លូកា 4

ឞ្រាសយេឆូ ទើយឞើសនាវនទើម

(មថ ៤:១-១១; មក ១:១២-១៣)

1ជេសរីឞ្រាសយេឆូ លោសឞើសទាករាលាយយោរដាន់ នហ៝មាឞ្រាសហ្វេងអ្វែសគុតាពាង់ងាន់ ជេសរីឞ្រាសហ្វេងអ្វែសអីក្ល៝សអ្វែសលែវពាង់តាឞ្រីរាទាសងាយឞើសប៝នងាន់។#នង ៣៤:២៨; ១កក ១៩:៨; ហេឞ ៤:១៥ 2តានតុកនៃកោរាញមពោលឞ្រាសអ្យើសនទើមពាង់ ៤០ នាង់ ៤០ នារ នោកនៃពាង់មោគែសអោសលាប់នទើឆោងឆាទូរាង្លៃតាឆាក់។ ជេសឞើសនៃពាង់ជីង៝តងាន់រ៝។ 3ជេសរីកោរាញមពោលឞ្រាសអ្យើសលាសមាពាង់៖ “លាសមៃក៝នកោរាញឞ្រាសងាន់ងេន ល៝ង់មៃដាៈលុអ្យាអ៝ន់ជេងនុមពាង់”។ 4ឞ្រាសយេឆូ អើស៖ “មោអោស លែៈឞូញចីសជេសតានាវកោរាញឞ្រាសងើយ៖ «ឞូនុយ្សមោអោសរេសតាៈឞើសនទើឆោងឆាទើម»#នវ ៨:៣”។ 5ជេសរីកោរាញមពោលឞ្រាសអ្យើសលែវឞ្រាសយេឆូ តានតុកព្រេស ញហើទូនទ៝ម់ទើមអ៝ន់ពាង់ឆៃទឹងលែៈឞ្រីទាកតានែសនតូអ្យា។ 6ជេសរីលាសមាឞ្រាសយេឆូ ៖ “គ៝ប់អ៝ន់នាវទើយមាមៃម៝ត់អ្វាញ់ទឹងលែៈឞ្រីទាកអីនៃ នទ្រែលមាលែៈទ្រាប់នទើនាវខ្លៃគែសតាឞ្រីទាកអីនៃ គ៝ប់អ៝ន់មាមៃទាទេ យ៝រលាសលែៈទ្រាប់នទើអីនៃនើសជេងទ្រាប់នទើគ៝ប់នើមទាទេ ឞូម៝សគ៝ប់អុចអ៝ន់ទុតតាគ៝ប់នើមទើម។#លក ៩:២៥ 7លាសនទ្រីមៃយើកមឞាសមាគ៝ប់ទោ នទ្រីមើទឹងលែៈទ្រាប់នទើអីនៃជេងទ្រាប់នទើមៃទាទេរ៝”។ 8ឞ្រាសយេឆូ លាសមាពាង់៖ “មោអោស លែៈឞូញចីសជេសតានាវកោរាញឞ្រាសងើយកាល់អែនើស៖

«ដាៈខាន់អៃមៃយើកមឞាសមាកោរាញឞ្រាសអីឞ្រាសខាន់អៃមៃនើមទើមហ៝ៈ

ជានការអ្យាត់នាវទូហ្វេពាង់អីនៃទើមហ៝ៈ»#នវ ៦:១៣”។

9ជេសឞើសនៃពាង់លែវឞ្រាសយេឆូ លាប់តាប៝នក្វ៝ង់យេរូឆាលឹម ជេសរីអ៝ន់ឞ្រាសយេឆូ ទ៝ក់តាកាលើច៝រញីសជានឞ្រាសមាកោរាញឞ្រាស តានតុកអីទុតព្រេសនៃ ពាង់លាសមាឞ្រាសយេឆូ ៖ “លាសមៃក៝នកោរាញឞ្រាសងាន់ងេន ល៝ង់មៃញឆាត់ជឹតទ៝ង់ឆូ‌ 10យ៝រលាសលែៈឞូញចីសជេសតានាវកោរាញឞ្រាសងើយ៖

