Luka 8

Wavyele wamtongela Yesu.

1Vikibinda azaanga ṅwenye mwe mizi, hata mwe mizi tanga yoshe akihilikila uja ubilikizi wedi wa uzumbe wa Mulungu; 2hata waja kumi na waili ana nawo, hata kabumba ka wavyele wahonyiγwewo mpepo mbada na manyonge, wakina Maliya mweitangwa Magadalene aingatilwaye mpepo mfungate, 3na Yohane, mkaza Kuza, mshaka mali ywa Helode, na Susana na wangi watuhu, ne wawashuγilewo na viya, wavyona navyo.

Lushimo lwa mhasi.

4-14.

4Wantu wangi waunganana, wakilawa mwe mizi, wamtimile. 5Azawalonga kilushimo angwe: Kuna mhasi, azalawa kwa myaγa mbeyu zakwe; akimyaγa mbeyu, kuṅwe zizagwa silai, zizajatwajatwa, kangi videγe vyeanga ulanga vizazija. 6Kuṅwe zizagwa he mawe; zikilawa zizanyuluka, kwa kuti nkazina shanga ye mneho. 7Kuṅwe zizagwa he miwa gati, ija miwa izalawa yohena, izazifuwa. 8Kuṅwe zizagwa mwe shanga ntana, zizalawa, zizavukila kagana. Akilonga ivyoho azaγamba: Mwena mashikilo yeiva neaive! 9Wahina wakwe wazamwuza, ati bontokelo ja ulu lushimo ni mbwai. 10Azawati: Inywi mzafiiwa mbazi, mtaile vihili vya uzumbe wa Mulungu, miya watuhu wavilongwa kishimo, kangwe wakiviolela washeone bontokelo, wakiviiva washevitaile. 11Shiji bontokelo ja ulu lushimo: Ija mbevu ni mbulingwa ya Mulungu. 12Ziya zigwelezo silai ni waja weiva, miya vikibinda yuja ṅwenye leba aiza, ausha mbulingwa mwe myoyo yawe, kangwe washezatozesha wakivunilwa. 13Ziya zigwelezo he mawe ni waja wehokela mbulingwa na nyemi wakiiiva, kangi awa nkawana sindo, watozesha mishi miγeke, miya mishi ya kuγezwa wabahuka. 14Ziya zigwelezo he miwa ni waja weiva, miya sungu na mali na nyemi za kiinushi zaγenda zikifuwa, bindilizo nkawana kuwo. 15Miya ziya zigwelezo mwe shanga ntana ni waja weiva mbulingwa na kuitozesha mwe myoyo yeziha vitana, ne wevukiza na kuzizimiza.

Taa.

16-18.

16Nkakuna mwekoleza taa akiifunikila ngahu ao akiiika mzunguwi kwe lusazi, miya aiika he kiikilo chakwe, kangwe wemwingila waone langaila. 17Hambu nkakuna mbuli ifishiγweyo, ndiyo ishebunkuke, nkakuna vye njamanjama, ndivyo vishelawile na weluwi. 18Olelai miivile yenyu! Hambu mwena kitende atainkwa vivyoho, kangi ashinaye atahokwa hata viya, avyofanyanya, kuti ni vyakwe.

Wanduγu wa Yesu.

19-21.

19Nine na wanduγuze wazaiza kwakwe, miya kwa mbuli ya wantu wangi nkawadahile kumubulila. 20Azaukwilwa kuti: Nyokwe na wanduγuzo waiγoloke uko se, wakunda kukuona. 21Azawalandula waja angwe: Mlala ywangu na wenetu ni waja weiva mbuli ya Mulungu na kuiγoshola.

Yesu atongomaza bahali na mpeho.

22-25.

22Mushi muṅwe ṅwenye azaingila na wahina wakwe mwe chombo, azawati: Netiomboke bahali na sheja jiya! Wazahita. Wakiγendanachombo azasisila. 23Kuzaikila mpeho nkulu yekuntisha na nguvu na mwe bahali, chombo chawe chizaγubikwa ni maimbi, wazaona nkondo nkulu. 24Wazamwizila, wazamwinula angwe: Mγolokezi! Mγolokezi! Taaγa! Yujaazainuka, azavailaija mpeho na maimbi ya mazi, ne vihotongomala na kuhombwela. 25Miya azawati: Kutozesha kwenyu ku kuhi? Wazaingilwa ni woγa, wazamaka, wazaγambilana: Ni muntu ani uyu mwelaγiliza mpeho na mazi zikimwitika!

Yesu ahonya muntu mwena mpepo kulija.

26-39.

