Lúkà 2

À bí Yèésù ńBɛ̀tɛ̀lɛ̀hɛ́mì

1Ńǹwèrè nyɛ̀ŋɛ̀#ɛ́, ólú-Ògúsútù dzɛ́ ɔ̀gã́-ìdzɔba ńlɛ̀-Rómà† si. Tsí ó bɛkɔ̀ lɔ ńǹlú ŋa kpó ní ká kã ɔ̀nyà kpó. 2À kò kãnɛ ńnɔ́-ìlú ŋa#á wòrí. Àtsɛ̃̀tsɛ̃̀‐ɛ̀ ńnɛ̀ɛ́. Náàsòkò yèé Kìrɛ́nì dzɛ́ kɔ̀màɖã́ã̀ ńlɛ̀-Sìrí si#ɛ́ ní à tseé#ɛ́. 3Ɛnɛ kṹnukṹ náa wà lɔ ńǹlú‐ɛ̀, tsí káà fú ɛ́kɔ‐ɛ̀ bɛ̀, tsí ká kã̀ã́.

4Tsí Yòsɛ́fù† gbo ǹɖe ńǹlú-Nàsàrɛ́tì nérè-Gàlìlé, tsí lɔ ńǹlú-kã̀ nérè-Yùɖéyà. À náa kpe ìlú#ɛ́ ní Bɛ̀tɛ̀lɛ̀hɛ́mì. Ìlú-gbágbóǹgbàgbò‐ɛ̀ Ɖàfíɖì† ni. Ńnɛ̀ ní ó lɔ bɛ̀, 5tsí káà fú ɛ́kɔ‐ɛ̀ si ńǹwé#ɛ́. Òŋu ìgbã̀nà‐ɛ̀ Màríyà† méèdzì ní lɔ#ɛ́, tsí Màríyà nɛ́fũ̀ si. 6Kíbí à wà bɛ̀ si#ɛ́, ɔdzɔ́ tó, tsí Màríyà kó bíma. 7Ńbɛ̀ɛ́, kíbí àledzò ŋa kpɔ̀ tó#ɛ́, à kò rí ìɖì ńǹɖìgbé-àledzò ŋa, tsí à lɔ káà gbé ńǹɖìgbé-ɛrã ŋa. Tsí ó ǹɖe, tsí bíma ɔnɔkɛ̃̀ɛ̃-kã̀, àtsɛ̀rɛ̀bí‐ɛ̀ ńnɛ̀ɛ́. Tsí ó mú atsɔ wée kpó, tsí kɛ́ɛ, tsí ń tɛ́ si ńǹɖì-ìdzɛ-ɛrã ŋa.

8Ńǹwèrè nyɛ̀ŋɛ̀#ɛ́, aró-àgùɖã̀ kã̀ŋa gbo wà nérè-ìyabɛ̀ si. À náa wà ńkóko si nóoru, tsí wà ɖe ɛrã-ŋà ŋa. 9Tsí ó ɖi nóoru-ɔdzɔ́ nyɛ̀ŋɛ̀, tsí adzítsɛ́-ɔ̀rɔ̃†-kã̀ wáa bɔ́ fú ŋa. Kíbí adzítsɛ́-ɔ̀rɔ̃#ɛ́ bɔ́#ɛ́, mímá-Ɔlɔ́dzɔ́ má wérí ŋa kpó gbòkã́, tsí wà kɔ nyɛ̀nyɛ̀nyɛ̀. Tsí ó ɖi odzo lákṹ-kã̀ fú ŋa. 10Tsí adzítsɛ́-ɔ̀rɔ̃#ɛ́ wà wí fú ŋa ní: Ká máa sá! Òŋu bàkó wáa dzíkɔ̀ ɖíɖɔ̃̀-kã̀ fú ŋa ni. Ó ɖi, ikɔ̀#ɛ́ nákó tɛ́ ɔma-Ìsàràyɛ́lì† ŋa kpó náyè tó bɛ́ɛ̀. 11Afɔ̀#ɛ́ ní dzɛ́ ní: Nóoru yèé gìɖì#ɛ́, à bíma ɔnɔkɛ̃̀ɛ̃-kã̀ fú ŋa. Agbanɛlà ni, tsí òŋu ní dzɛ́ Kírísítò, Ɔlá-ŋa á. Ńǹlú-Ɖàfíɖì ní à bíi#ɛ́. 12Tsí ó ní: Òŋu nákó ɖíre bí à nákó tse fáà, tsí ríi mà#á fú ŋa. Bí à lɔ bɛ̀, à nákó rí ɔma titɔ̃-kã̀ ńǹɖìgbé-ɛrã ŋa, tsí à mú atsɔ, tsí ń wée, tsí múu tɛ́ si ńǹɖì-ìdzɛ-ɛrã ŋa si.