«កោរាញឞ្រាសដាៈតោងពារ់ពាង់នើមហាន់

ម៝ត់ញជ្រាង់មៃ។

11តីពាង់ទ្រើមៃ‌

មោអោសអ៝ន់ជ៝ង់មៃគែសញចិញមាលុ»#នម ៩១:១១-១២”។

12 ឞ្រាសយេឆូ អើសលាស៖ “លែៈឞូញចីសជេសតានាវកោរាញឞ្រាសងើយលាស៖ «លើយអោសរាល៝ងនាវទើយកោរាញឞ្រាសអីឞ្រាសមៃនើម»#នវ ៦:១៦”។ 13លែៈជេសអាប់ផ្យៅពាង់នទើមឞ្រាសយេឆូ ជេសរីពាង់ទូតាៈឞើសឞ្រាសយេឆូ រីនហ៝មាក៝ប់ត៝ត់ទីនារជឹត។

ឞ្រាសយេឆូ នតើមមឞើសនាវមហែមហានអ្វែស

(មថ ៤:១២-១៧; ១៣:៥៣-៥៨; មក ១:១៤-១៥; ៦:១-៦)

14ជេសរីឞ្រាសយេឆូ ព្លឹឆឹតតាឞ្រីកាលីលេ ។ នាវទើយឞ្រាសហ្វេងអ្វែសគុតាពាង់។ ជេសរីឞូលឺឆាក់ពាង់អាប់នតុកតាឞ្រីអីនៃ។ 15ពាង់គុនតុមនតីឞូអាប់នតុកតាញីសរាបុនខាន់ពាង់នើម អាប់ឞូនុយ្សរានេពាង់ទាទេងាន់។ 16គែសទូនាររីឞ្រាសយេឆូ ហាន់តាប៝ននាឆារែត នតុកពាង់គុឞើសជេៈនើស។ តឹងមានាវវៃពាង់នើស នារឆាបាត់ អីនាររាលូផូងអីឆ្រាអែល ពាង់ហាន់តាញីសរាបុន។ ជេសរីពាង់ទ៝ក់គៃមានទ្រាប់រ៝ៈនាវកោរាញឞ្រាសងើយអ៝ន់ឞូអ្យាត់។ 17ជេសរីឞូឆ៝ៈនាវកោរាញឞ្រាសងើយ ឆ៝ម់បុតអេឆាយ ញចីសអីឞូនុយ្សនតើយ្សនាវងើយកោរាញឞ្រាសកាល់អែនើស នទឹអ៝ន់ឞ្រាសយេឆូ ។ ជេសរីពាង់ពើកលីង#៤:១៧៖ នោកនៃឞូអេហ៝ៈគែសអោសនហារាដាយ្សកើតអាបៃអ្យា ឞូញចីសតានហារាដាយ្សទូនហាជ៝ងងាន់ ជេសរីឞូក្លោននហារាដាយ្សអីនៃ។អ្វាញ់តាព្លាង់នតុកអេឆាយ ញចីសលាស៖

18«ឞ្រាសហ្វេងអ្វែស#៤:១៨៖ មោលាស «ហ្វេងកោរាញឞ្រាស»។គុតាគ៝ប់‌

ពាង់លែៈកើយ្សគ៝ប់#៤:១៨៖ «ពាង់កើយ្សគ៝ប់» តានាវងើយគ្រែក លាស៖ «ពាង់ត៝ៈទាកងីតាឞោកគ៝ប់»។

គៃមាគ៝ប់លែវនាវមហែមហានអ្វែសមឞើសមាឞូនុយ្សអ៝អាច។

ពាង់ដាៈគ៝ប់ហាន់មឞើសងក៝ចនាវរាក្លាយ្សអ៝ន់មាឞូនុយ្សអីឆាតាង់ អីកោរាញមពោលឞ្រាសអ្យើសលែៈញុបក៝ត់ កោរាញឞ្រាសទែទ្រីសបើកទាទេ។

