Ntuṅwa 6

Waγolokezi 7 wagimbikwa.

1Mishi ija wahina wakiγenela, Wagiliki wazaṅuna Waebuleyo, kwa kuti wavyele wawe wafilwewo ni waγoshi nkawaolelwa vyedi na kupangilwa kila mushi vyewatala. 2Waja kumi na waili wazaitanga bumba joshe ja wahina, wazawati: Nkavitama, ishwi tikiasha ndima ya mbulingwa ya Mulungu, tikitumikila he ndala. 3Wanduγu, olelai waγoshi wa kwenyu mfungate wetailikana, kuti waigisize mpehongwa na viyuγo, tiwagimbike, wamanye viya vyemiagiza! 4Ishwi tibashe ndima ya kuvika na kutumikila mbulingwa! 5Inu mbuli izawatamila woshe, wazamshaγula Sitefano, ni muntu mweisiiza kutozesha, agisizeye mpeho ṅazi, na Filipo na Pulokolo na Nikanolo na Timoni na Palimena na Nikolawo aangileye na Wayuda uko Antiyokiya; 6wazawaleta kwa ntuṅwa, awa wazawahembelezeza, wazawabadikila mikono. 7Miya mbulingwa ya Mulungu izaγenda, kangi kuja Yelusalemu wahina wazafikaisiiza kuγenela, hata bumba kulu ja wavikizi jizatozesha na kuitika.

Sitefano ashingwa.

8Sitefano kwa viya, avyogisa mbazingwa na kutenda nguvu, azaγoshola vimaka na vilozo vikulu kwa wantu. 9Kuzalawila kuṅwe, ni wa bumba jeitangwa ja Walibelitini na Wakilene na Waalekisando na wa Kilikiya na wa Asiya, wauzanye na Sitefano. 10Miya nkawadahile kuikila nkani viyuγo vyakwe na mpehongwa, ayolonga nayo.

11Ne wahotunya wantu, walonge kuti: Tizamwiva, akilonga mbuli za kumkanka Mose, hata Mulungu. 12Hata mbalingwa na waγolokezi na watabaluwangwa wazawavota woshe, wazahita, wazamhuna, wazamwingiza kitala. 13Wazalavya waona wa lulimi weγamba: Uyu muntu nkadila kulonga mbuli za kubela haṅazi na mulomongwa. 14Hambu tizamwiva, akilonga kuti: Yesu ywa Nazaleti nezeachakule aha hantu, ahitule ija misimo, Mose atinkileyo. 15Woshe waikalewo mwe kitala wazamdulila, wazaona cheni chakwe, kuti viya ni cha mlau.

Currently Selected:

Ntuṅwa 6: KISHNT05

Highlight

Copy