13Ńǹɖì-bɛ̀ gbòkã́ gé#ɛ́, kíbí adzítsɛ́-ɔ̀rɔ̃#ɛ́ wíìnyɛ̀ tã́#á, adzítsɛ́-ɔ̀rɔ̃ òmírɛ̃̀ ŋa gbo tsɛ́ kì, tsí wáa báa. Tsí à wà nyɛ Ɔ̀ɖáyé, tsí wà fɔ̀ ní:

14Kùsɛ̀ɛ̀ fú Ɔ̀ɖáyé nɔ́ɔ̀rɔ̃,

tútùúrɔ̀ fú ɔ̀nyà ŋa ńǹtalɛ̀,

fú ɛnɛ yèé ŋa ó wà nɛ́ àmúɖɔ̃̀ fú#ɛ́.

15Kíbí à wí bɛ́ɛ̀ tã́#á, à sɛ̃̀ lɔ nɔ́ɔ̀rɔ̃. Tsí aró-àgùɖã̀ ŋa#á wà fɔ̀ ní: Àŋa gbo, àŋa kó ǹɖe lɔ ńBɛ̀tɛ̀lɛ̀hɛ́mì gbòkã́, tsí àŋa kó lɔ káà rí iŋɛ́ yèé Ɔlɔ́dzɔ́ fɔ̀ fú àŋa gbà ńǹtá-adzítsɛ́-ɔ̀rɔ̃#ɛ́.

16Tsí à ǹɖe nɛ́sɛ̀ nɛ́sɛ̀, tsí dzì nɔ́ɔ̀nà, tsí lɔ káà rí iŋɛ́ ŋa#á bɛ́ɛ̀. Kíbí à káà tó#ɛ́, à rí Yòsɛ́fù òŋu Màríyà. Ɔma#á gbo wà bɛ̀ si, tsí à múu tɛ́ si ńǹɖì-ìdzɛ-ɛrã ŋa. À rí iŋɛ́ ŋa#á bɛ́ɛ̀ ìɖéǹɖè. 17Kíbí à ríi#ɛ́, iŋɛ́ yèé adzítsɛ́-ɔ̀rɔ̃#ɛ́ fɔ̀ fú ŋa ti nára-maɖé#ɛ́, à wà kpɛ̀rɔ́‐ɛ̀ fú ɛnɛ yèé wà bɛ̀ ŋa#á. 18Tsí ɛnɛ yèé gbɔ́ afɔ̀-ŋa#á, ó mu àŋa kpó, àtsùgbée afɔ̀ yèé aró-ɛrã ŋa#á wí fú ŋa#á.

19Ńbɛ̀ɛ́, Màríyà òŋu gbɔ́ afɔ̀ ŋa#á, tsí ń si ńnɔ́ si, tsí sɛ̃̀ wà tédzú-ŋa nɛ́kpa nɛ́kpa. 20Tsí aró-àgùɖã̀ ŋa#á sɛ̃̀ kpaɖà wáa lɔ. Kíbí à bɔ̀ wáa làkóò#ɛ́, à wà fɔ̀ ní Ɔ̀ɖáyé lákṹ oo, tsí à wà nyɛ̀ɛ́, àtsùgbée iŋɛ́ yèé à gbɔ́, tsí rí ŋa#á. Ìɖéǹɖè#ɛ́, iŋɛ́ ŋa#á lɔ bɛ́ɛ̀, kíbí adzítsɛ́-ɔ̀rɔ̃#ɛ́ fɔ̀ɔ́ fú ŋa gbà#á.

21Tsí ó ɖi nɔ́dzɔ́-ɛ̀kɛ́ɛdzɔ‐ɛ̀, tsí à ɖákó† fú ɔma#á, tsí sɔɔ́ ní Yèésù. Ɛ́kɔ#ɛ́ ní adzítsɛ́-ɔ̀rɔ̃#ɛ́ ti ɖíre fú ìná‐ɛ̀ si dzɔ̀ɔ́ dzɔ̀ɔ́, tã́ná kó nɛ́fũ̀‐ɛ̀ gìɖì#ɛ́.

