Mathayo 12

1Yekole aci Yecu lɔ cath ne duum yic ne ye kol e thabath; ku ci kɔcpiocke cɔk, goki rap doony ku camki ke. 2Na ci Parithai ye ŋem, goki yɔɔk, Yi ŋem, kɔckuk piɔceke, aaloi ke ce piath ne kol e thabath. 3Go ke yɔɔk, Ye kɛnka ke cii Dabid loi ciir, ɣɔn cii cɔk ye nɔk, kene kɔc cath kene yen; 4ne lɔ cen lɔ luaŋ de Nhialic, ku ciɛm monoi ci week, ke ci piath bi cam kene kɔc eke tɔ kene yen, yee ke de bany ke ka ke Nhialic kepɛc? 5Ku kɛnka ciir ne loŋic, ne rɛc ye bany ke ka ke Nhialic luɔi de thabath rac ne yekaluic, ku cinki awac? 6We ya yɔɔk, Ya toŋ diit ye yekalu wuɔr eke. 7Na yaka ye nyic yekene lan yen ŋo, Ya kac de piɔu eka ya kɔɔr, ku kacie koc de rɔt, e kee te kɛnka kɔc cin awac luɔkwei. 8Ne ke ye Wen de raan bɛny de thabath.

9Go jaal etɛɛn, ku leer luaŋden de gueer. 10Ku ŋɛmka, ran tok ciin ee tɔ. Goki thiec, jamki, Yi piɛth bi cɔk dem ne kol e thabath? bik kek ye leu ne gueel. 11Go ke yɔɔk, Ye yeŋa tɔ ne weyic, nɔŋ amal tok, ku na ci loony ne adhuɔmic ne kol e thabath, ke cii dɔm ku miit bei? 12Wɛr amaal raan yede? Yen apiath bi kepiath ya loi ne kol e thabath. 13Ku yook raan, Ye thiu yiciin. Go yeciin thiu; ke ci pial ci dɛne. 14Go Parithai lɔ biyic, ku lek roth jaam ne yen, ne nɛŋ bik kek ye leu ne nɛk. 15Go Yecu nyic, go rɔt liip etɛɛn; ku biɔth kɔc juec cok; go ke cɔk dem kedhia. 16Ku yook keek kɛlke cik bi cɔk nyic. 17Bi ke cii Yithaya nebi luel bi ya yic, jiɛm,

18Ye yaka awundie ŋem, man ca lɔc.

Kedien ya nhiar, yan piɔu lɔyum ne yen.

Aba yiɛn Jɔŋdie,

Ku bi Juurkɔk ya lɛk ne luk.

19Aci bi ya teer, ku ci ye coot;

Acin ran bi ye ya piŋ ror ne dhɔl yic.

20Aruɔr ci niɔi acii bi dhoŋ,

Ku linon ye ɣeer ne tol acii bi yaai,

Agut te cen luk laar te de tiɛm;

21Ku rinke abii Juurkɔk ke ya ŋɔɔth.

