Kaabakuuku 3
3
1Okusaba kwa Kaabakuuku nnabbi, okw'Ekisigiyonosi.
2 #
Zab 44:1; 85:6 Ai Mukama, mpulidde ebigambo byo, n'entya:
Ai Mukama, zuukiza omulimu gwo wakati mu myaka,
Gumanyise wakati mu myaka;
Awali obusungu, jjukira okusaasira.
3Katonda yajja ng'ava ku Temani,
Era Omutukuvu yajja ng'ava ku lusozi Palani (Seera)
Ekitiibwa kye kyabikka ku ggulu,
Ensi n'ejjula ettendo lye.
4 #
Ez 1:27
N'okumasamasa kwe kwali ng'omusana;
Yalina amayembe nga gava mu mukono gwe:
Era omwo mwe mwali okukweka amaanyi ge.
5 #
1 Byom 21:11-15, Zab 18:8 Kawumpuli yatambula okumukulembera,
Obusaale obw'omuliro ne bufuluma awali ebigere bye.
6 #
Lub 49:26, Zab 60:6, Is 51:9, Mi 1:4 Yayimirira n'agera ensi;
Yatunula n'agoba amawanga n'agasalamu:
Ensozi ez'olubeerera ne zisaasaana,
Obusozi obutaggwaawo ne bukutama;
Okutambula kwe kwali nga bwe kwabanga obw'edda.
7 #
Balam 3:10; 8:12 Nalaba eweema za Kusani nga zirabye ennaku:
Amagigi ag'ensi ya Midiyaani ne gakankana.
8 #
Ma 33:26, Zab 18:10; 114:5, Is 66:15 Mukama yanyiigira emigga?
Obusungu bwo bwali ku migga,
Oba ekiruyi kyo ku nnyanja,
N'okwebagala ne weebagala embalaasi zo,
N'olinnya ku magaali go ag'obulokozi?
9 #
Zab 78:15,16 Omutego gwo gwasowolerwa ddala;
Ebirayiro bye walayirira ebika byali kigambo kya nkalakkalira. (Seera)
Ensi wagyasaamu n'emigga.
10 #
Kuv 14:22; 19:18, Zab 93:3 Ensozi zaakulaba ne zitya;
Amataba ag'amazzi ne gayitawo:
Ennyanja yaleeta eddoboozi lyayo,
N'eyimusa emikono gyayo waggulu.
11 #
Yos 10:12,13, 2 Sam 22:15 Enjuba n'omwezi ne biyimirira mu kifo kyabyo mwe bibeera;
Olw'okutangaala kw'obusaale bwo nga butambula,
Olw'okwakaayakana kw'effumu lyo erimasamasa.
12 #
Mi 4:12,13 Watambula okuyita mu nsi ng'oliko ekiruyi,
N'owuula amawanga ng'oliko obusungu.
13 #
Zab 105:15; 110:6 Wafuluma okuleetera abantu bo obulokozi,
Okuleetera obulokozi oyo gwe wafukako amafuta;
Wafumita omutwe ogw'omu nnyumba y'omubi,
Ng'oyerula omusingi okutuuka ne ku nsingo. (Seera)
14Wafumita n'emiguma gye ye omutwe gw'abalwanyi be:
Bajja ng'embuyaga ez'akazimu okunsaasaanya:
Okusanyuka kwabwe kulya mwavu kyama.
15 #
Zab 77:19
Walinnya ennyanja n'embalaasi zo,
Entuumu ey'amazzi ag'amaanyi.
16 #
Is 14:3,4, Yer 4:19 Nawulira, olubuto lwange ne lukankana,
Emimwa gyange ne gijugumirira eddoboozi eryo;
Okuvunda ne kuyingira mu magumba gange, ne nkankanira mu kifo kyange:
Mpummulire ku lunaku olw'okulabiramu ennaku,
Bwe zirisanga abantu abamutabaala ebibiina.
17Kubanga omutiini newakubadde nga tegwanya,
So n'emizabbibu nga tegiriiko bibala;
Ne bwe bateganira omuzeyituuni obwereere,
Ennimiro ne zitaleeta mmere yonna;
Embuzi nga zimaliddwawo ku kisibo,
So nga tewali nte mu biraalo:
18 #
Yob 13:15, Zab 9:14, Luk 1:47 Era naye ndisanyukira Mukama,
Ndijaguliza Katonda ow'obulokozi bwange.
19 #
Ma 32:13, 2 Sam 2:18, Is 38:20 Yakuwa, Mukama, ge maanyi gange,
Naye afuula ebigere byange okuba ng'eby'empeewo,
Era alintambuliza ku bifo byange ebigulumivu.
Ya Mukulu w'Abayimbi, ku bivuga byange ebirina enkoba.
Currently Selected:
Kaabakuuku 3: LUG68
Highlight
Share
Copy
Want to have your highlights saved across all your devices? Sign up or sign in
Luganda Bible 1968 Edition © United Bible Societies 1968, and British and Foreign Bible Society, London, England, 1954, 1967, 1972, 1994 and The Bible Society of Uganda, 2013.