Zakaria 6
6
Patharukai ki sakikaruburuburane ka palridingi ka maburusi
1La drelenga naku ku vaeva ka maburusi. Kikai yai, wadrelaku ku supate ku palridingi ki rigi twalai ki kabicelrakane ki lregelrege ka lriwlu kainganai. 2Ku vaeva ka palridingi duduli ka rigi ku wabilibilibili, ku sakadrusa ka palridingi laka icecelrenge ku rigi, 3ku sakatulru ka palridingi laka lrawlrapungu ku rigi, ku sakasupate ka palridingi laka cucuriane ku rigi, yadrepele ka tagagarange ka rigi. 4La kivagaku kwini ki kiakawrivariva nakwane ka sasiakawlu belenge, “Sinsi, manemane ku pacugane kilakikai palridingi ki rigi?”
5Kwi lasu la tubalre, “Kikai yai supate ka valrigi, ka tau twalalai cucubungu ki Tamatama ki kiacaebe ki belenge kainganai.”
6Ku bilibilibili ki icecelrenge ka rigi ku palridingi papia tali dradha mwa ka Babilunia, ku lrawlrapungu ka rigi la papia talriwgane ki vai, ku cucuriane ka rigi la papia tali lrawdru ki lakuni. 7Kwini la sapukwane ka rigi sakainganai, la karaacange katwase lrilriu ki kawmasane. Ku sasiakawlu belenge saiya kai, “Lu katwasa lrilriu ki kawmasane!” Kwini larigi makakaai katwase mwa. 8Kwi sasiakawlu belenge la akwaadrau kawriva nakwane, “Kwini larigi kwi papia tali dradha mwa ka Babilunia payasadranga ku elathane ki Tamatama.”
Pasiapagamucu ki Yesua
9Kai bilrilanenga baai nakwane ki Tamatama ka vaga. 10Amia kai, “Kudra saceacebe ka patarumara ki mwabere ka Hiledai, Tubia, si Yedaia makakaai iluku mwa ki daane ki lalake ki Zipania ka Yusia. Kikai laumawmase twalai ki tamuberane Babilunia kainganai. 11Kusu arakaiya kudra patarumara lini ku kingi gingi si tuvaeva ka pagamucu, la pikai ki awlru ki abebeelengenga ki barakalai ka Yesua ka lalake ki Yehuzadake, 12pelaela iniane, ku Tamatama ka abebeelengenga ki sanaka kwapingi amia kai, ‘Kudra kiapasi “Ricingi” ka umawmase, lri ikai ki taikaiyaneini si pangiradhekane, lai lri tupela tudaane ku daane ki Tamatama. 13Kwi lasu amani ku lri darepe tudaane ku daane ki Tamatama, si lri tarumara ku lrigu ki talialalai, la rathudu ki kawkawluini. Lri ikai ku tangea ku barakalai kulri acegecege ikai thili ki taetalaneini; kwi lalasu lri ikai ki rathudane maelrelre si karededele kisamula.’ 14Kikai pagamucu lri suru pikai ki daane ki Tamatama tusangulringalringavane, ngulringau ki Hiredai#6.14 “Hiredai” patwalai ki sidrumane ka nihunyakane ka hungu, ku pacase ki Hiburu yai “Heleme” amia., Tubia, Yedaia, si Yusia#6.14 “Yusia” patwalai ki sidrumane ka nihunyakane ka hungu, ku pacase ki Hiburu yai “Hene” amia..”
15Ku yaadaili ku umawmase lri kainganai paralubu tupela tudaane ku daane ki Tamatama. Lu tupelanga tudaane ku daane ki Tamatama, lri thingale numi ala ka Tamatama ka abebeelengenga ki sanaka kwapingi ka siakawlu nakwane mwa numiane kai. Alaiyasi kitulrepenge numi paluludu ku drekase ki Tamatama ka Twaumase numi, kikai lri tara ngimiya.
Currently Selected:
Zakaria 6: NDV
Highlight
Share
Copy
Want to have your highlights saved across all your devices? Sign up or sign in
© The Bible Society in Taiwan, 2017
All rights reserved
© 臺灣聖經公會版權所有，2017
