នាវនតើម 32
32
យាកោបតឹមម៝ប់ដាសអេឆាវ
1 យាកោបទ៝ក់ហាន់ជឹតនាប់ជឹត ជេសរីគែសផូងតោងពារ់កោរាញឞ្រាសតឹមម៝ប់ដាសពាង់។ 2ត៝ត់មាយាកោបឆៃផូងតោងពារ់នៃ ពាង់លាស៖ “នតុកអ្យាជេងនតុកផូងតោងពារ់កោរាញឞ្រាសគុរ៝” ជេសរីពាង់រាញានតុកនៃ៖ «មាហានែម» គែសនាវខ្លៃលាស«គែសឞារផូងគុតានៃ»។
3 យាកោបដាៈមពោលឞូនុយ្សនតើយ្សនាវពាង់ហាន់ល៝រតឹមម៝ប់ដាសអេឆាវនោពាង់តានតុកអេដ៝ម់ ឞ្រីឆេអីររី។ 4យាកោបលាសមាមពោលអីនៃ៖ “ខាន់មៃមឞើសកើតនអាមាអេឆាវកោរាញគ៝ប់តៃ៖ «យាកោបអីឞូនុយ្សឆើមកើលជានការមៃ ពាង់ដាៈហេនមឞើសកើតនអា៖ «គ៝ប់មានមាគុនទ្រែលលាបានត៝ត់នារអ្យា។ 5គ៝ប់គែសនទ្រោក គែសឆែសលៀ គែសឞែឞ្យាប់ គែសឞែ នទ្រែលមាគែសឞូនុយ្សឆើមកើលជានការឞូអូរឞូក្លោអ៝ក់ដ៝ង់។ អាបៃអ្យាគ៝ប់ដាៈឞូហាន់មឞើសមាមៃអីកោរាញគ៝ប់ គៃមាមៃយោៈគ៝ប់»”។#៣១:៣៨ 6ជេសរីមពោលអីពាង់ដាៈហាន់នៃ ព្លឹឆឹតមឞើសងក៝ចមាយាកោប៖ “លែៈជេសហេនតឹមម៝ប់ដាសអេឆាវនោមៃ។ ពាង់ហាន់តឹមម៝ប់ដាសមៃដ៝ង់ នទ្រែលមាលែវឞាល់ ៤០០ នុយ្សហាន់នទ្រែលពាង់នើម”។ 7យាកោបក្លាចរាវៃហោងាន់ ជេសរីពាង់តឹមពាៈនតុកគុឞារមពោល នទ្រោក ឞែឞ្យាប់ ឞែ នទ្រែលមាឆែសឆាមោពាង់តឹមពាៈឞារមពោលដ៝ង់ 8យ៝រលាសពាង់មឹន លាសអេឆាវលើសទូនតុក ហោមទូនតុកដ៝ង់ក្លាយ្ស។ 9យាកោបមឞើសឆើមមាកោរាញឞ្រាស៖ “អើកោរាញឞ្រាសអីអាឞ្រាហាម់ ចែគ៝ប់យើកមឞាស អីអីឆាក់ឞឹគ៝ប់យើកមឞាស អើឞ្រាសយេហោវា មៃលែៈលាសជេសមាគ៝ប់៖ «ហាន់មៃព្លឹឆឹតហ៝ម់តាឞ្រីចែមៃនើម តានទុលមពោលមៃនើមរី គ៝ប់មរាជាននទើអ្វែសមាមៃ»។ 10គ៝ប់អ្យាឞូនុយ្សឆើមកើលជានការមៃទើម មោទីមៃរ៝ង់មាគ៝ប់រាប់ជាប់ នទ្រែលមាគុតាគ៝ប់រាប់ជាប់ត៝ត់ទាសអ្យាអីរមាគ៝ប់។ យ៝រលាសទោលគ៝ប់ហាន់គ្លាត់ទាករាលាយយោរដាន់អ្យា គ៝ប់គែសទូមល៝ម់ម៝ង់ជ្រាទើម យើនមាអាបៃអ្យាគ៝ប់លែៈជេងឞារមពោលងាន់។#៣១:៣, ១៣ 11ទាន់មៃកើលគ៝ប់ អ៝ន់គ៝ប់ក្លាយ្សឞើសតីអេឆាវនោគ៝ប់ យ៝រលាសគ៝ប់ក្លាចពាង់ត៝ត់តាអ្យា ពាង់ងខឹតញហាងរានាក់វ៝ល់គ៝ប់ នអ៝ប់មាឞូអូរក៝នឆែ។ 12យើនមាមៃលែៈលាសជេសមាគ៝ប់៖ «តៃគ៝ប់អ៝ន់នាវអ្វែសមអាកដាប់មពាន់មាមៃ តៃគ៝ប់ជានរាន៝យទែសមៃអ៝ន់ឞឹករឹអ៝ក់តឹមឞានមាច៝យ្សរ៝ៈទាកវាច់ទាកវារ់ មោហោមឞ្លាវកើប»”។#នន ២២:១៧