À dzíkɔ̀-Ɔ̀ɖáyé ti nára-Yèésù

22Kíbí ɛkpa-Ɔlɔ́dzɔ́ fɔ̀ɔ́ si ńǹwé-Mɔ̀ɔ́sè†#ɛ́, ìwèrè wáa tó fú Màríyà† ní kó lɔ káà gba àfárá. Tsí ó ǹɖe lɔ òŋu Yòsɛ́fù† méèdzì ńYèrúsàlɛ́mì. Tsí à kɛ́ maɖé#ɛ́ gbo lɔ, tsí ká tsorò-àtsɛ̀rɛ̀bí fúu. 23À ti kɔɔ́ si ńǹwé-ɛkpa-Ɔlɔ́dzɔ́ ní: “Àtsɛ̀rɛ̀bí-kã̀, bí ó dzɛ́ ɔma ɔnɔkɛ̃̀ɛ̃ ni, ti Ɔlɔ́dzɔ́ ni.”#2:23 Ìwé-Fúfùɖá 13:2, 12, 15 (Exode 13:2, 12, 15) Ńnɛ̀ ní à kɛ́ maɖé#ɛ́ lɔ ńɖi-Ɔlɔ́dzɔ́#ɛ́. 24Tsí à lɔ, tsí ká káà gba àfárá kíbí ó wà nɛ́kpa#á gbà#á. Ɛkpa#á wà fɔ̀ ní: Ká nɛ́ àɖàbà méèdzì nàmí ɔma-àlúǹkùkù méèdzì, tsí ń gba àfárá#á.#2:24 È káà kã Ìwé-Orò ŋa 12:8 (Lévitique 12:8).

25Ńǹwèrè nyɛ̀ŋɛ̀#ɛ́, ɔ̀nyà-kã̀ wà ńǹlú-Yèrúsàlɛ́mì. À náa kpèé ní Sìmɛ̀yɔ́nì. Ó dzɛ́ atsòtítɔ́, tsí náa wà nɛ́ àrísá gbo fú Ɔ̀ɖáyé, tsí ó wà ɖóro ɖe àsòkò yèé Ɔ̀ɖáyé nákó wáa gba ɔma-Ìsàràyɛ́lì† ŋa là#á, tsí Mímí-Ɔ̀ɖáyé† gbo wà ńǹtá‐ɛ̀ si. 26Mímí-Ɔ̀ɖáyé ti wí fúu ní: Nákó rí Kírísítò† Agbanɛlà yèé Ɔlɔ́dzɔ́ nákó bɛ̀ wá#á tã́ná kó kú. 27Tsí Sìmɛ̀yɔ́nì ǹɖe, tsí Mímí-Ɔ̀ɖáyé gbɛ̃́ɛ̃ lɔ nɔ́gbà-ilé-Ɔ̀ɖáyé†. Náàsòkò nyɛ̀ŋɛ̀#ɛ́, boba-Yèésù ŋa gbo kɛ́ Yèésù wá, tsí ká wáa tsorò-àtsɛ̀rɛ̀bí fúu, kíbí ɛkpa#á fɔ̀ɔ́ si#ɛ́. 28Kíbí à tó#ɛ́, ó gbàá banɛ́, tsí kpé Ɔ̀ɖáyé nyínyɛ̀ ní:

29Óò, Ɔlá-mi, ǹ wà kíɛ. Ò sã àlé-ɛ̀ɛ ńǹkɛ̀ɛ́.

Báàyí#ɛ́, nàa nyáa kɔ arú-ɛ̀ɛ dzɔ̀ɔ́,

tsí kó káà míra ńlé-ikú, 30iŋɛ́ yèé tse#ɛ́,

Agbanɛlà yèé ò bɛ̀ wá#á, odzú-mi gìɖì kã̀ã́.

31Ò kpaɖí fúu nódzú-ìlú kpó náyé gbaŋgba#á.

32Nákó kɛ́ éwo-ɔma-Ìsàràyɛ́lì ŋa lɔ ńǹgbèrí.

