Luka 13

PENE XIII - 13

To Iesu ako anga kia tataraara: te suke akakapikapi enua ra: te vaine i akaoraia i te sabati: te ua sinapi, e te akaopue: te ngutupa o iti: te tuatua ia Heroda, e te aue anga o Iesu i Ierusalema.

1TEI reira tetai pae tangata i taua tuatau rai, i tuatua mai kiaia i te au tangata i Galilea, tei irokia e Pilato to ratou toto, e te toto o ta ratou au atinga ra. 2Kua karanga aturā Iesu kia ratou, na ko atura, Te manako na kotou e, e aronga ara maata taua au tangata Galilea ra i te au tangata katoatoa no Galilea, ko ratou i akaperaia? 3E akakite atu au kia kotou, Kare; kia kore ra kotou e tataraara, mei te reira katoa ïa to kotou mate. 4E nga tangata tino ngauru ma varu, i topaia i te are maata i Siloama ra, e mate iora, e te manako na kotou e, e aronga ara maata ratou i to Ierusalema katoatoa ra? 5E akakite atu au kia kotou, Kare; kia kore ra kotou e tataraara, mei te reira katoa ïa to kotou mate.

6Kua karanga katoa atura aia i teianei parabole: #Isa 5:2; Mata 21:19E suke ta tetai tangata i tanumia i roto i tona kainga vine; e aere atura aia e akara i te kai i rungao ra, e kare ua. 7Kua karanga atura aia ki te unga i taua kainga vine ra, I na, ko te toru teia o toku mataiti i te aere anga mai e akara i te kai i rungao i teianei suke, e kare rava akenei; e kokoti atu; eaa aia e akakapikapi ei i te kainga? 8Kua tuatua maira aia, na ko maira kiaia, E taku pu, e vaio ua ake na paa, kia okotai ake mataiti toe, e kenu ua atu rai au, e e tuku atu oki i te teita. 9Peneiake ko te ua ua ake, e kare ra, naau rai e tipu atu a muri ake.

10Te apii ra aia i roto i tetai sunago i te sabati: 11E i na, tei reira tetai vaine i mate i tetai vaerua maki, e okotai ngauru ma varu akera mataiti, kua mingi rava ki raro, kare rava e tika iaia uaorai kia tu ki runga. 12E kite aturā Iesu iaia, kua kapiki atura aia kiaia, e kua na ko atura, E maine, kua ora koe i toou maki. 13#Mare 16:18; Anga 9:17E kua tuku atura aia i tona rima ki rungao iaia: tika ua atura aia i reira, e akakakā atura i te Atua 14Kareka te tutara o te sunago ra, riri akera ïa i te mea i akaorā Iesu i te tangata i te rā sabati, e kua na ko maira ki te tangata, #Exo 20:9E ono rā e tau ei no te angaanga; ei reira kotou ka aere mai ei kia akaoraia, #Mata 12:10; Mare 3:2; Luka 6:7; 14:3auraka i te rā sabati. 15Kua karanga atura te Atu kiaia, na ko atura, E tera ra pikikaa e! #Luka 14:5koai to kotou nei e kore e tatara i tana puakatoro e tana asini i te are puakatoro ra, ka taki ei ki te vai, i te sabati? 16E auraka teianei vaine, #Luka 19:9te uanga no Aberahama, i tapekaia e Satani nei, i na, raungauru ma varu akenei te mataiti, auraka e tataraia i teianei tapeka i te rā sabati? 17Tei te tuatua anga aia i taua au tuatua nei, akama anake iora te aronga i māro mai iaia ra; mareka rava atura te tangata tini ravarai, i te au mea meitaki katoa raveia e ia ra.

