TIBIRIK 28

1Isaac bagan Jacob, tabi ayŭh, ka nang di ayŭh, “Dŭhnyah sawŭn dayung daya Canaan. 2Pati ka nŭŭh di ka Mesopotamia, ka rais adŭp babai mu Bethuel, ka sawŭn ndi so bara dayung bujang diginŭ, adi pinanak samba mu Laban. 3Isa-i Tapa Bisa-pŭrŭg nyiberkat pinyisawan mu ka nggen di kuu bagŭ anak, isa kuu jadi sama yŭn bagŭ bangsa! 4#Tib 17.4-8 Isa-i Ayŭh nyiberkat kuu samŭn bara sesang mu, nimun Ayŭh mbŭh nyiberkat Abraham, ka isa-i kuu dapu tarun tana ati adi yŭn mu ko rŭŭ ka adi Tapa ko nggen di Abraham!” 5Isaac bada Jacob di ka Mesopotamia, ka yŭn Laban adi anak Bethuel daya Aram, ka kaka Rebecca, adi sindŭ Jacob ngga Esau.

Esau Sawan Dinge

6Esau dingah Isaac mbŭh nyiberkat Jacob ka bada ayŭh di ka tarun tana Mesopotamia di jiroh dayung ndu sawŭn. Ayŭh dingah gŭh nang di andu Isaac nyiberkat Jacob ayŭh pesan Jacob da dŭh sawŭn dayung daya Canaan. 7Ayŭh puan gŭh nang Jacob sawŭ tunda pinganang sindŭ sama-i ka di ka Mesopotamia. 8Esau mirati nang sama-i Isaac dŭh nyibandar ayŭh sawŭn dayung daya Canaan. 9Jadi ayŭh di ka yŭn Ishmael anak Abraham, ka sawŭn anak-i adi dŭn Mahalath jurud Nebaioth.

Pŭmŭh Jacob di Bethel

10Jacob bu so Beersheba ka panu nuju Haran. 11Kan batŭh andu mbŭh simŭdŭp ayŭh ndŭg tarun yŭn adi kudus#28.11 tarun yŭn adi kudus; puan kah: tarun yŭn. ka nyirŭmŭn diginŭ. Ayŭh guring ka bŭŭs sangan ubak-i di tunduh batuh. 12#Jhn 1.51 Ayŭh nyipŭmŭh ka kiris ndi tungoh tipijog so tana ndŭg rangit, ka bara malaikat mūn maad dieh. 13#Tib 13.14-15 Ka diginŭ TUHAN agi mijog sindŭk ayŭh,#28.13 sindŭk ayŭh; puan kah: di tunduh-i. ka nang, “Aku ati TUHAN adi Tapa Abraham ngga Isaac, Aku re nggen di kuu ngga di bara sesang mu tarun tana ati adi yŭn mu guring. 14#Tib 12.3, 22.18 Ngara re bagŭ keya ka dabu tana. Ngara re bada tarun tana ngara bayah ka barang parad, ka so kuu ngga sesang mu Aku re nyiberkat sopŭrŭg bangsa.#28.14 so kuu...bangsa; puan kah: sopŭrŭg bangsa re mite aku nyiberkat ngara nimun Aku mbŭh nyiberkat kuu ngga bara sesang mu. 15Ingat, Aku re agi ngga kuu ka grindung kuu di tadŭ ka kuu di, ka Aku re taban kuu pari ka tarun tana ati. Aku dŭh re tingge kuu ndŭg ka Aku muko ndai sopŭrŭg kayuh adi Aku ko janji di kuu.”

16Jacob burah ka nang, “TUHAN agi digiti! Ayŭh agi di tarun ati; muran aku puan!” 17Ayŭh mbŭh taru ka nang, “Tikŭnŭd nyam nŭŭh di tarun ati! Ati tatu ramin Tapa, tiban mŭrŭt shorga.”

18Jacob makat isan isan andu jawa ndi, tambit batuh anŭ adi ko-i yŭn mangan ubak-i, ka pijog-i da jadi pinatŭng. Komŭnŭ ayŭh ren inyo kanā di tunduh-i ngga nitah-i yŭn Tapa. 19Ayŭh kadŭn tarun anŭ Bethel#28.19 Bethel: Rati dŭn ati darŭm piminyu Hebrew inŭh “ramin Tapa”. (Kupo di tarun tana anŭ dawŭ-i dŭn Luz.) 20Muko anŭ Jacob bipayu ngga TUHAN: “Kambŭi Kaam agi ngga aku ka grindung aku sitadŭn pimanu ku ati ka nggen di aku pinguman ngga pimakai, 21ka kingat aku ndŭg ka aku mari ka ramin sama ku ngga siramat, nŭ ka Kaam jadi Tapa ku. 22Batuh pinatŭng ati adi ko aku pijog digiti re jadi tarun adi yŭn Kaam dog nyambah, ka aku re nggen ndi utung-so-simŭng so tadŭ tadŭ kayuh adi Kaam nggen di aku.”

Currently Selected:

TIBIRIK 28: TBVONT

Highlight

Copy