ពាង់ដាៈគ៝ប់ហាន់មឞើសងក៝ចមាឞូនុយ្សចែសមាត់អ៝ន់ឆៃអាង#៤:១៨៖ “មឞើសងក៝ចមាឞូនុយ្សចែសមាត់អ៝ន់ឆៃអាង”៖ ត្រ៝ងអ្យាគែសឞារនតីលនាវខ្លៃ ១. ឞ្រាសយេឆូ ជានឞូនុយ្សចែសមាត់អ៝ន់ឆៃអាងងាន់ ២. ឞូនុយ្សអីមោគឹតនាល់កោរាញឞ្រាសខាន់ពាង់តឹមឞានអីឞូនុយ្សចែសមាត់ ជេសរីឞ្រាសយេឆូ មឞើសងក៝ចនាវកោរាញឞ្រាសមាខាន់ពាង់។។

ជេសរីដាៈគ៝ប់រាក្លាយ្សឞូនុយ្សឞូតុនជ៝ត។

19នហ៝មាមឞើសនាម់កោរាញឞ្រាសយោៈនអាចលែៈត៝ត់»។

20លោចជេសឞ្រាសយេឆូ រ៝ៈនាវអីនៃ ពាង់ក្លោននាវកោរាញឞ្រាសងើយនទឹអ៝ន់មាឞូនុយ្សម៝ត់ញីសរាបុន ជេសរីពាង់គុនតីនាវអីនៃ។ លែៈឞូនុយ្សគុតាត្រោមញីសអីនៃអ្វាញ់ផ៝ង់រាវលាវជឹតពាង់រីទាទេ។ 21ជេសរីឞ្រាសយេឆូ លាស៖ “លែៈនាវកោរាញឞ្រាសងើយអីខាន់អៃមៃតាង់នទើសនើស នារអ្យាលែៈត៝ត់ងាន់រ៝”។

22ឞើសនតើមទឹងលែៈឞូនុយ្សតានៃខាន់ពាង់មអាករានេមាឞ៝រ់មឞូងពាង់ទាទេ តាង់នាវពាង់នតីនើសឞ្លាវអ្វែសងាន់។ ជេសរីគែសឞូនុយ្សតឹមរាលាច់មានាវពាង់មឞើសអីនៃនើស ខាន់ពាង់លាស៖ “ហៃ! មើមពាង់ឞាញ់ងើយកើតនៃ? យ៝រលាសពាង់អីនៃក៝នយោឆែប ទើម”។#លក ៣:២៣ 23ឞ្រាសយេឆូ លាសមាខាន់ពាង់៖ “ងាន់រ៝ ខាន់អៃមៃឆ៝ៈនាវងើយនតឹតអ្យាលាសមាគ៝ប់៖ «ហើយកោរាញទាកឆី ឆាម់ឞាសឆាក់មៃនើមល៝រប៝ត់» គែសនាវខ្លៃលាស «ហេនលឺតាង់នាវមៃលែៈជានតាប៝នកាពើនិម ល៝ង់ជានតៃនាវអីនៃតាប៝នមៃនើមអ្យាដ៝ង់»”។ 24ឞ្រាសយេឆូ លាសតៃមាខាន់ពាង់៖ “គ៝ប់លាសនហេលនានេៈងាន់មាខាន់អៃមៃ ឞូនុយ្សនតើយ្សនាវងើយកោរាញឞ្រាសតាប៝នពាង់នើមមោគែសអោសឞូអ្យាត់នាវពាង់។#យហ ៤:៤៤ 25ឞូនុយ្សនតើយ្សនាវងើយកោរាញឞ្រាសកាល់អែនើស រាញាពាង់អេលីយា នោកនៃគែសនាម់ផាងជ៝ៈពែនាម់ងគូល មោគែសអោសនទើឆោងឆា គែសនាវជីឆ៝ត់ជីង៝តក្វ៝ង់លាមឞ្រី។ គែសអ៝ក់ដ៝ង់ឞូអូរនទ្រោតាឞ្រីអីឆ្រាអែល ។#១កក ១៧:១, ៨-១៦ 26យើនមាកោរាញឞ្រាសមោអោសដាៈពាង់ហាន់កើលទូហ្វេឞូអូរនទ្រោអីនៃ ពាង់ដាៈហាន់កើលងខើងទូហ្វេឞូអូរនទ្រោតាឞ្រីឆីដោន ប៝នឆារិបដា រី។ 27គែសទូហ្វេជឹតឞូនុយ្សនតើយ្សនាវងើយកោរាញឞ្រាសកាល់អែនើស រាញាពាង់អេលីឆេ គែសអ៝ក់ឞូនុយ្សផុងឆា#៤:២៧៖ មោលាស «ឞូនុយ្សអ្យើសឆាក់»។តាឞ្រីអីឆ្រាអែល មោអោសទូហ្វេឞាស ទើនឞាសទូហ្វេតាផូងឞ្រីឆីរី ទើមរាញាពាង់នាមាន់ #៤:២៧៖ នាមាន់ មោអោសទីផូងអីឆ្រាអែល ។”។#២កោ ៥:១-១៤

