Popular Bible Verses from លូកា 4

Share

«ឞ្រាស​ហ្វេង​អ្វែស​គុ​តា​គ៝ប់‌ ពាង់​លែៈ​កើយ្ស​គ៝ប់ គៃ​មា​គ៝ប់​លែវ​នាវ​មហែ​មហាន​អ្វែស​មឞើស​មា​ឞូនុយ្ស​អ៝​អាច។ ពាង់​ដាៈ​គ៝ប់​ហាន់​មឞើស​ងក៝ច​នាវ​រាក្លាយ្ស​អ៝ន់​មា​ឞូនុយ្ស​អី​ ឆាតាង់  ​អី​កោរាញ​មពោល​ឞ្រាស​អ្យើស​លែៈ​ញុប​ក៝ត់ កោរាញ​ឞ្រាស​ទែ​ទ្រីស​បើក​ទាទេ។ ពាង់​ដាៈ​គ៝ប់​ហាន់​មឞើស​ងក៝ច​មា​ឞូនុយ្ស​ចែស​មាត់​អ៝ន់​ឆៃ​អាង។ ជេសរី​ដាៈ​គ៝ប់​រាក្លាយ្ស​ឞូនុយ្ស​ឞូ​តុន​ជ៝ត។ នហ៝​មា​មឞើស​នាម់​កោរាញ​ឞ្រាស​យោៈ​នអាច​លែៈ​ត៝ត់»។

ឞ្រាស​យេឆូ  ​លាស​មា​ពាង់៖ “មោ​អោស លែៈ​ឞូ​ញចីស​ជេស​តា​នាវ​កោរាញ​ឞ្រាស​ងើយ​កាល់​អែ​នើស៖ «ដាៈ​ខាន់​អៃ​មៃ​យើក​មឞាស​មា​កោរាញ​ឞ្រាស​អី​ឞ្រាស​ខាន់​អៃ​មៃ​នើម​ទើម​ហ៝ៈ ជាន​ការ​អ្យាត់​នាវ​ទូ​ហ្វេ​ពាង់​អី​នៃ​ទើម​ហ៝ៈ»”។

ឞ្រាស​យេឆូ  ​អើស៖ “មោ​អោស លែៈ​ឞូ​ញចីស​ជេស​តា​នាវ​កោរាញ​ឞ្រាស​ងើយ៖ «ឞូនុយ្ស​មោ​អោស​រេស​តាៈ​ឞើស​នទើ​ឆោង​ឆា​ទើម»”។

ជេសរី​ ឞ្រាស​យេឆូ  ​លោស​ឞើស​ទាក​រាលាយ​ យោរដាន់  ​នហ៝​មា​ឞ្រាស​ហ្វេង​អ្វែស​គុ​តា​ពាង់​ងាន់ ជេសរី​ឞ្រាស​ហ្វេង​អ្វែស​អី​ក្ល៝ស​អ្វែស​លែវ​ពាង់​តា​ឞ្រី​រាទាស​ងាយ​ឞើស​ប៝ន​ងាន់។

ឞ្រាស​យេឆូ  ​អើស​លាស៖ “លែៈ​ឞូ​ញចីស​ជេស​តា​នាវ​កោរាញ​ឞ្រាស​ងើយ​លាស៖ «លើយ​អោស​រាល៝ង​នាវ​ទើយ​កោរាញ​ឞ្រាស​អី​ឞ្រាស​មៃ​នើម»”។

លែៈ​ជេស​អាប់​ផ្យៅ​ពាង់​នទើម​ ឞ្រាស​យេឆូ  ជេសរី​ពាង់​ទូ​តាៈ​ឞើស​ ឞ្រាស​យេឆូ  ​រី​នហ៝​មា​ក៝ប់​ត៝ត់​ទី​នារ​ជឹត។