Nákó dzɛ́ kanɖé, tsí nya mímá-ɛ̀ɛ,

tsí ń ŋa ɔ̀nyà-àtíbɔ̀ ŋa kpó náàdzàkáyé#ɛ́.

33Kíbí ó wí bɛ́ɛ̀ tã́#á, boba-maɖé#ɛ́ òŋu ìná‐ɛ̀ méèdzì, à kí dzã̀maa náàtsùgbé-afɔ̀ yèé ó fɔ̀ ti nára-ɔma#á.

34Tsí Sìmɛ̀yɔ́nì tu kùsɛ̀ɛ̀ fú ŋa, tsí ó nyí, tsí wà wí fú Màríyà ní: Ɔ̀ɖáyé tsã ɔma yèé bɛ́, ní kó wá ńlɛ̀-Ìsàràyɛ́lì, tsí kó wáa ɖá tsútsubú-ɔ̀nyà kpíkpɔ̀ si, tsí kó kɛ́ ɔ̀nyà kpíkpɔ̀ gbo ǹɖe. Nákó nya Ɔ̀ɖáyé ɖíre fú ŋa, tsí à nákó wíìnyɛ̀-íbàɖí nára‐ɛ̀, tsí nákó ɖi ɔ̀tɛ̀-ŋa. 35Bɛ́ɛ̀ ní nákó mú afɔ̀-inɔ́-ɔ̀nyà kpíkpɔ̀, tsí ń si ńgbaŋgba#á. Ó ɖi, ìwɔ ìná‐ɛ̀, bí ò wáa rí bɛ́ɛ̀, nákó ɖɔ̃̀ɛ́ kíbí à wà mú tàsú, tsí wà ń gú ɛ̀ɖɔ̃̀‐ɛ̀ɛ bɛ́.

36Náàsòkò nyɛ̀ŋɛ̀#ɛ́, màmáarígbó-kã̀ gbo wà, agbáfɔ̀-Ɔ̀ɖáyé fɔ̀†-kã̀ ni. À náa kpèé ní Ánà. Ánà#á, ɔma-Fànùwɛ́lì ni, tsí ó ti náro-Àsérì. Tsí ó gbó tó bɛ́ɛ̀. Kíbí ó ǹɖe néèkíɖã#á, ó nɔ́kɔ, tsí gbé náànkpã̀nàkũ̀‐ɛ̀ títí fú ɔɖɔ̃́ méedze, tsí ɔkɔ#ɛ́ wáa kú. 37Ɔkɔ#ɛ́ kú ɔɖɔ̃́ mɛ́ɛrɛ̃ lé nɔ́gɔ́ɔrɛ̃‐ɛ̀ ńnɛ̀ɛ́. Tsí ó ɖi okpó si. Ńǹwèrè kíìwèrè, náa wà nɔ́gbà-ilé-Ɔ̀ɖáyé si gé ni. Òsã́-kã̀, òru-kã̀, náa wà sɛ̃ Ɔ̀ɖáyé nárũ ɖíɖì òŋu ńǹre wúwú.

38Ńǹwèrè yèé Sìmɛ̀yɔ́nì wà wíìnyɛ̀#ɛ́, òŋu gbo wáa tó ńɖi-ŋa. Tsí kíbí ó rí ɔma#á, ó kpé ɔkpɛ́ ɖíɖá fú Ɔ̀ɖáyé, tsí wà wíìnyɛ̀ ti nára-ɔma#á fú ɔ̀nyà ŋa. Ó wà wíi fú ɛnɛ yèé ŋa wà ɖóro ɖe àsòkò yèé Ɔ̀ɖáyé nákó gba ɛnɛ-Yèrúsàlɛ́mì ŋa dzɔ̀ɔ́#ɛ́ ni.

39Kíbí boba-Yèésù ŋa tse tã́ kpó si nɛ́kpa-Ɔlɔ́dzɔ́#ɛ́, à sɛ̃̀ bɔ̀ wáa lɔ ńǹlú-ŋa ńNàsàrɛ́tì, nérè-Gàlìlé. 40Ńbɛ̀ɛ́, ɔma#á wà ɖonùgbó, tsí wà náàmí máa. Tsí ó wà mùrã̀ gbo, tsí ɛ̀tsɛ-Ɔ̀ɖáyé gbo wà ńǹtá‐ɛ̀ si.

