Dutuuc 8

1Go Thaulo thonde gam.

Ku ŋet dit ee rɔt jɔt ne yekole ne kanitha tɔ ne Jeruthalem; ku kɔc kedhia aa thiɛi wei ne piiny ke yi Judaya ebɛn kene Thamaria, ku dɔŋ dutuuc thin kepɛc. 2Go kɔc piath Thepano thiɔk, ku cɔlki wuɔi ne yen. 3Go Thaulo kanitha cam, ye lɔ ne ɣoot kedhia, ku thel kɔc bei, roor ku diar, ku leer ke ɣon de dom.

4Ku kɔc ci thiai aa wɛt caath ne bɛi yic weet kek kɔc. 5Go Pilip lɔ pan e Thamaria le kɔc lɛk Kritho. 6Go kɔc juec keyith wɛl wel ke Pilip te cik kek ye piŋ, ku ŋemki ciit cike loi. 7Ku kɔc juec nɔŋ jak rac aacii jak ke bɛn bei, ku cotki ne cɔt dit: ku kɔc juec kɔk ci duany ku kɔc ci ŋɔl aacike cɔk dem. 8Go kɔc piɔth miɛt areet yepane.

9Ku ran toŋ cɔl Thimon ee tɔ ye tiɛt de yepane ɣɔn, ran ci kɔc ke Thamaria cɔk gɛi, ye luel ye ye bɛny dit. 10Go kɔc juec keyith wɛl e agut kɔc thii ku bany, jamki, Yi yerane kanɔŋ riɛr de Nhialic, kee riɛr dit. 11Goki keyith wɛl e ne run juec cen ke cɔk gɛi ne luɔi de tiit. 12Ɣɔn yi gamki wel piɛth ke Pilip ciir keek ne ceŋ de Nhialic ku ne rin ke Yecu Kritho, e ke baptithke, yi roor kene diar. 13Go yeThimon mane go gam eya: go baptith ku dhiɛc kene Pilip; te cen e ŋem ne loi ciit ku kagɛiyeke, ke gɛi.

14Na ci dutuuc tɔ ne Jeruthalem ye piŋ ke Thamaria ci wɛt de Nhialic gam, goki Petero ku Jɔn tuɔc: 15goki lɔ ku lɔŋki ne keek bik Jɔŋdiit Lajik kap: 16aake kenke guɔ nyuɔc: aake baptith ne rin ke Yecu Kritho kepɛc. 17Go Petero ke Jɔn goki kecin kan e kenhiim, goki Jɔŋdiit Lajik kap. 18Na ɣɔn ŋem Thimon e ne ye kɛn de dutuuc cin yene bii Jɔŋdiit Lajik, ke bii weu, 19ku jiɛm, Ye yiɛne ɣɛn yeriɛre, bi ran ban acin ya kan e enom bi Jɔŋdiit Lajik ya kap. 20Go Petero yɔɔk, Ye riɛrku aabi riak kene yin ne thooŋ e thooŋ yin en wu ba miɔc de Nhialic ɣɔɔc ne weu. 21Yin ce mɛt we wɔɔk ne yewɛte. Yin ce piɔu lajik ne Nhialic nyin. 22Wel yipiɔu ne yekerɛɛce, ku lɔŋ Nhialic lan ben thooŋ e thooŋ yin en ne yipiɔu puɔl. 23Yin ŋɛm, yin tɔ wene kekec de keth, ku yin cii karɛc duut. 24Go Thimon dhuk, Ye laŋka Nhialic duɔke ka enhia luɛleke bi bɛn enɔŋ an.

25Te cik kek kɔc lɛk wɛt de Nhialic, goki dhuk Jeruthalem, ku leki weet ne bɛi juec ke Thamaria.

26Go malaika de Nhialic go Pilip yɔɔk, Ye jɔt rɔt ku lɔr ciɛm dhol e Jeruthalem lɔ lɔ Gadha, dhol rokic. 27Go rɔt jɔt ku leer. Ku ŋem, ran de Aithiopia, ye biɔny nɔŋ riɛr dit, ran de Kandake tiɛŋbɛny de kɔc ke Aithiopia, ci taau ne weuke yic, go lɔ Jeruthalem lee lɔŋ; 28ku lee dhuk emane nyuuc ne arabiyaic luel wel ke Yithaya nebi. 29Go Jɔŋdit Pilip yɔɔk, Ye ɣet enɔŋ en, ku matke arabiya wene yen. 30Go Pilip riŋ enɔŋ en piŋ luɛl luel en wel ke Yithaya nebi, ku thiec, Ye nyic keeka luelkeke? 31Go jam, Ye ba ke leu ne nyic yade te cin en ran nyuuth ɣa? Ku lɛŋ Pilip bi kɛɛc nhial bi nyuc ne yelɔɔm. 32Te e luel ne waragaŋ de Nhialic eke,

Ee thel ci amal lee nɔk;

Ku cii yethok kuek,

Ci dan amaal man ye mim te teeme raan nhim:

33Ɣɔn tɔ yen ne yɔŋic go luɔkwei:

Ŋa bi rinyde nyuɔɔth?

Weike aa nyaai ne piny nom.

34Go biɔc Pilip yɔɔk jiɛm, Ye yin laŋ, luel nebi keewelke ne ŋa? ye yeguɔp ka ye ran dɛ? 35Go Pilip ethok kuek weet ne Yecu ciɛk ne keewelke. 36Te ciɛth kek dholic, goki ɣet te nɔŋ piu; go biɔc jam, Ye ŋem, ye piu eke; yeŋo pen ɣa ne baptith? 37Go Pilip jam, Ye na game ne yipiɔu ebɛn, e kacin ke pen yi. Go dhuk jiɛm, Ye an gam Yecu Kritho ye Wen de Nhialic. 38Go arabiya cɔk kaac. Goki lɔ piny keerou lek ne piu yic, yi Pilip ke biɔc, go baptith ne Pilip. 39Ɣɔn yi bik bei ne piu yic, ke Jɔŋdit mɛr Pilip wei; ku cii biɔc ber ŋem, go leu dhol ke mit piɔu. 40Go Pilip yok ne Adhoto, ne tek ne bɛi kedhia weet en ke kɔc ne welpiath agut en Kaithareia.

Currently Selected:

Dutuuc 8: LEKJOT

Highlight

Copy