26Wazaiγala chombo chawe na kwe shi ya Gadala, ni sheja jiya ja Galileya. 27Akilawa kuja kwe chombo azakintana na muntu ywa muja kaya mwehuma mpepo, mishi mingi nkazwikile shuke, nkaikale kaya, aikala kwe mbila. 28Akimwona Yesu azakema na kanwa kikulu haṅwe na kumkinila angwe: Nina mbwai imi na iwe Yesu, ṅwana Mulungu mwe uko ulanga? Nakuhembeleza, ushenilumize! 29Hambu ailaγilize ija mpepo ye usaba, ilawe mwe yuja muntu. Hambu mishi mingi ne ikimgwila na kumγulusha, azashungwa na mpingu na magogolo, kangi azaγojiγwa, miya aakadwisha viya, akantiγwevyo navyo, azaγulushiγwa ni ija mpepo na mwe nyika. 30Yesu azamwuza: Zina jako ni weyo ndai? Angwe: Makulija, kwa kuti mpepo nyingi zizamwingila. 31Zizamhembeleza, ashezilaγilize kuhita na kuzimu. 32Kuja ne kwina ifyo kulu ja nguluwe zelishiγwa mwe mulima; ziya mpepo zizamhembeleza, azikundize kuingila mwe ziya nguluwe; azazikundiza. 33Ne ziya mpepo ziholawa mwe yuja muntu, zizaingila mwe ziya nguluwe, ne jiya ifyo jiholumbila kunguwi na mwe bahali, zizanywilimila, zizafa. 34Walishi wakiviona viya viγosholekevyo wazanyilika, wazabilikila inu mbuli kuja kaya, hata kwe mizi tanga. 35Wantu wazalawa, waolele viya vitendekevyo; wakiiza kwa Yesu wazamwona yuja muntu aukilweye ni ziya mpepo, aiikale he milundi ya Yesu, aikiγubike shuke, ni mtana lushe, ne wahoingilwa ni woγa. 36Waja wavienewo, wazawaukwila, yuja ahumileye mpepo ahonyiγwevyo. 37Wantu woshe wa ziya shi ze hehi na shi ya Gadala wazamhembeleza, auke kuja kwawe, hambu wazagwilwa ni woγa ukulu; 38ne ahoingila mwe chombo, azaγotoka. Yuja muntu aukilweye ni mpepo azamhembeleza, ahite naye; miya azamshungula akimuti: 39Uya na kaya kwako, ukabilikile vyoshe, Mulungu akuγoshwelevyo! Azahita, azaanga mwe mizi yoshe akibilikila vyoshe, Yesu amγoshwelevyo.

Ṅwana Yailo afufulwa.

40-56.

40Yesu akiuya, wantu wangi wazamsingila, hambu woshe ne wakimwafiza. 41Kuzaiza mγoshi mweitangwa Yailo, uyu ni mfuṅwa ywa vikilo. Azamkinila Yesu he milundi, azamhembeleza, 42ahite naye nyumbai mwakwe, kwa kuti ana ṅwana ywa kindele muṅwe du, abindileye mavuli kuminamaili, uyu azabuza kufa. Wakihita, wantu wangi wazamshushumila. 43Kuna mvyele alawileye mpome mavuli kumi na maili, azabinda mali yakwe yoshe kwa waγanga, kangi nkawadahilekumhonya; 44uyu azamwizila nyuma, azadowa lusiniko lwa nkazu yakwe, viya du lushe mpome izaleka kulawa. 45Yesu azauza: Anidowaye ni ndai? Woshe wakikela nkani, Petelo azalonga: Mγolokezi! Wantu wangi wakufinta na kukushushumila, 46nini ukiγamba: Anidowaye ni ndai? Angwe ni Yesu: Kuna anidowaye, hambu nizaiva, nguvu ikilawa mwe ṅwili wangu. 47Yuja mvyele akiona, kuti nkadaha kukifisha, azaiza na kudidima, azamkinila, azamwukwila, wantu woshe waiivile, vilekilevyo akimdowa, kangi ahonilevyo viya du lushe. 48Yuja azamuti: Ṅwanangu! Mitozesheze yako izakuhonya; hita mpeho! 49Akelonga naye, kuzaiza muntu ywa yuja mfuṅwa ywa vikilo, azamuti: 50Ṅwanawo azabinda kufa, ushemwonye mfuzi luiali! Yesu akiviiva azaγamba: Usheogohe! Tozesha du! Neahone! 51Akibula he ija nyumba nkakundize muntu, akiingila naye, kushima Petelo na Yohana na Yakobo na ishe ja ṅwana na nine. 52Woshe we muja nyumbai wazamlilila na kukitowa vifuwa. 53Yesu azawati: Mshelile! Nkafile, miya atesisila du. Wazamsheka, hambu waitaile, kuti azafa. 54Azatoza mkono wakwe, azamlonga angwe: Ṅwanangu, inuka! 55Azauya moyo, azainuka viya du lushe; azalaγiliza, ainkwe vya ja. 56Wavyazi wakwe wazashentuka; miya azawalongesha, washezavimγambila muntu viya viγosholekevyo.

Currently Selected:

Luka 8: KISHNT05

Highlight

Copy