ជេសរី​កោរាញ​មពោល​ឞ្រាស​អ្យើស​លែវ​ ឞ្រាស​យេឆូ  ​តា​នតុក​ព្រេស ញហើ​ទូ​នទ៝ម់​ទើម​អ៝ន់​ពាង់​ឆៃ​ទឹង​លែៈ​ឞ្រី​ទាក​តា​នែស​នតូ​អ្យា។ ជេសរី​លាស​មា​ ឞ្រាស​យេឆូ  ៖ “គ៝ប់​អ៝ន់​នាវ​ទើយ​មា​មៃ​ម៝ត់​អ្វាញ់​ទឹង​លែៈ​ឞ្រី​ទាក​អី​នៃ នទ្រែល​មា​លែៈ​ទ្រាប់​នទើ​នាវ​ខ្លៃ​គែស​តា​ឞ្រី​ទាក​អី​នៃ គ៝ប់​អ៝ន់​មា​មៃ​ទាទេ យ៝រ​លាស​លែៈ​ទ្រាប់​នទើ​អី​នៃ​នើស​ជេង​ទ្រាប់​នទើ​គ៝ប់​នើម​ទាទេ ឞូ​ម៝ស​គ៝ប់​អុច​អ៝ន់​ទុត​តា​គ៝ប់​នើម​ទើម។ លាស​នទ្រី​មៃ​យើក​មឞាស​មា​គ៝ប់​ទោ នទ្រី​មើ​ទឹង​លែៈ​ទ្រាប់​នទើ​អី​នៃ​ជេង​ទ្រាប់​នទើ​មៃ​ទាទេ​រ៝”។ ឞ្រាស​យេឆូ  ​លាស​មា​ពាង់៖ “មោ​អោស លែៈ​ឞូ​ញចីស​ជេស​តា​នាវ​កោរាញ​ឞ្រាស​ងើយ​កាល់​អែ​នើស៖ «ដាៈ​ខាន់​អៃ​មៃ​យើក​មឞាស​មា​កោរាញ​ឞ្រាស​អី​ឞ្រាស​ខាន់​អៃ​មៃ​នើម​ទើម​ហ៝ៈ ជាន​ការ​អ្យាត់​នាវ​ទូ​ហ្វេ​ពាង់​អី​នៃ​ទើម​ហ៝ៈ»”។

ជេស​ឞើស​នៃ​ពាង់​លែវ​ ឞ្រាស​យេឆូ  ​លាប់​តា​ប៝ន​ក្វ៝ង់​ យេរូឆាលឹម  ជេសរី​អ៝ន់​ ឞ្រាស​យេឆូ  ​ទ៝ក់​តា​កាលើ​ច៝រ​ញីស​ជាន​ឞ្រាស​មា​កោរាញ​ឞ្រាស តា​នតុក​អី​ទុត​ព្រេស​នៃ ពាង់​លាស​មា​ ឞ្រាស​យេឆូ  ៖ “លាស​មៃ​ក៝ន​កោរាញ​ឞ្រាស​ងាន់​ងេន ល៝ង់​មៃ​ញឆាត់​ជឹត​ទ៝ង់​ឆូ‌ យ៝រ​លាស​លែៈ​ឞូ​ញចីស​ជេស​តា​នាវ​កោរាញ​ឞ្រាស​ងើយ៖ «កោរាញ​ឞ្រាស​ដាៈ​តោង​ពារ់​ពាង់​នើម​ហាន់ ម៝ត់​ញជ្រាង់​មៃ។ តី​ពាង់​ទ្រើ​មៃ‌ មោ​អោស​អ៝ន់​ជ៝ង់​មៃ​គែស​ញចិញ​មា​លុ»”។ ឞ្រាស​យេឆូ  ​អើស​លាស៖ “លែៈ​ឞូ​ញចីស​ជេស​តា​នាវ​កោរាញ​ឞ្រាស​ងើយ​លាស៖ «លើយ​អោស​រាល៝ង​នាវ​ទើយ​កោរាញ​ឞ្រាស​អី​ឞ្រាស​មៃ​នើម»”។