Mareko 4

PENE IV - 4

Te parabole o te ua i ruruia ki te ngai tu ke ke: te lamepa, e te aite: te ruru anga i te ua, te tupu ngaro anga, e te kokoti anga: te ua sinapi: te uriia i te kauvae angaia e Iesu.

1E #Mata 13:1; Luka 8:4KUA apii akaou atura aia i te pae roto ra: e urupu tangata maata oki tei uipa mai kiaia ra, aere atura aia ki runga i tetai pai, noo iora i tai, te tu ua maira oki te tangata tini i uta i te pae roto ra. 2E tuatua maata tana i apii parabole mai kia ratou, #Mare 12:38i na ko maira i te apii anga mai, 3Ka akarongo mai ana; I na, aere atura te ruru ua e ruru i te ua. 4E tei te ruru anga ra, topa iora tetai pae i te pae arataa, e kua aere maira te manu o te reva, kua kai iora. 5Topa iora tetai pae i te ngai paikea, kare i rai te one i reira, tutupu vave ua atura, no te mea kua papaku ua te one: 6E rāia iora, vera atura; e no te kore e aka, mae rava atura ïa. 7Topa iora tetai pae ki roto i te ngangaere, tupu akera te ngangaere, e pokia iora, kare akera i ua mai. 8Topa iora tetai pae ki te ngai one meitaki, tupu akera, #Ioa 15:5; Kolo 1:6uua iora, taki toru ngauru, taki ono ngauru, taki tai anere, i te ua okotai. 9Kua na ko maira oki aia kia ratou, E taringa tona ei akarongo anga ra, e akarongo aia.

10E #Mata 13:10; Luka 8:9&ckia riro mai aia ra, kua ui maira te aronga i vaitatao ma te tino ngauru ma rua ra kiaia, i taua parabole ra. 11Kua karanga atura aia kia ratou, Kua orongaia mai te kite ia kotou i te tuatua ngaro o te basileia o te Atua ra, kareka #1 Kori 5:12; Kolo 4:5; 1 Tesa 4:12; 1 Timo 3:7to ratou i vao ra, i tuatua paraboleia mai taua au mea katoa nei kia ratou; 12#Isa 6:9; Mata 13:14; Luka 8:10; Ioa 12:40; Anga 28:26; Roma 11:8Kia kore ratou e utoa i ta ratou e akara ra, kia kore oki e kite i ta ratou e akarongo ra, ko te akaariuia mai aea ratou, e ko te akakoreia ta ratou ara. 13Kua na ko maira oki aia kia ratou, Kare rai kotou i kite i taua parabole nei? eaa kotou e kite ei i te au parabole katoa nei? 14Te #Mata 13:19ruru ua ra, koia te ruru i te tuatua. 15Te pae arataa ra i topaia e tetai pae ua ra; koia te aronga i te akarongo anga i te tuatua, kua aere mairā Satani, e kua rave atura i te tuatua i ruruia i roto i to ratou ngakau ra. 16Te ngai paikea ra i topa katoaia e tetai pae ua; koia te aronga i āriki i te tuatua ma te rekareka i te akarongo anga ra; 17Kare ra i akaia i roto ia ratou, tāpu anga poto ua ta ratou: kia rokoia e te tumatetenga, e kia takinga-kinoia, i taua tuatua ra, maitu atura ia ratou i reira. 18Te ngai ngangaere i topa katoaia e tetai pae ua; koia te aronga e akarongo i te tuatua; 19E ii atura i te akono anga i te peu o teia nei ao, #1 Timo 6:9,17i te pikikaa o te apinga, e te anoano maata i tetai au mea ke ra, pokia atura te tuatua, kare atura i ua mai. 20Te ngai one meitaki ra i topaia e tetai pae ua ra; koia te aronga i akarongo i te tuatua, tāpu piri iora, e ua akera, taki toru ngauru, taki ono ngauru, taki tai anere, i te ua okotai. 21#Mata 5:15; Luka 8:16; 11:33Kua na ko maira aia kia ratou, E apaiia mai aina te lamepa kia tapokiia ki raro ake i te aite ra, e ki raro oki i te roi ra? Auraka kia tukuia ki runga i te vairanga? 22#Mata 10:26; Luka 12:2Kare rava e mea ngaro, e kore e akakiteia, kare oki e mea uunaia, e kore e akakite katoatoaia. 23#Mata 11:15; Mare 4:9E taringa tona ei akarongo anga ra, e akarongo aia. 24E kua na ko maira aia, Kia matakite i ta kotou e akarongo nei: #Mata 7:2; Luka 6:38ko te aite ta kotou e aite atu, ko ta kotou rai ïa kia akaaiteia mai; e tamaataia mai ta kotou ta te aronga i akarongo. 25Ko #Mata 13:12; 25:29; Luka 8:18; 19:26tei puapingaia ra, ka orongaia mai tana; kare ana ra, e apai keia tana. 26Kua na ko maira oki aia, #Mata 13:24E tau te basileia o te Atua i te ua i ruruia e tetai tangata ki roto i te kainga; 27E te moe ua ra aia i te po, e te ara ua ra i te ao, te kao ra e te tupu ua ra taua ua ra, kare aia i kite i te tupu anga. 28Na te one uaorai oki i akatupu ake; ko te kao anga tei mua, ei reira te kaui anga, e muri ake ko te sitona pakari i roto i te kaui. 29E kia pakari te sitona ra, kua #Apo 14:15rave aia i te kokoti i reira ra, no te mea, kua tae ki te kokoti anga ra. 30Kua na ko maira oki aia, #Mata 13:31; Luka 13:18; Anga 2:41; 4:4; 5:14; 19:20Mei te aa nei ra te basileia o te Atua kia arite tatou? E eaa te akatau anga kia akatau tatou? 31E tau i tetai ua sinapi, kia tanumia oki ki raro i te one, e mea ngiti te reira i te ua tini ravarai i roto i te one ra. 32Kia tanumia ra, tupu akera, e maata atura ïa i te au rakau rikiriki ravarai, toro atura tona au mangamanga nunui, e to mai oki te manu o te reva ki reira ki roto i tona maru. 33#Mata 13:34; Ioa 16:12I pera oki aia i te apii anga mai ia ratou i te tuatua parabole e manganui, i tei tau ia ratou kia akarongo. 34Kare rava e tuatua parabole kore kia tuatua aia kia ratou: e kia riro ke ra, kua akakite aia ki tana au pipi i te akatauanga o taua au mea katoa ra.

35 # Mata 8:18,23; Luka 8:22 E aiai atura i taua rā ra, kua tuatua maira aia kia ratou, E ano tatou ki tera pae. 36E kia tuku atu ratou i taua aerenga tangata ra, tei runga oki aia i te pai, ano atura ratou, e tetai aronga pai rikiriki ra oki. 37E kua tupu maira tetai uriia maata, ki maira te pai i te kare. 38Te moe ra aia i te kotoe i muri ki runga i tetai urunga; kua akaara atura ratou iaia, na ko atura, E te Orometua! Kare aina koe e akono mai i to matou mate? 39Tu akera aia ki runga, kauvae atura i te matangi, e na ko atura ki te kare, Kua oti ana, kia aki. Torue atura te matangi marino rava atura. 40Kua tuatua maira aia kia ratou, Eaa kotou i mataku ei? eaa oki kotou i kore ei i akarongo? 41Mataku rava atura ratou, kua na ko akera ratou ratou uaorai, Eaa ua te tu o teianei tangata, i akarongo ei te matangi e te kare iaia!

Currently Selected:

Mareko 4: CIMB

Highlight

Copy