Luka 2

Yesu avyalwa Betelehemu.

1Mishi ija kuzalawa mulomo kwa Kaiza Augusito, ngulu ngima igondwe kodi. 2Kuja kugondwa ne kwa bosi, kugondiγwe, Kileniyo akitoza shi ya Siliya. 3Woshe wazahita kwa gondwa, kila muntu mwe muzi, amolawa namo. 4Hata Yosefu azalawa Galileya mwe muzi wa Nazaleti, ahite Yudeya kwe muzi wa Dawidi weitangwa Betelehemu, kwa kuti chengo cha ishe ni chiya cha Dawidi. 5Azahita kwa gondwa haṅwe na muke Maliya, alombileye, uyu ne aina nda. 6Wakiikala kuja, mishi ya kuvyala kwakwe izatimiza, azavyala ṅwana ywa nteluka, 7azamkanta shuke za kinkebe, azamlaza mwe lubala, ṅombe zimojiila, kwa kuti muja mwe fikilo nkamna hantu hedi.

Walishi wabilikilwa mbuli ya mhonya.

8Ne kwina walishi mwe ija shi, wazagona mwe laγo na chuma chawe, wazagona mesho 9na kuchiγoja. Haja mlau ywa Zumbe azawalawila, hata utana wa Zumbe uzawapwinkukila, viya ni iangaila, ne wahoingilwa ni woγa ukulu. 10Yuja mlau azawati: Msheogohe! Olelai namibilibila nyemi nkulu yeunga kugwa kwe mbali zoshe. 11Hambu mzavyailwa lelo mhonya mwe muzi wa Dawidi, ndiye Zumbe Kilisito. 12Lwitangilo lwenyu shulu: Mtaona kazana, kaikantiγwe shuke za kinkebe, kailaziγwe mwe lubala, ṅombe zimojiila. 13Viya du lushe kuzaoneka haṅwe na yuja mlau nkondo ngima ya wantimizi wa lwingu, wazamtogola Mulungu angwe: 14Utana ni wa Mulungu mwe lwingu, mwe shi utondolo kwa wantu wemtamila! 15Walau wakibinda kuuka kwawe, wakihita mwe lwingu, walishi wazaγambilana: Netihite mpaka Betelehemu, tiolele inu mbuli ibontokeyo uko, Zumbe atiukwileyo! 16Wazafikahita, wazamwona Maliya na Yosefu na kaja kazana, kailaziγwe mwe lubala, ṅombe zimojiila. 17Wakikaona wazaukula iyo mbuli walongiγweyo ya uyu ṅwana. 18Woshe waviivilewo wazavimaka viya wavyolongwa ni waja walishi. 19Miya Maliya azatoza izi mbuli zoshe na kuziika mwe moyo wakwe. 20Waja walishi wazaγotoka na kumtogola Mulungu na kumtowela zumo kwa viya vyoshe, waivilevyo, kangi waenevyo, kuti ni vivyoho, sa walongiγwevyo.

Yesu ashengwa.

21Mishi mnane ya kumshenga ikitimiza, azainkwa zina ja Yesu, ni jiya jilongiγwejo ni yuja mlau, nine ashizati atende nda.

Yesu aiγalwa Yelusalemu.

22Mishi ya mpoza, Mose alaγilizeyo, ikitimiza, wazamwiγala Yelusalemu, wamlavilize kwa Zumbe; 23ni kwa viya vigondiγwevyo mwe mulomongwa kuγamba: Kila ṅwana ywa kiγoshi, mvyele ayeandiila kuvyala, 24shuti aitangwe mṅazi ywa Zumbe. Wazakunda, wamkombole na mpuγuto mbili ao na makinda maili ya visuwa manga, sa vilongiγwevyo mwe mulomongwa wa Zumbe.

Simeyoni amhokela Yesu.

