Zabbuli 149
149
1 #
Zab 33:3; 89:5 Mumutendereze Mukama. Mumuyimbire Mukama oluyimba oluggya,
N'ettendo lye mu kkuŋŋaaniro ery'abatukuvu.
2 #
Zab 103:20,21, Dan 7:10 Isiraeri asanyukire oyo eyamukola:
Abaana ba Sayuuni bajagulize kabaka waabwe.
3 #
Kuv 15:20, 2 Sam 6:14 Batendereze erinnya lye nga bazina:
Bayimbe okumutendereza n'ekitaasa n'ennanga.
4 #
Zab 35:27; 147:11 Kubanga Mukama asanyukira abantu be:
Aliwonya abawombeefu n'obulokozi.
5 #
Yob 35:10, Zab 63:6 Abatukuvu bajagulize ekitiibwa:
Bayimbirenga olw'essanyu ku bitanda byabwe.
6 #
Zab 66:17, Beb 4:12, Kub 1:16 Ettendo eggulumivu lya Katonda libenga mu bulago bwabwe,
N'ekitala eky'obwogi obubiri mu ngalo zaabwe;
7Okuwalana eggwanga ku mawanga,
N'okubonyaabonya abantu;
8Okusiba bakabaka baabwe n'enjegere,
N'abakungu baabwe n'ebisiba eby'ebyuma;
9Okubatuukirizaako omusango ogwawandiikibwa:
Abatukuvu be bonna balina ekitiibwa ekyo.
Mumutendereze Mukama.
Currently Selected:
Zabbuli 149: LUG68
Highlight
Share
Copy
Want to have your highlights saved across all your devices? Sign up or sign in
Luganda Bible 1968 Edition © United Bible Societies 1968, and British and Foreign Bible Society, London, England, 1954, 1967, 1972, 1994 and The Bible Society of Uganda, 2013.