28ត៝ត់មាតាង់នាវឞ្រាសយេឆូ ងើយកើតរី លែៈឞូនុយ្សគុអ្យាត់ជីនូយ្សមាពាង់ទាទេងាន់។ 29ជេសរីខាន់ពាង់ទ៝ក់ទ្រឺមញជោមជុមឞ្រាសយេឆូ តេកងលោសពាង់ទូលោសឞើសប៝នឞូជានតាកាលើយោកនៃ លែវពាង់ជឹតជ្រែងយោករីគៃមាងក្លឹជឹតទ៝ង់ឆូ។#យហ ៨:៥៩; ១០:៣៩ 30យើនលាសឞ្រាសយេឆូ ឞ្រោៈរ៝ៈវាសវាងឞូនុយ្សអ៝ក់លោសឞើសនតុកនៃ។

ឞ្រាសយេឆូ នត្រុតឞ្រាសអ្យើសទូឞើសឞូនុយ្ស

(មក ១:២១-២៨)

31ជេសរីឞ្រាសយេឆូ ហាន់ជឹតប៝នកាពើនិម តាឞ្រីកាលីលេ ។ អាប់នារឆាបាត់ អីនាររាលូផូងអីឆ្រាអែល ឞ្រាសយេឆូ នតុមនតីឞូតាញីសរាបុន។#មថ ៤:១៣ 32ឞូនទ្រ៝ត់ហីសរាហ៝ល់ងាន់តាង់នាវពាង់នតីអីនៃ យ៝រលាសនាវងើយពាង់គែសនាវទើយ តីសឞាល់ដាសនាវឞូអេងៗនតី។#មថ ៧:២៨-២៩; យហ ៧:៤៦ 33គែសទូនារឆាបាត់ តាញីសរាបុននៃគែសទូហ្វេឞូក្លោឞ្រាសអ្យើសលាប់តាឆាក់ពាង់ ជានអ៝ន់នតែរទុតទាង់ៗលាស៖ 34“អើឞ្រាសយេឆូ តាៈឞើសប៝ននាឆារែត ! លើយមៃរាខ្វាកហេន មៃហាន់អុចលើសលើយហេនឞើស? គ៝ប់នាល់មៃងាន់ មៃអីនៃអីឞូនុយ្សក្ល៝សអ្វែសតាៈឞើសកោរាញឞ្រាស”។#លក ៨:២៨ 35ឞ្រាសយេឆូ ទែមឞ្រាមឞ្រាសអ្យើសអីនៃ៖ “លើយហោមងើយ គុអ្យាត់ឆាក់រាក្លាក់ហ៝ៈ ទូលោសហ៝ម់ឞើសឞូនុយ្សអីនៃ!” ឞ្រាសអ្យើសលើសឞូក្លោអីនៃអ៝ន់ពាង់ចោតតានាប់ឞាល់ផូង ជេសរីលោសប្ហុចឞើសឞូនុយ្សអីនៃ មោអោសអ៝ន់អោឞាល់គែសនាវជី។ 36ទឹងលែៈឞូនុយ្សឆៃកើតនៃនើស នទ្រ៝ត់ហីសរាហ៝ល់ទាទេងាន់ ជេសរីតឹមលាសនទ្រាង់ខាន់ពាង់នើម៖ “ហៃ! មើមនាវងើយពាង់អីនៃទឹងតាមងាន់ហ្យាស ទើយដាៈឞ្រាសអ្យើសលោស លោសងាន់រ៝”។ 37ឞូលឺរាញាឆាក់ឞ្រាសយេឆូ លាមនតុកអាប់ប៝នអីនៃងាន់រ៝។

