Mateyo 27

Yesu alahiγwa kwa Pontio Pilato.

1-14.

1Kukicha wavikizi wakulu woshe haṅwe na watawa wa mbalingwa wazalonga njama kwa mbuli ya masa ya Yesu, wazaivana, wamkome. 2Wazamshunga, wazamwiγala, wazamwinkila kwa Pilato, yuja mtoza shi.

Yuda Isikaliyota afa.

3Yuda amwinkileye akiona, kuti azabinda kulahwa, azaγuwa moyo mtuhu, azauza ziya feza milongo mitatu kwa wavikizi wakulu na kwa waγolokezi, 4angwe: Nizabana nikiinkila muntu ashiyeagiziγwa ni masa ya kuitilwa mpome. Waja wazamuti: Inu mbuli tina mbwai nayo ishwi? Imanye ṅwenye! 5Azatambika ziya feza na muja mwe vikilongwa, vikibinda azahita, azakifuwa. 6Waja wavikizi wakulu wakiγuwa ziya feza, wazaγamba: Ni viwiwi, tikizigela mwe ntogolo, wantu wazomunka Mulungu, kwa kuti ni yombe ja mpome ya muntu. 7Wakifanyanya mbuli yawe wazaγula nayo lubuwa lwa mwufi, luγaluke zikilo ja waγeni. 8Kwa ivyoho luja lubuwa luzaitangwa lubuwa lwa mpome mpaka lelo. 9Haja hazabontoka iyo mbuli ilongiγweyo ni mteγanyi Yelemiya ya kuγamba: Wataγuwa feza milngoo mitatu, ni yombe ja yuja ataγiγweye, wamγuzileye kwa wana Isilayeli, 10wataγula nayo lubuwa lwa mwufi, sa viyaho Zumbe anilongilevyo.

Yesu afyulilwa, alumiziγwa ni washilikali.

11Yesu azaiγalwa kwa yuja mtoza shi; uyu mtoza shi azamwuza: Iwe u zumbe ywa Wayuda? Angwe ni Yesu: Uzalonga. 12Kangi akifyaliṅwa ni wavikizi wakulu na watawa nkalandule. 13Ne Pilato ahomuti: Nkuiva viya vyoshe, wavyokushinga? 14Miya nkamlandule hata mbuli ṅwenga du, ne yuja mtoza shi ahomakisha.

15Miya mviko mkulu uhokakinta, mtoza shi azazwela kukawashungwila muṅwe ashungiγweye, ndiye wantu wakunde. 16Mishi ija kuna muntu ashungiγweye mwena kilango kibada, aitangwa Balaba. 17Wantu wakiunganana, Pilato azawati: Mukunda, nimishungwile ndai? Balaba hambu Yesu mweitangwa Kilisito? 18Hambu aitaile, kuti wazamwinkila kwa wizu. 19Miya akiikala mwe kiti chakwe cha lahila masa, muke azamtumila angwe: Ushezakigela mwe mbuli ya yuja mtanda! Hambu kilo cha lelo nizapishiγwa vikulu mwe sozi kwa mbuli yakwe. 20Miya wavikizi wakulu na watawa wazawatunya waja wantu, wamkunde Balaba, wadahemkoma Yesu. 21Yuja mtoza shi azawauza vituhu angwe: Awa waili mumkunda ndai, nimumishungwile? Angwe ndiwo: Balaba. 22Angwe ni Pilato: Lushe Yesu mweitangwa Kilisito nimγoshwele mbwai? Woshe wazalandula: Akatakontelwa mwe muti! 23Pilato awati: Abanilei? Miya waja wazaisiiza kukema angwe: Akatakontelwa mwe muti! 24Pilato akiona, kuti nkawavota, kuti vuzo jitaisiiza du, azaγuwa mazi, azahaka mikono, wantu woshe waiolele, angwe: Mwe aya masa ya mpome ya uyu muntu simo, yamanyei inywi wenye! 25Bumba joshe jizaitikila angwe: Mpome yakwe itiizile ishwi na wana wetu! 26Ne ahowashungwila Balaba, miya azalaγiliza, Yesu atowiγwe vibonko, vikibinda azamwinkila, akontelwe mwe muti.

Yesu afyulilwa, akontelwa mwe mti.

27-56.