13មាង់នៃពាង់ឞិចតានតុកនៃ។ ពាង់ឆ៝ៈទ្រាប់នទើពាង់គែសបាៈ មាអ៝ន់អេឆាវនោពាង់រី#២៨:១៤ 14គែសឞែមែ ២០០ ឞែងក្វ៝ង់ ២០ ឞែឞ្យាប់មែ ២០០ ឞែឞ្យាប់ងក្វ៝ង់ ២០ 15ឆែសឆាមោនអ៝ប់មាហោមក៝នពូត៝ស ៣០ នទ្រោកមែ ៤០ នទ្រោកងក្វ៝ង់ ១០ ឆែសលៀមែ ២០ នទ្រែលមាឆែសលៀងក្វ៝ង់ ១០។ 16ពាង់អ៝ន់ទឹងលែៈមពោមពា(ឆ្យុម)អីនៃមាផូងឞូនុយ្សឆើមកើលជានការមាពាង់រី តឹងផូងតឹងផូងអេងៗ ជេសរីពាង់លាសមាមពោលឆើមកើលជានការមាពាង់នៃ៖ “ខាន់មៃហាន់ល៝រ លែវមពោមពា(ឆ្យុម)អ្យាអ៝ន់តឹមបាសតឹងផូងតឹងផូង គ៝ប់ហាន់ឞើសកើយ”។ 17យាកោបនតិញមាផូងឞូនុយ្សឆើមកើលជានការមាពាង់នៃ ពាង់លាស៖ “លាសអេឆាវនោគ៝ប់ម៝ប់ខាន់មៃតៃ លាសពាង់អោប៖ «ឞូម៝សកោរាញមៃ? អាសនតុកឞ្រោៈនតុកហាន់មៃ? មពោមពា(ឆ្យុម)ផូងហាន់ឞើសនាប់មៃនៃឞ្រែម៝ស?» 18អ៝ន់ខាន់មៃលាសមាពាង់កើតនអា៖ «ទឹងលែៈមពោមពា(ឆ្យុម)អ្យា មពោមពា(ឆ្យុម)យាកោបឞូនុយ្សឆើមកើលជានការមាមៃនើម ពាង់អ៝ន់ទឹងលែៈមពោមពា(ឆ្យុម)អ្យាមាមៃ កោរាញ។ ពាង់នើមហោមអែឞ្រោៈឞើសកើយហេនរី»”។ 19យាកោបដាៈមាទឹងលែៈឞូនុយ្សអីវែងឞើសកើយឞើសកើយទឹងលែៈផូងមពោមពា(ឆ្យុម)នៃពាង់ដាៈកើតនៃទាទេ។ ពាង់លាសមាផូងខាន់ពាង់៖ “នោកខាន់មៃម៝ប់អេឆាវរីតៃ អ៝ន់ខាន់មៃមឞើសមាពាង់កើតនៃទាទេយឹ។ 20ខាន់មៃមឞើសមាពាង់៖ «យាកោបឞូនុយ្សឆើមកើលជានការមៃហោមអែឞ្រោៈឞើសកើយគ៝ប់រ៝»”។ យាកោបជានកើតនៃ យ៝រលាសពាង់មឹន៖ “ទឹងលែៈនទើគ៝ប់អ៝ន់ឞូលែវញអោតល៝រមាអ៝ន់នោគ៝ប់នៃ គ៝ប់អុចពាង់ឞាសជីនូយ្សមាគ៝ប់រ៝។ ជេសរីត៝ត់គ៝ប់តឹមម៝ប់ដាសពាង់នើមតៃ ក្លាប់លាសពាង់រ៝មគ៝ប់មានាវអ្វែស”។ 21ទឹងលែៈមពោមពា(ឆ្យុម)ព្រែអ៝ន់នៃឞូលែវញអោតល៝រទាទេ យាកោបនើមរីហោមឞិចតាចូនឞ៝កនៃទូមាង់។ 22តាមាង់នៃដ៝ង់ យាកោបទ៝ក់លែវលែៈអូរពាង់ឞារហៃ លែៈឞូអូរអីឆើមកើលជានការមាឞារហៃអូរពាង់នៃ នទ្រែលមាក៝នឞូក្លោពាង់ ១១ នុយ្សរីហាន់គ្លាត់នហ៝ងទាកយាបុកព្លាង់នតុកថើលឞូវៃហាន់។ 23ជេសពាង់ញជុនអូរក៝នពាង់នើមត៝ត់កាល់តីទាករីលែៈផ្យៅ ពាង់ដាៈឞូហាន់នតោសទ្រាប់នទើពាង់នើមរីដ៝ង់។