22Goki ran ci jɔk dɔm bɛi enɔŋ en, ci cɔɔr ku cin thok, go cɔk dem, bi ran cin thok jam ku yin. 23Go duut gai ebɛn, ku jamki, Yi ci ye wen de Dabid yekene? 24Na ci Parithai ye piŋ, e ke jam, Yi yerane ee jak rac ciec ne riɛr de Beeldhebub, bɛny de jak rac. 25Go tɛŋden nyic, ku yook keek, Ye ceŋ ebɛn ye teer ke rɔt ee lɔ te de riaak; ku baai ebɛn ka ɣot ye teer ke rɔt acie kɔɔc. 26Ku na ye Catan Catan ciec, ke kee teer ne rɔt; yen bi ceŋde kɔɔc yede? 27Ku na ya jak ciec ne riɛr de Beeldhebub, e ke yee wɛɛtkuɔn ke ciec ne ŋa? yen aabi ya duluukuɔn. 28Na ya jak rac ciec ne riɛr de Jɔŋdiit de Nhialic, ke ceŋ de Nhialic ee bɛn enɔŋ we. 29Leu ran tok lɔ ɣon de ran rir, ku le kake riɔk, ke ŋoot ke ken ran rir kan deer? ku jɔl ɣonde riɔk. 30Ran cie tɔ ke ɣa, ee teer ke ɣa; ku ran cii wɔ ye kuany yenekee ke kaar wei. 31Yen we ya yɔɔk, Ya rɛɛc ebɛn ku lɛɛt aabike pal kɔc; ku lɛɛt de Jɔŋdit aci bi puɔl. 32Ku raan ebɛn ran ye Wen de raan jaam, abi puɔl: ku raan ebɛn ran ye Jɔŋdiit Lajik jaam, aci bi puɔl ne yepinye nom, ku ne ke bi bɛn. 33Yaka tiim cɔk piath ku luɔkden; ka yaka tiim cɔk rac ku luɔkden. Tiim aaye nyic ne luɔkden. 34We ye kuan de karoor, lɛuka wuɔde, ke we rac, bak kapiath ya luel? Ke ye piɔu thiɔŋ, yeneka yee thok luel. 35Ran piath ee kapiath yok ne weu piɛthke: ku ran rac ee karac yok ne weu rɛcke. 36We ya yɔɔk, Ya wɛt piɛlic ebɛn ye raan luel abi kuɛn e ne kol e luk. 37Yin bi luɔk luk ne welku, ku yin bi luɔkwei ne welku.

38Go kɔc kɔk ke dugɛɛr ku Parithai dhuɔk en, jamki, Yi Dupioc, wɔ nɔŋ piɔth cit buk cit ŋem enɔŋ yin. 39Go dhuk yook keek, Ye kuan rac ku yee kuan abal ee cit kɔɔr; ku kacin cin bi yiɛn en, ee cin de Jona nebi yetok; 40tɔ ɣɔn tɔne Jona ne akol keediak ke weer keediak ne rɛc gokic; yenekee cɔɔk bi Wen de raan bi tɔ ne piny piɔu ne akol keediak ku weer keediak. 41Kɔc ke Ninebe aabi kɔɔc kene yekuane ne lukic ku kabik luɔkwei; ne ke ci kek kepiɔth wɛl pioc de Jona; ku ŋɛmka, ke dit ne Jona eke. 42Tiɛŋ Bɛny de piny ciɛm abi kɔɔc ne lukic kene yekuane, ku kabi luɔkwei; ne kee bii yen ne piny thar bi nyiny de kaŋ de Tholomon bi piŋ; ku ŋɛmka, ke dit ne Tholomon eke. 43Na ci jɔŋ rac bɛn bei ne raan guɔp, e kee ɣɔn cin piu bak yic, kɔɔr lɔŋ, ku cii yok. 44Go jam, Ye ɣan bi dhuk ɣondien enhia bɛi an bei thin. Na ci bɛn, ke yok ne laauic, ci weec, ku ci thieth. 45Go lɔ, ku loom jak rɛc kɔk keedherou, wɛr en ne rɛɛc, ku leki thin ku ceŋki. Go ceŋ de yerane jal rɛɛc, aŋuɛne ceŋ tueŋ. Yeneka bi ya cɔɔk de yekuan rɛɛce eya.

46Na ŋoot ke jam ke duut, ke man ku watmɛthke kaac kec, kɔrki jam kene yen. 47Go raan yɔɔk, Ye moor ku watmɛthku, aakaac kec, aakɔr jam kene yin. 48Go dhuk thiec, Ye yeŋa ye ama? ku yiŋa ye watmɛthcie? 49Ku nyooth kɔcpiocke, ku jiɛm, Ye ŋɛmka ama ku watmɛthcie! 50Raan ebɛn ran bi piɔn de Awa tɔ nhial ya loi, yenekee wanmaath, ku ye nyankɛi, ku ye ama.

Currently Selected:

Mathayo 12: LEKJOT

Highlight

Copy