Dutuuc 6

1Ku kaakolke aaceneke kɔcpiocke jɔp yic, go Judai ke Giriki Eberuu mat ne kepiɔth, ne diarjɔɔk cike nyɔŋ ne weu yiike tek ne akol yic. 2Go thiɛrkurɔu goki dun diit de kɔcpiocke cɔɔl ku jamki, Yi kace piath buk wɛt de Nhialic puɔl ku loiku ke de agen. 3Karka weyic, wɛɛt ke awa, ne kɔc keedherou, kɔc rieueke, cike thiɔŋ ne Jɔŋdiit Lajik ku nyicki kaŋ, buk ke taau ne yeluɔine nom. 4Ku keewɔmanke wɔ bi ya cool ne lɔŋ ku ne pioc de wɛt. 5Go kɔc kedhia piɔth miɛt ne keewelke, goki Thepano lɔc, ye ran gam areet ku ci thiɔŋ ne Jɔŋdiit Lajik, ku Pilip, ku Porokoro, ku Nikanor, ku Thimon, ku Parmena, ku Nikolao perothiluto de Antiokia. 6Goki ke taau ne dutuuc nhiim. Ɣɔn ye cik lɔŋ, e ke kɛn kecin ne kenhiim.

7Go wɛt de Nhialic go dit; ku dun de kɔcpiocke ee jɔpic areet ne Jeruthalem; ku rem diit de bany ke ka ke Nhialic ee gam.

8Go Thepano, ci thiɔŋ ne athiɛi ku ne riɛr, go kadit gɛieke ku ciit ya loi ne kɔc nyin. 9Go kɔc roth jɔt kɔc ke luaŋ de gueer, luaŋ cɔl luaŋ de Libertinoi, ku de Kurenei, ku de Alekandarei, ku rem de Kilikia, ku Athia, goki wel tɛɛr kene Thepano. 10Ku kucki teer kene nyiny de Jɔŋdit kony en Thepano thok. 11Goki kɔc cɔk luel wel kɔth, Yi kacuk piŋ ne lek Mothe wɛt rac ku Nhialic. 12Goki kɔc cuɔth piɔth ku roordit ku dugɛɛr, goki lɔ tede ku kuɛkki piny ku leerki ne buluuk yic, 13ku cɔkki duleek ke wel kɔth jam, Yi yerane adhiac ke luel wel rac ne yeluaŋ lajiŋne ku ne looŋ: 14yi kacuk piŋ ne jam, Ye yeYecune de Nadhareth abi yeluaŋe riɔk ku kabi luɔi wel luɔi cii Mothe yiɛn wɔ. 15Go buluuk kedhia, buluuk ci nyuc thin, goki liec, ke ŋemki nyin ne ci nyin rɔt wel ci nyin de malaika.

Currently Selected:

Dutuuc 6: LEKJOT

Highlight

Copy