25Kuja Yelusalemu ne kwina mγoshi, zina jakwe ndiye Simeyoni; uyu ni muntu mtanda atozesheye vitana na kuafiza mhembulizo wa Waisilayeli, hata mpeho ṅazi ana nayo. 26Uyu aiteγanyiziγwe ni mpeho ṅazi kuγamba, asheone kifa, ashizati amwone Kilisito ywa Zumbe. 27Azahimilwa ni Mpehongwa, ahite vikiloi haja, wavyazi wakimwiγala Yesu, kangwe wabontole mbuli yakwe, sa avyozwela mwe uja mulomo. 28Ne yuja mγoshi ahomtoza na mikono yakwe na kumtogola Mulungu angwe: 29Zumbe, lushe wamshungula mupuna ywako, ahite mpeho, sa ulongilevyo. 30Hambu mesho yangu yazaona uvunizi wako, 31uliγanyizewo mbali zoshe; 32ni langaila jemulikila wamzimu, kangwe mbali yako ya Isilayeli itogolwe. 33Ishe na nine wazamaka izo mbuh azolongwa. 34Simeyoni azawaṅaza mesho, azamlonga nine Maliya angwe: Olela! Uyu aikiγwe, Waisilayeli wangi wahosiγwe, kangi wangi wainulwe ndiye, 35aγaluke lwitangilo lwebishiliziγwa nkani. Moyo wako utazashengwa ni shime, ntongonyezi za myoyo ya wantu wangi zihozahunkuka.

Ana atogola.

36Vituhu kuna mteγanyi ywa kivyele, ndiye Ana, ṅwana Fanweli, ywa chengo cha Aseh. Uyu ni mγundu, mavuli yakwe ni mangi; akilawa uhweni azaikala na mulume mavuli mfungate. 37Uyu mvyelengwa aifilwe ni mulume, mavuh yakwe yazaγelemuka milongo mnane na mane; yuja nkaukile mwe vikilongwa, 38kilo na mushi azamtumikila Mulungu na kufunga na kuvika. Mwe ija minga uyu yohena azamubasha, azamlaviliza Mulungu ntogolo, azalonga mbuli yakwe kwa waja woshe waafizewo ukombozi wa Yelusalemu.

39Wakibinda mbuli zoshe, walaγiliziγwezo ni mulomo wa Zumbe, wazauya Galileya kwe muzi wawe wa Nazaleti. 40Yuja ṅwana azakula, azatenda nguvu ya kimpeho, azaγenyeza viyuγo, kangi mbazi ya Mulungu izamγolokela.

Yesu ahita Yelusalemu.

41Wavyazi wakwe wazazwela kuhita kila ṅwaka Yelusalemu kwe mviko wa Pasa. 42Akibinda mavuli kumi na maili, wazakwela naye, sa wavyokabasha uja mviko. 43Mishi ikimambuka, wazaγotoka, miya ṅwana ywawe Yesu azahumula Yelusalemu, wavyazi wakwe nkawataile. 44Miya wazaγamba: Minga a kwa weyae; wakihita ntambo ya mushi muṅwe wazamlonda kwa wanduγu na kwa weyae wawe. 45Wakishemwona wazauya Yelusalemu kwa mlonda. 46Mishi mitatu ikizinka, wazamwona vikiloi, aiikale gati kwa wafuzi akiwateγeleza, kangi akiuzanya nawo. 47Miya woshe wemteγeleza wazamaka lutwi lwakwe na milandwile yakwe. 48Wakimwona wazashentuka, nine azamuti: Ṅwanangu, nini ukitiγoshwela ivyoho? Olela! Isho pa imi tizakulonda na ukiwa. 49Azawati: Nini mkinilonda? Nkamtaila, kuti vyanitala kuikala mwa Tate? 50Miya waja nkawataile inu mbuli, awaγambileyo. 51Azasheela nawo mpaka Nazaleti, wakibula, azaikala na kuwaitika. Nine azatoza ziya mbuli zoshe mwe moyo wakwe. 52Yesu azakula na kuγenyeza viyuγo, mpaka akiγaluka muntu mgima, kangi ne akimtamila Mulungu, hata wantu.

Currently Selected:

Luka 2: KISHNT05

Highlight

Copy