Yèésù nɛ́ ɔɖɔ̃́ máàméèdzì, tsí wáa lɔ ńlé-Ɔ̀ɖáyé

41Nɔ́ɖɔ̃́ kɔ́ɖɔ̃́#ɛ́, boba-Yèésù òŋu ìná‐ɛ̀, à náa lɔ ńYèrúsàlɛ́mì káà dzɛ ɔɖɔ̃́-Àɖádzɔ̀ɔ́†. 42Kíbí Yèésù wáa nɛ́ ɔɖɔ̃́ máàméèdzì#ɛ́, boba‐ɛ̀ ŋa gbɛ̃́ òŋu gbo lɔ káà dzɛ ɔɖɔ̃́#ɛ́, kíbí à náa ti tseé#ɛ́. 43Kíbí à dzɛ ɔɖɔ̃́#ɛ́ tã́#á, à sɛ̃̀ nyí kpaɖà wáa làkóò ńǹlú-ŋa.

Tsí Yèésù òŋu kí ńYèrúsàlɛ́mì bɛ̀, tsí boba‐ɛ̀ ŋa kò mà. 44À ɖédzú ó wà náàŋírĩ-arɛ̃̀nà ŋa si ni. Tsí à rɛ̃̀ títí fú ɔdzɔ́-kã̀, tsí à kò ríi. Tsí à kpée wíwò náàŋírĩ-ɔ̀nyà-ara‐ɛ̀ ŋa òŋu ɔ̀nyà mímà ŋa títí à kò ríi. 45Tsí à sɛ̃̀ dzì nɔ́ɔ̀nà-Yèrúsàlɛ́mì, tsí sɛ̃̀ wòó làkóò. Tsí à wòó títí káà tó ńǹlú#ɛ́, tsí à kò ríi.

46Tsí ó ɖi nɔ́dzɔ́-ɛ̀kɛ́ɛta‐ɛ̀ ńǹkɛ̀ɛ́, tsí à lɔ káà ríi nɔ́gbà-ilé-Ɔ̀ɖáyé. Tsí ó dzokó si náàŋírĩ-akɔ́nɛ nɛ́kpa-Ɔ̀ɖáyé† ŋa, tsí wà rɛ̃tígbè-ŋa, tsí wà bèrè ŋá náfɔ̀. 47Ɛnɛ yèé wà bɛ̀ ŋa, tsí wà gbɔ́ afɔ̀‐ɛ̀ ŋa#á, ó mù ŋá si náàtsùgbée kíbí ó dziná tó#ɛ́. À rí ní ó wà gbɔ́ òkpì-afɔ̀-ŋa#á rere, tsí wà dzɔ́ŋù‐ɛ̀ òŋu ìrã̀ã́mà.

48Kíbí boba‐ɛ̀ ŋa ríi#ɛ́, ó tsàlá fú ŋa, tsí ìná‐ɛ̀ wà fɔ̀ fúu ní: Ɔma-mi, kí tse tsí ò tse bá wa bɛ́ɛ̀? Èmi boba‐ɛ̀ɛ, àa wà wòɛ́ wérí, tsí àa kò wà ríɛ, títí ɛ̀ɖɔ̃̀ wà ɖá wa.

49Tsí ó wà fɔ̀ fú ŋa ní: Kí tse tsí à wà wo òŋu wérí? À kò mà ní ńlé-boba-òŋu ní òŋu nákó wà si#ɛ́ɛ̀?

50Kíbí ó wí fú ŋa bɛ́ɛ̀#ɛ́, kò yé ŋa. 51Tsí ó ǹɖe, tsí tɛ̀ náànyì-ŋa wáa lɔ ńNàsàrɛ́tì. Tsí náa wà gbɔ̃́ɔ̃̀rã̀ fú boba‐ɛ̀ ŋa. Tsí afɔ̀ ŋa#á kpó kí ńnɔ́-ìná‐ɛ̀ si. Kò gbàgbé ŋa.

52Ńbɛ̀ɛ́, ó wà ɖonùgbó, tsí wà mùrã̀, tsí ìlò‐ɛ̀ wà dzɔdzú-Ɔ̀ɖáyé, tsí wà dzɔdzú-ɔ̀nyà ŋa gbo máa làkóò.

Currently Selected:

Lúkà 2: ngl

Highlight

Copy