27Lushe washilikali wa mtoza shi wazamγuwa Yesu na kitala, wazaitanga weyae wawe woshe na haho. 28Wazamhoka shuke zakwe, wazamzwika guni ja kizumbe jelungulika, 29wazaluka bundu ja miwa, wazajibadika mwe mutwi wakwe, mwe mkono wakwe wa kulume wazamunka ngoda ya lasi; wakibinda wazamgintila mazwi, wazamfyulila angwe: Mpongezi zumbe ywa Wayuda! 30Wa zamshwela mate, wazaγuwa ija ngoda, wazamtowa mwe mutwi. 31Wakibinda kumfyulila wazamwusha jiya guni, wazamzwika shuke zakwe, wazamwiγala, wamkontele mwe muti. 32Wakilawa kaya wazaona muntu ywa Kilene mweitangwa Simoni, uyu wazamkundila, amwinulile muli wakwe. 33Wakibula haja hantu heitangwa Gologota, ni kuγamba: He mazutwi, 34wazamnywesha mvinyo uvanganyiγwewo na mazi ya nyongo; akidomela nkakundile kunywa. 35Wakibinda kumwamba mwe muti wazapangilana shuke zakwe na kuzitowela lusolo, kangwe ibontoke ija mbuli ilongiγweyo ni mteγanyingwa kuγamba: Wazapangilana shuke zangu, guni jangu wazajitowela lusolo. 36Ivyoho wazaikala haho wakimγoja. 37He mutwi wakwe ulanga wazaika kibala chigondiγwecho masa yakwe kuγamba: Uyu ni Yesu, zumbengwa vwa Wayuda. 38Haja hazaambiγwa wampoko waili mwe miti haṅwe naye, muṅwe kulume, muṅwe kumosho kwakwe. 39Miya waja wezinka haja wazamkanka na kumzunguziza mitwi angwe: 40Iwe wechakula vikilongwa na kujizenga mishi mitatu, kihonye ṅwenye! Ati u ṅwana Mulungu, sheela mwe muti! 41Vivyoho hata wavikizi wakulu haṅwe na watabaluwangwa na waγolokezi wazamvuluγila angwe: 42Watuhu azawahonya, ṅwenye nkadaha kukihonya. Ati ni zumbe ywa Isilayeli, neasheele ivi lushe mwe muti, timtozeshe! 43Ne akimtozesha Mulungu, neamvunile lushe, ati amkunda! Hambu aakalonga kuti: Imi ni ṅwana Mulungu. 44Vivyoho hata waja wampoko wakontelwewo haṅwe naye mwe miti wazamfyulila. 45Saa mtandatu kuzagwa lwiza mwe shi ngima mpaka saa kenda. 46Saa kenda Yesu azakema na kanwa kikulu angwe: Eli, Eli, lama azabutani? Ni kuγamba: Mulungu ywangu, Mulungu ywangu, nini ukiniasha? 47Miya kuṅwe waγolokewo haja wakiviiva wazaγamba: Uyu amwitanga Eliya. 48Viya du lushe kuzaγuluka ṅwiyae ywawe muṅwe, azaγuwa fuli, azajigela mazi yenyeγela, azajitunga mwe lasi, azamnywesha najo. 49Miya waja watuhu wazaγamba: Leka, tiolele, ati Eliya aiza kwa mhonya. 50Miya Yesu azakema vituhu na kanwa kikulu, vikibinda azadwika moyo.

Ntangilo zionekezo Yesu akifa.

51Ne jiya shuke kulu muno ja zuγaila haṅazi ṅwenye muja vikiloi jihotatuka gati, kuandiila ulanga mpaka shi. Hata shi izadidima, makungu yazabasuka, 52mbila zizazuγuka, mili ya waṅazi wangi wasisilewo izafufuka, 53izalawa mwe mbila, ṅwenye akibinda kufufuka, izaingila mwe uja muzi mṅazi, izalawila wangi. 54Mγolokezi ywa washilikali na waja, awona nawo, wakimγoja Yesu, wakiona uja mdidimo na viya vituhu vionekevyo, wazaingiiwa ni woγa ukulu, wazaγamba: Kweli uyu ne al ṅwana Mulungu. 55Kuja kuna wavyele wangi waγolokewo hale wakiolela, ni waja ndiwo wakimtongela Yesu na kumγoshwela ndima, akilawa Galileya; 56wakina Maliya Magadalene na Maliya, nine ja Yakobo na ja Yose, na nine ja wana Zebedeyo.

Yesu azikwa.

57-61.

57Kukishwa kuzaiza mγoshi mzuli ywa Alimatiya, zina jakwe ndiye Yosefu, ṅwenye ni mhina ywa Yesu. 58Uyu azahita kwa Pilato, azamlombeza kimba cha Yesu; Pilato azalaγiliza, achiinkwe. 59Yosefu azaγuwa kimba chakwe, azachidenganyiza na shuke yeṅala, 60azachiika mwe mbila yakwe mpya, abongileyo mwe kungu, azashindika iwe kulu na kwe kifiγwe cha mbila, akibinda azahita. 61Miya Maliya Magadalene na yuja Maliya mtuhu wa haja, waiikale sheja ja mbila.

Mbila yaγojwa.

62Keloi jakwe, ni mhitu wa mushi wa liγanyiza ngoto ya Pasa, wavikizi wakulu na Mafaliseyo wazahita haṅwe kwa Pilato, 63wazamuti: Tafukila, kuti yuja mwazaγanyi azalonga, ake moyo kuti: Mishi mitatu ikizinka, nitafufuka. 64Laγiliza lushe, ija mbila iγojiγwe mpaka mushi wa ntatu, kangwe wahina wakwe washezaiza kwa bawa kimba chakwe, wakilonga kwa wantu kuti: Azafufuka kwa wafilewo! Ivyoho mwazaγanyo wa shilikiza utaisiiza kuzinka uja wa kuandiila. 65Pilato azawati: Shawa waluγojo! Hitai, mwiγoje sa muvyotaila! 66Waja wazahita, wazagongeza jiya iwe ja zuγaila, wazaika waja waluγojo, waγoje mbilangwa.

Currently Selected:

Mateyo 27: KISHNT05

Highlight

Copy