Salamo 118
118
SALAMO CXVIII - 118
1E #1 Para 16:8,34; Sala 106:1; 107:1; 136:1AKAMEITAKI ia Iehova, e meitaki oki tona: ka tu oki tona aroa e rimua. 2#Sala 115:9&cKia pera Iseraela i teianei, ka tu oki tona aroa e rimua. 3Kia pera te ngutuare o Aarona i teianei, ka tu oki tona aroa e rimua. 4Kia pera te aronga i mataku ia Iehova i teianei, ka tu oki tona aroa e rimua.
5Iaku i rokoia e te tumatetenga ra, #Sala 120:1kua kapiki au ia Iehova; kua akarongo mairā Iehova iaku, #Sala 18:19e kua tuku iaku i te ngai atea. 6#Sala 27:1; 56:4,11; 146:5; Isa 51:12; Ebe 13:6Tei iaku a Iehova, kare au e mataku; eaa ta te tangata kia rave mai iaku? 7#Sala 54:4Tei iaku a Iehova ei tauturu iaku ra, #Sala 59:10ka kite au i te inga anga o te aronga i makitakita mai iaku ra. 8#Sala 40:4; 62:8,9; Iere 17:5,7E mea meitaki te irinaki ia Iehova, i te irinaki i te tangata nei. 9#Sala 146:3E mea meitaki te irinaki i Iehova, i te irinaki i te ui ariki ra.
10Kua akapini mai te au etene katoa iaku; no te ingoa ra o Iehova, pou iora ïa iaku. 11#Sala 88:17Kua na rungao oki, e kua na rungao i te akapini iaku; no te ingoa ra o Iehova, pou iora ïa iaku. 12Kua #Deu 1:44akapini mai ratou iaku mei te rango meli ra: mei te #Kohe 7:6; Nahu 1:10ai ngangaere ra, kare akera e mamia, mate iora: no te ingoa oki o Iehova, pou iora ïa iaku. 13Kua turaki nui mai koe iaku kia inga au; na Iehova ra au i tupae mai. 14#Exo 15:2; Isa 12:2Ko toku ïa maroiroi, e ko taku ïa imene, ko Iehova; kua riro mai oki aia ei ora noku.
15Te reo rekareka e te ora tei te au puakapa o te aronga tuatua-tika ra: e ravenga maroiroi tei te rima katau o Iehova. 16#Exo 15:6E teitei to te rima katau o Iehova: e ravenga maroiroi tei te rima katau o Iehova. 17#Sala 6:5; Haba 1:12Kare au e mate; ka ora ra au, #Sala 78:28ka tuatua akaou rai au i te angaanga a Iehova. 18#2 Kori 6:9Kua pāpā nui mairai a Iehova iaku nei, kare ra aia i tuku ua iaku no te mate.
19 #
Isa 26:2
Ka kiriti ana iaku i te au ngutupa tuatua-tika; ka tomo au na reira, e akameitaki au ia Iehova. 20#Sala 24:7Ko te ngutupa teia no Iehova; #Isa 35:8; Apo 21:27; 22:14,15e na reira te aronga tuatua-tika i te tomo. 21E akameitaki au ia koe; #Sala 116:1kua akarongo mai oki koe iaku, #Sala 118:14e kua riro koe ei ora noku.
22 #
Mata 21:42; Mare 12:10; Luka 20:17; Anga 4:11; Ephe 2:20; 1 Pete 2:4,7 Ko te toka i akarukeia e te aronga patu are ra, ko tei akariroia ei toka tiavā. 23Ko ta Iehova teia i rave; e mea vavaria oki i mua i to tatou nei mata. 24Ko te rā teia i akonoia e Iehova; ka rekareka tatou e ka pereperekavana i te reira ra. 25Kia ora i teianei, e Iehova, te pati atu nei au; te pati nei au, e akamanuia mai i teianei, e Iehova e. 26#Mata 21:9; 23:39; Mare 11:9; Luka 19:38; Zeka 4:7Kia ora aia ko tei aere mai ma te ingoa o Iehova: te akaora atu nei matou ia kotou mei roto atu i te are o Iehova. 27Ko te Atua ra, ko Iehova ïa, #Esete 8:16; 1 Pete 2:9ko tei akamārama mai ia tatou nei: ka tākai ana i te atinga ki te taura ki runga i te au tara o te atarau nei.
28Ko taku Atua koe, ka akameitaki rai au ia koe; #Exo 15:2; Isa 25:1ko taku Atu, ka akateitei rai au ia koe. 29#Sala 118:1E akameitaki ia Iehova; e meitaki oki tona; ka tu oki tona aroa e rimua.
Currently Selected:
Salamo 118: CIMB
Highlight
Share
Copy
Want to have your highlights saved across all your devices? Sign up or sign in
The Holy Bible in Cook Islands Maori, Reprinted from the edition of 1888 © United Bible Societies, 1972.
