Yohana Mǝncau
Mǝncau
Mwashat ata alaggana mala Yesu, yì Yohana ka, nda gilǝ mǝnia yì malǝmce ka. À kǝ sǝni kǝla à gilǝ mǝnia yì Cau Amsǝban ngga a pǝlǝa 85 anzǝm ɓǝlban mala Yesu.
Yì Cau Amsǝban a ne mala Yohana ka lǝmndǝa sǝm ama Yesu nda Cau mala Ɓakuli, yì Cau mǝnana te pà nǝ̀ mal raka, mǝnana “yi duk ɓwamǝpǝnde sǝ do aɓalǝ sǝm ngga.” (1:14) À gilǝì ace mǝnana amǝ ɓallè ka ɓǝa earnǝi ama Yesu nda Mǝ'amsǝban mǝnana à pacau ace ka, yì Muna mala Ɓakuli, sǝ ɗǝm ngga nǝ́ paɓamuru malea abani ka ɓǝa kum yilǝmu (2:31).
Yohana kǝ bangŋi nǝ rǝcandǝa ama ɓoro mala yilǝmu mǝnana málá male pà kàm raka à kǝ kumi nǝban Kǝrǝsti, yì ɓoro mǝnana kǝ tite ado sǝ nǝ̀ ngga yiu aban aɓwana mǝnana à earnǝ Yesu ama nda njargula, andǝ mǝsǝcau, andǝ yilǝmu ka. Yohana pakturo nǝ agir mala koya pwari mǝnana aɓwana surǝia pepe ka ace lǝmndǝ mǝsǝcau mala agir ɓa bangŋo, agir kǝla “mur”, “bǝredi ko girlina”, “tǎlaban”, “yalgir andǝ anzur male”, “kun-nda”, “njargula”, “nggun anap andǝ aɓǝle”, sǝ “yilǝmu.”
Agir mǝnana a ɓalǝi ka
Tita cau1:1-18
Yohana Mǝbatisǝma andǝ alaggana mǝdǝmbe mala Yesu1:19-51
Turo mala Yesu aban aɓwana2:1–12:50
Masǝlǝata anonggeo mala Yesu arǝ ban mala Urǝshalima sǝ a ɓalǝi13:1–19:42
Lo ɓembe mala Mǝtalabangŋo andǝ lǝmndǝrǝu male arǝ anjari ɗàngɗáng20:1-31
Masǝlǝata cau: Yesu lǝmndǝ rǝì ɗǝm a Galili21:1-25
Currently Selected:
Yohana Mǝncau: mbu
Highlight
Share
Copy
Want to have your highlights saved across all your devices? Sign up or sign in
© Wycliffe Bible Translators, Inc. and © The Nigeria Bible Translation Trust 2016