Zakaria 5
5
Patharukai ki Ngiapalapalai ka nibalrulane ka hungu ka maburusi
1La pelaku masiasirare, kikai la drelaku ku vaeva ka nibalrubalrulane ka hungu ku ngiapalapalai ibelenge. 2Ku sasiakawlu belenge la kivaga nakwane, “Wadrelesu ku manemane?” La iyaku kai, “Wadrelaku ku nibalrulane ka hungu ngiapalapalai ibelenge, ku lragiane bangate ka mituru, ku ngulapane laka supate ka mituru si apararamau.”
3Kwi lasu ala kirimu iya kai nakwane, “Kwini nibalrulane ka hungu ku belenge nipacasane ku sapuswane ka abadhane satedre ki yakawmasane, ku thili la pacase iya kai: Sanaka saadre lri kimwalra patwalai kawmasane; ku tali thili la pacase iya kai: Sanaka wadraedrangelre kiketekete ka umawmase lri mialri kiamudu. 4Ku Tamatama ka abebeelengenga ki sanaka kwapingi amia kai, lri putaluvaivai kikai sapuswane, kai sapuswane lai lri mudaane ki sanaka daane ki saadre si daane ki papia ki naganeli draedrangelre kiketekete ka umawmase. Kikai sapuswane lri asuru ikai ki daane lini, lai lri kamudu makanaelre.”
Patharukai ki yakaradrarane ka ababai ka maburusi
5Kwi kawrivariva nakwane ka sasiakawlu belenge la adrelanenga, si iya kai, “Drela, yakai ka maelanenga ka vaeva ka wakelakela ka lamanemane!”
6La kivagaku iya kai, “Manemanaini kikai?”
Kwi lasu la iya kai, “Vaeva ka karadrare; sapatuthingalane ka pasalrivane#5.6 “pasalrivane” patwalai ki sidrumane ka nihunyakane ka hungu, ku pacase ki Hiburu yai “maca” amia. ki yakawmasane.”
7Kikai sacaecaebane ki karadrare nipiane arakai ku ridi. Sa dredredrelaku, kwi sacaecaebane la ngucaebane, si ikai ku ababai ku wanene ikai adringi!
8La iya kai ku sasiakawlu belenge, “Kikai ababai sapatuthingalane ki ngialisiane.” Ala pwa lrudrulu kwini ki ababai pwadringi ki karadrare, si caebe. 9La pacungulaku papia belenge masiasirare, si drele ku tadrusa ku labaibai ku papiapia nakwane ngipalapalai; kwini lalisu sapukwane turamuru ku sapakepake, mia ki sapakepake ki kwange. Kwi lalisu la kacipi kwini karadrare si katwase ngipalai.
10La kivagaku ki sasiakawlu belenge, “Ka lalisu lri iluku pwinu ka karadrare?”
11Kwi lasu la iya kai, “Lri katwase mwa Babilunia. Kwi lalisu lri ikai kwini si tudaane kai ki karadrare. Lu maka tudaanenga, lai lri pwadringi kwini karadrare si pasukusukubu ki laumawmase.”
Currently Selected:
Zakaria 5: NDV
Highlight
Share
Copy
Want to have your highlights saved across all your devices? Sign up or sign in
© The Bible Society in Taiwan, 2017
All rights reserved
© 臺灣聖經公會版權所有，2017
