitata mai nei te aronga e aru i te kino ra; te aronga i mamao ke i taau ra ture. 151#Sala 145:18Te vaitata maira oki koe, e Iehova, #Sala 119:142e te au akauenga katoa naau ra, e tuatua-mou ïa. 152Kua kite takere ana au i taau ra au tuatua-akakite, e kua akatinamouia e koe #Luka 21:33e tuatau ua atu.

ר RESA.

153 # Aue 5:1 E akara #119:153 Tikaanga - mai.ma koe i toku nei tumatetenga e e akaora iaku; kare oki taau ture i ngaropoina iaku. 154#1 Samu 24:15; Sala 35:1; Mika 7:9E akatika mai koe i taku nei tuatua, e e akaora iaku; #Sala 119:40e akamaroiroi mai koe iaku i taau tuatua. 155#Iobu 5:4E mea mamao te ora i te aronga kino ra; kare oki ratou e kimi i taau ra au akonoanga. 156Te maata nei toou aroa, e Iehova: #Sala 119:149e akamaroiroi mai koe iaku i taau ra au tuatua-tau. 157E manganui te takinga kino iaku, e e akaenemi mai; #Sala 44:18; 119:51kare ra au i akaruke i taau au tuatua-akakite. 158Kua akara au i te aronga taitoito, #Sala 119:136; Eze 9:4e kua ongoongo oki au; no te mea kare ratou i akono i taau tuatua. 159E akamaara mai i toku nei anoano i taau ra au ikuiku anga: #Sala 119:88e akamaroiroi mai koe iaku i toou ra aroa, e Iehova. 160E tuatua-mou taau mei muatangana mai, e taau ra au akatauanga tuatua-tika katoa, e vai rai ïa e tuatau ua atu.

ש SINA.

161Kua #1 Samu 24:11,14; 26:18; Sala 119:23takinga-kino tumu kore ua mai te ui ariki iaku; te mataku nei ra toku ngakau i taau tuatua. 162Te rekareka nei au i taau tuatua, mei te tangata i kitea e ia te apinga maata. 163E rikarika toku e te makitakita i te tuatua pikikaa; kareka taau ture, ko taku ïa i inangaro. 164Taki itu aku akameitaki anga ia koe i te rā okotai, i taau ra tuatua-tika i akatauia ra. 165E #Mase 3:2; Isa 32:17au maata to te aronga i inangaro i taau ture; kare o ratou e turorianga. 166I #Gene 49:18; Sala 119:174tiaki ua ana au i te ora naau, e Iehova; e kua akono au i taau ra au akauenga. 167Te akono nei toku vaerua i taau au tuatua-akakite: inangaro maata toku i te reira. 168Ko taau ra au ikuiku anga, e taau ra au tuatua-akakite, kua akonoia e au; #Mase 5:21ko toku nei au aerenga katoa oki, tei mua ïa ia koe ra.

ת TAU.

169Kia tae atu toku reo kia koe, e Iehova, #Sala 119:144e apii mai koe iaku i taau ra tuatua. 170Kia tae oki taku pati anga i mua ia koe; kia ora oki au i taau i tuatua maira. 171#Sala 119:7E akameitaki ua atu toku vaa, kia apiiia au e koe i taau ra au akonoanga. 172Ka tuatua nui toku arero i taau ra tuatua; e mea tika oki te au akauenga katoa naau ra. 173E tauturu to rima iaku; #Iosu 24:22; Mase 1:29; Luka 10:42e mea ikiia e au taau ra au ikuiku anga. 174#Sala 119:166Te anoano nei au i te ora naau, e Iehova; #Sala 119:16,24,47,77,111e taau ra ture, e mea mataora ïa naku. 175Kia ora taku vaerua, kia akameitaki ia koe ra; e na taau ra au tuatua-tau e tauturu mai iaku. 176#Isa 53:6; Luka 15:4&c; 1 Pete 2:25Kua aere ke au mei te mamoe i ngaro ra; e kimi koe i to tavini; kare oki i ngaropoina iaku taau ra au akauenga.

Currently Selected:

Salamo 119: CIMB

Highlight

Copy