យាកោបតឹមញាត់តឹមមព្រាសដាសកោរាញឞ្រាស
24 យាកោបហោមគុពាង់ទូហ្វេអេងតានៃ។ តាមាង់នៃគែសទូហ្វេឞូក្លោហាន់តឹមញាត់ដាសពាង់នហ៝មាត៝ត់អាងអោយ។#ហោឆ ១២:៣-៤ 25ត៝ត់មាឞូក្លោនៃពាង់គឹតលាស ពាង់មោអោសទើយដាសយាកោប ជេសរីពាង់លើសយាកោបតាព្លាង់ងគាងឞុត។ យាកោបនហ៝មាគ្លែតរ៝នោកខាន់ពាង់តឹមញាត់នៃ។ 26ឞូក្លោនៃលាសមាពាង់៖ “បើកអ៝ន់គ៝ប់ឆឹត យ៝រលាសឞ្រីលែៈអាង”។ យាកោបអើស៖ “គ៝ប់មោអោសបើកមៃ ត៝ត់មៃលែៈអ៝ន់នាវគែសជេងមាគ៝ប់ប៝ត់មើ”។ 27ឞូក្លោនៃអោបយាកោប៖ “មៃមើមរាញា?” ពាង់អើស៖ “គ៝ប់រាញាយាកោប”។ 28ឞូក្លោនៃលាសតៃ៖ “មៃមោហោមអោសនតើយាកោបជឹត មៃនតើអីឆ្រាអែល យ៝រលាសមៃតឹមញាត់ដាសកោរាញឞ្រាស តឹមញាត់ដាសឞូនុយ្សដ៝ង់ លែៈទើយមៃ”។ «អីឆ្រាអែល» គែសនាវខ្លៃលាស«ពាង់តឹមញាត់ដាសឞ្រាស»។#នន ៣៥:១០ 29យាកោបអោបឞូក្លោនៃ៖ “ទាន់មៃមឞើសរាញាមៃអ៝ន់គ៝ប់គឹត”។ ឞូក្លោនៃលាសមាពាង់៖ “ម៝សមៃអោបអុចគឹតរាញាគ៝ប់?” ជេសរីពាង់អ៝ន់គែសជេងមាយាកោបតានតុកនៃ។#៣៥:១០; ផក ១៣:១៧-១៨ 30យាកោបតេៈរាញានតុកនៃ «ពេនីអែល» គែសនាវខ្លៃលាស«មុសមាត់ឞ្រាស» យ៝រលាសពាង់លាស៖ “គ៝ប់លែៈឆៃមាមាត់ងាន់មុសមាត់កោរាញឞ្រាស យើនមាឆាក់គ៝ប់នើមហោមអែរេស”។#ផក ១៣:១៧-១៨ 31នារលែៈលោស យាកោបលោសហាន់ឞើសនតុកពេនូអែលនៃ។ ពាង់ហាន់ដឹលនទឹតដឹលនទឹត យ៝រលាសងគាងឞុតពាង់គ្លែត។#នង ៣៣:២០-២៣ 32កើតនទ្រីទឹងផូងក៝នឆៅអីឆ្រាអែលត៝ត់អាបៃអ្យា ខាន់ពាង់មោអោសឆាព្វាច់មលៃតាងគាងឞុត យ៝រលាសលែៈកោរាញឞ្រាសលើសយាកោបតាព្លាង់ងគាងឞុត។
Currently Selected:
នាវនតើម 32: cmoK
Highlight
Share
Copy
Want to have your highlights saved across all your devices? Sign up or sign in
© (Active) Wycliffe Bible Translators, Inc. All rights reserved.