អ៝ក់ឞូនុយ្សជី ឞ្រាសយេឆូ ជានអ៝ន់ឞាស

(មថ ៨:១៤-១៧; មក ១:២៩-៣៤)

38ជេសឞ្រាសយេឆូ លោសឞើសញីសរាបុននៃ ហាន់ជឹតជៃឆីមោន តាជៃអីនៃមេៈព៝ឆីមោន គែសនាវជី តាឆាក់ពាង់ទោសហោងាន់ ឞូទាន់ឞ្រាសយេឆូ ជានអ៝ន់ឞាសព៝ពាង់អីរី។#១កោ ៩:៥ 39ជេសរីឞ្រាសយេឆូ ហាន់តាឞូនុយ្សជីអីនៃ នហ៝មាមឞ្រាមនាវជីអីរី នាវជីឞាសនទាលរ៝។ ជេសរីពាង់ទ៝ក់ដឺបជានការនទ្រាប់នទើឆោងឆាអ៝ន់មាឞូនាច់អីគុតាជៃនៃ។ 40ត៝ត់កេងមាង់ឞូនុយ្សតាប៝នអីនៃខាន់ពាង់លែវអ៝សនោអីគែសនាវជីអេងៗរានម៝ប់ឞ្រាសយេឆូ ។ ពាង់តេៈតីកាលើឆាក់ផូងឞូនុយ្សជីអីនៃអាប់ខាន់ពាង់ ជានខាន់ពាង់ឞាសជីទាទេ។ 41គែសឞូនុយ្សអ៝ក់ឞ្រាសអ្យើសលោសឞើសឆាក់ខាន់ពាង់ នហ៝មានតែរលាស៖ “មៃក៝នកោរាញឞ្រាស!” យ៝រលាសខាន់ពាង់គឹតឞ្រាសយេឆូ ឞ្រាសក្រីស អីនើមរាក្លាយ្សតាៈឞើសកោរាញឞ្រាសទែញជ្វាល់។ តីសមាឞ្រាសយេឆូ មឞ្រាមមពោលឞ្រាសអ្យើសមោអ៝ន់អោសងើយ។

42ត៝ត់អើមអោយអោយតៃរី ឞ្រាសយេឆូ លោសឞើសប៝នអីនៃហាន់ទូហ្វេអេងតានតុករាទាសងាយដាសឞូនុយ្សគៃមាមឞើសឆើម។ យើនមាគែសផូងប៝នលានតឹងជ៝យពាង់គ្រ៝ចៗងាន់ ត៝ត់ឆៃឞ្រាសយេឆូ ខាន់ពាង់ក៝ន់គុនទ្រែលមោអ៝ន់អោសពាង់ទូឞើសខាន់ពាង់។ 43ឞ្រាសយេឆូ លាសមាខាន់ពាង់៖ “កោរាញឞ្រាសដាៈគ៝ប់មឞើសនាវមហែមហានអ្វែសជេងកោរាញឞ្រាសអុចម៝ត់អ្វាញ់ឞូនុយ្ស អ៝ន់មាប៝នអេងៗជឹត យ៝រនាវអ្យាទឹងពាង់ដាៈគ៝ប់ហាន់តាអ្យា”។#លក ៨:១ 44ជេសរីឞ្រាសយេឆូ មឞើសងក៝ចនាវមហែមហានអ្វែសអាប់ញីសរាបុនផូងអីឆ្រាអែល រ៝ៈឞ្រីកាលីលេ #៤:៤៤៖ តានាវងើយគ្រែក ឆ៝ម់បុតអើមអីញចីសមាតីអាបាៈគែសញចីសលាស៖ «យូដា »។រី។

Currently Selected:

លូកា 4: cmoK

Highlight

Copy