2 Abanya Korĩnto 6
6
1Omo mũbĩrĩ ogo tukakola haguma na Nyamuhanga, tukabalemba-lemba tuti mwabiriangirira olukogo lwa Nyamuhanga, neryo simuleke lukabya busa. 2Kusangwa Nyamuhanga ati,
Monakowa oko mugulu wʼerĩsĩmwa,
Kandi monakũwatĩkya omo kiro kyʼomulamo.
Ũlebaye, lino ni saa itolere, Ũlebaye, lino ni kiro kyʼerĩlamĩbwa.
3Sitwekola omwatsi owangagalya mundu, neryo omũbĩrĩ wetu siaponawe. 4Nĩkwa omo myatsi yosĩ tũkayĩkanganaya ngʼabagombe ba Nyamuhanga, ĩtũkayĩyĩnaya kutsibu, itukalola oko malĩge, nʼeribula ebitolere, itukagalawa. 5Tũkahũnzawa, tũkahĩrawa omo mũlĩkĩ, tukasangirirawa, tukanuba omo mũbĩrĩ, nʼerĩteya nʼeritindayato, nʼeribula akalyo. 6Tukayisolola oko bĩtĩsĩrĩre, tukabya nʼeriminya, tukayibombeka, tũkakangaya obwenge, tukamatikana nʼOmũlĩmũ Abũyĩrĩre, tukanza ekwenene. 7Tuwite ekĩnywa kyʼekwenene, nʼobũtokĩ bwa Nyamuhanga, kandi tuwite ekitunganene ngʼebindu byʼamalwa omo byala byʼamali nʼebyʼamalembe. 8Tũkasĩkĩbawa, kandi tukahemulawa; tukatsumulawa, nʼerĩsĩmwa, bakatuganza ngʼababehĩ, nĩkwa tũkabũga ebyʼekwenene. 9Tuli ngʼabandu abatasĩbwe, nĩkwa tũkũmayĩre; tuli ngʼabandu abakahola, nĩkwa lebaya, tuneho ndeke. Tukasuyirawa, nĩkwa sĩbetwĩta. 10Tuli ngʼabandu bʼobũlĩge, nĩkwa tukatsema ebiro byosĩ; tuli ngʼabera, nĩkwa tukayira abandi mo bateke; isituwite kindu, nĩkwa tuwite ebindu byosĩ.
11Abalĩkyetu bʼeKorĩnto, twabiribabwiririra, twabiribabwira ebyosĩ ebiri omo mitima yetu. 12Sĩtũbahatatenĩe, nĩkwa muhatatene omo mitima yenyũ. 13Ngabũga nenyũ ngʼabana bage, nyiti mutukole ngoko twabiribakola, mũtũkangaye ebiri omo mitima yenyũ.
Erihana busana nʼabatĩkĩrĩrye
14Simumatikane nʼabatĩkĩrĩrye; kusangwa ekitunganene kyangasangira kiti nʼekibi kwehĩ? Kutse ekyakakala kyanganasakana nʼomwĩrĩmya kwehĩ? 15Kandi Kristo anganasangana nʼeSatanĩ kwehĩ? Kutse oyo Wĩkĩrĩrye anganasangira haguma nʼoyũtĩkĩrĩrye kwehĩ? 16Ehekalũ ya Nyamuhanga yanganasakana nʼesyosanamu kwehĩ? Kusangwa ĩtwe tuli ehekalũ ya Nyamuhanga oyuliho. Ngoko Nyamuhanga abĩrĩbũga ati,
Nasyĩkala omwisi wabo, nasyalendera omo katĩkatĩ kabo;
Nasyabya Nyamuhanga wabo, nabo basyabya bandu bage.
17Kusangwa Omukama akabũga ati,
Neryo mũlũe omo katĩkatĩ kabo, muyisolole.
Kandi sĩmũtũle oko kindu ekĩtĩsĩrĩre.
Nage nasyabakokya,
18Nasyabya Tata wenyũ,
Nenyũ mwasyabya bagala bage nʼabali bage,
Omukama wʼobũtokĩ Bosĩ akabũga atya.
Currently Selected:
2 Abanya Korĩnto 6: KB80
Highlight
Share
Copy
Want to have your highlights saved across all your devices? Sign up or sign in
Bible in Kinandi © Bible Society of the Democratic Republic of Congo, and Bible Society of Uganda, 1980.
