Jɔn 21
21
1Ɣɔn ne kaake cok go Yecu rɔt bɛr nyuɔth kɔcpiocke bar de Tiberia, go rɔt nyuɔth ke yela. 2Aake tɔ etok, Thimon Petero, ku Thoma Acuek, ku Nathanael de Kana ne Galili, ku wɛɛt Dhebedayo, ku kɔcpiocke kɔk keerou. 3Go Thimon Petero ke yɔɔk, Ye an lɔ dep e rec. Goki yɔɔk, Ya wɔ bi lɔ wɔne yin eya. Goki lɔ ku leki riɛi; ku cin ke yokki ne ewɛɛre. 4Na wen bɔ piny ke run, ke Yecu kaac ne agor nom; ku kuc kɔcpiocke lan yen Yecu. 5Go Yecu ke thiec, Ye mith, naŋka ke camka? Goki dhuk, Yi aa. 6Go ke yɔɔk, Ye cuatka alau ne bian cuec de riɛi, ku kabak yok. Goki cuat thin, ku cik ber leu ne miit bei ne dun diit de rɛc. 7Go ranpioce nhiɛr Yecu go Petero yɔɔk, Ye kee Bɛnydit. Na ci Thimon Petero ye piŋ ne ye Bɛnydit, go alanhde kaar e ekɔu (ne tɔ tɔ en e ecin), ku cuɛt rɔt bɛɛr. 8Go kɔcpiocke kɔk bɛn ne riɛnthi (aake ci mac ne agor, ayin a kubiit thiɛrnyiɛny rou), ku thelki alau bei kene rec. 9Ana yi kɛɛcki piny, e ke ŋem many de col eeti, ku rec ne enom, ku monoi. 10Go Yecu ke yɔɔk, Ye bɛika rec enhia cakke wai. 11Go Thimon Petero lɔ ku miit alau teɣer ne ci thiaŋ ne rec dit thiɛrnyiɛny ku thiɛrdhiec ku diak. Aake juec ku cik alau kɔn tueny. 12Go Yecu ke yɔɔk, Ye baka camka. Go kɔcpiocke kedhia riɔc ne thiec, Ya yi ŋa. Anyicki ne ye Bɛnydit. 13Go Yecu bɛn, ku loom monoi, ku yin ke, ku rec eya. 14Ekene yenekee ke de diak ye nyuuth e ye Yecu rɔt nyuɔth kɔcpiocke ɣɔn cen rɔt jɔt ne thouic.
15Na cik cam, go Yecu Thimon Petero yɔɔk, Ye Thimon, wen de Jɔn, ye ɣa nhiar ne nhiɛr war keekɔcke? Go yɔɔk, Ye ou, Bɛnydit; anyic ke yin ya nhiar. Go yɔɔk, Ye ye dauciɛk ke amɛl miɛɛth. 16Go bɛr thiec naarou, Ye Thimon, wen de Jɔn, ye ɣa nhiar? Go yɔɔk, Ye ou, Bɛnydit; anyic ke yin ya nyiar. Go yɔɔk, Ye ye dauciɛk ke amɛl miɛɛth. 17Go bɛr thiec naadiak, Ye Thimon, wen de Jɔn, ye ɣa nhiar? Go Petero piɔu dhiau ne ke cen e thiec naadiak, Ye ye ɣa nhiar? Ku yook, Ye Bɛnydit, yin ye kaŋ nyic kedhia; ku kanyic ke yin ya nhiar. Go Yecu yɔɔk, Ye ye dauciɛk ke amɛl miɛɛth. 18Yin ya yɔɔk neyic, Ya waar yin jot, ke yin ee ye yikɔu kaar, ku ye cath e cathdu: ku la ku dhiɔp, ke yin bi yicin thiu, ku kar yikɔu ne ran dɛ, ku jɔt yi te cii kɔr. 19Ee luel ekene nyuuth ne thon ben thou ke noom Nhialic. Na ci yekene luel, ke yook, Ye ye ɣa biɔth cok. 20Go Petero rɔt wel ku ŋem ranpioce nhiɛr Yecu ne bioth; ran e ci rɔt gɛi ne ye ne kol e miɛth thei, ku thiec, Ye Bɛnydit, yeŋa bi yi nyiɛn? 21Na ŋem Petero ye, ke thiec Yecu, Ye Bɛnydit, yeŋo bi yerane ya loi? 22Go Yecu yɔɔk, Ye na naŋ piɔu bi ya tɔ agut te bɛi an, ke yeŋo enɔŋ yi? ye ɣa biɔth cok. 23Yewɛte ee lɔ enɔŋ mɛɛth, ya yeranpiocene aci bi thou: ku kakene lɛkke ne Yecu ye cii bi thou; ee jam, Ye na naŋ piɔu bi ya tɔ agut te bɛi en, ke yeŋo enɔŋ yi?
24Yeranpiocene yenekee lek ne keekake, ku ci ke gɔɔr: ku kanyicku ke lekde ye yic.
25Ku kajuec kɔk aatɔ ka cii Yecu ke loi. Acaal ya na ci ke gɔɔr kedhia, e kaacii piny nom ebɛn ke leu ne leer ke kitap cene ke gaar thin.
Currently Selected:
Jɔn 21: LEKJOT
Highlight
Share
Copy
Want to have your highlights saved across all your devices? Sign up or sign in
© British and Foreign Bible Society 1940, 2017
Learn More About Lek Jot de Jecu Kritho 1940