18 # Mata 13:31; Mare 4:30 Kua karanga atura aia, Mei te aa tikai te tu o te basileia o te Atua? e akatau ra au i te reira ki te aa? 19E tau ki tetai ua sinapi, i apaiia e tetai tangata, e tanumia atura ki roto i tona kainga; tupu atura, e riro atura ei rakau maata; e to maira oki te manu o te reva i rungao i tona rara. 20Kua karanga akaou atura aia, E akatau ra au i te basileia o te Atua ki te aa? 21E tau ki te akaopue ra ta tetai vaine i rave e iro atura ki roto i te faraoa, e toru katoa arite, e opue katoa atura. 22#Mata 9:25; Mare 6:6E aere atura aia ki Ierusalema, na roto i te au oire e te au vila, i te apii aere anga ra. 23Kua ui maira tetai kiaia, E te Atu, e toko iti aina te ka ora? Kua karanga atura aia kia ratou, 24#Mata 7:13E uapou ua atu na i te tomo na te ngutupa o iti: e karanga atu oki au kia kotou, #Ioa 7:34; 8:21; 13:33; Roma 9:31e manganui te ka timata i te tomo ki roto, e kare rava e tika. 25#Sala 32:6; Isa 55:6Kia tu anake te tangata ngutuare ki runga #Mata 25:10e kua topiri aia i te pa, e te tu ua ra kotou ki vao, e te topāpā anga i te pa, i te na ko anga mai, #Luka 6:46E te Atu, e te Atu, ka eeu ake ana kia matou; e karanga atu aia kia kotou, na ko atu e, #Mata 7:23; 25:12Kare au i kite ia kotou, e noea kotou: 26Ei reira kotou e tuatua mai ei, i kaikai ana matou, e inu ana oki matou, i mua i to aroaro, e ko koe oki tei apii i te au arataa ki o matou ra. 27#Mata 7:23; 25:41; Luka 13:25 Ka karanga atu rai aia e, Te karanga atu nei au kia kotou, kare au i kite ia kotou, e noea kotou: #Sala 6:8; Mata 25:41kia atea ke atu kotou iaku nei, e te aronga rave tuatua kikino katoa. 28#Mata 8:12; 13:42; 24:51Tei reira te aue e te pakati anga nio, #Mata 8:11kia kite kotou ia Aberahama, e ia Isaaka, e ia Iakoba, e te au peroveta katoatoa, tei roto i te basileia o te Atua, e oparaia kotou uaorai ki vao. 29Ka tae mai ratou mei te itinga o te rā, e te opunga o te rā, mei apatonga, e apatokerau, ka noo ei i te basileia o te Atua. 30#Mata 19:30; 20:16; Mare 10:31E i na, ka riro to muri ra no mua, e riro to mua ra no muri.

31Kua aere maira e tokotai puke Pharisea i taua rā ra, kua tuatua maira kiaia, E aere ke atu na koe, e akaruke mai na i teianei ngai, te akakoro ra oki a Heroda e ta ia koe. 32Kua karanga atura aia kia ratou, E aere kotou e karanga atu ki taua suoli ra e, I na, e tuaru au i te demoni, e akaora au i te maki, akonei, e apopo, kia tae ki te po toru, #Ebe 2:10kua oti rava au. 33Aere ua ra au akonei, e apopo, e apopo atura; kare e mate ke atu te peroveta, mari ra ei Ierusalema. 34#Mata 23:37Aue koe, e Ierusalema, e Ierusalema, i ta i te au peroveta e, e peî oki i te toka i te aronga i tonokia atu kia koe na! e manganui toku anoano i te akaputu mai i to au tamariki, mei te moa e akakoukou i tana anau ki raro ake i tona peau, e kare i tika ia kotou. 35#Levi 26:31,32; Sala 69:25; Isa 1:7; Dani 9:27; Mika 3:12I na, kua vaio taneaia to kotou are: koia mou taku e karanga atu kia kotou nei, Kare kotou e kite mai iaku, e tae ua atu ki te rā e tuatuaʼi kotou, #Sala 118:26; Mata 21:9; Mare 11:10; Luka 19:38; Ioa 12:13Kia ora aia ko te aere mai ma te ingoa o te Atu ra.

Currently Selected:

Luka 13: CIMB

Highlight

Copy